كيفية صنع راس الحانوت الصحراوى

le chameau · 2012-06-28, 19:27

السلام عليكم احنا فبل رمضان نحضرو راس الحانوت ويقعدلنا بالعام و ريحتو تشهى و هذه الطريقة تعلمتها على امى ادعولها ربى يطول فى عمرها حبيبنى الغالية لى 500 غ كسبر حب ديرى 150 غ كمون 150غ فلفل اكحل 150 كروية 150غحبة الحلاوة 150غكروية 150غ بسباس 25غ كل من لحية الشيخ كبابة العود الاصفر و قليل من الفرفة حوالى 4عودان و 3حبات جوزة الطيب شوية سنوج و اذا حبيتى حبات حلبة اختيارى نطفيهم من الغبرة ثم حمصى الكسبر و احرفى لحية الشيخ و ابعتيهم الى الرحاى و الله العظيم غير ريحتهم ما شاء الله حتا تدبرو هذ راس الحانوت فىالفريك و المرقات الحمراء و انتم كيفاش ديرو راس الحانوت نتاعكم

فاء المؤمنة بالله · 2012-06-28, 20:30

مشكوووووووووووووووووووووووووووووووووووورة اختي وبارك الله فيك
اما انا نستعمل نفس الطريقة غي كسبر انا منحمصوش وحبيت نسغسيك كي تحمصيه ميفسدش او يعطي نكهة مش مليحة ولا بعكس
يعود افضل من الي مش محمص او شكرا ارجوا انك تجاوبيني الخاطر قلت نجرب تحمصوا اذا ان مليح

bsiham · 2012-06-28, 23:01

مشكورة ربي يحفظلك الوالدة ويطول في عمرها

remadna · 2012-06-29, 09:47

يعطيك الصحة
لقد كتيت الكروية على مرتين ؟
ما هو لحية الشيخ؟

ام محمد الحبيب · 2012-06-29, 15:28

شكرا ليك اختي على الوصفة
أنا ما نستعملش التوابل في طبخي
فقط ملح و فلفل أكحل

Best hope · 2012-06-29, 16:29

ربي يحفظلك الوالدة ويطول في عمرها
ما هو لحية الشيخ؟

le chameau · 2012-06-29, 20:40

مشكوووووووووووووووووووووووووووووووووووورة اختي وبارك الله فيك
اما انا نستعمل نفس الطريقة غي كسبر انا منحمصوش وحبيت نسغسيك كي تحمصيه ميفسدش او يعطي نكهة مش مليحة ولا بعكس
يعود افضل من الي مش محمص او شكرا ارجوا انك تجاوبيني الخاطر قلت نجرب تحمصوا اذا ان مليح السلام عليكم تحبى تحمصيه و الا لا فقط ريحتو تقوى شوية و لكن عادى

le chameau · 2012-06-29, 20:56

شكرا اختى bsiham اما ramdana الكروية خطا منى فقط مرة واحدة اما لحية الشيخ تجديها عند العشاب لا اعرف ماذا تسموها عندكم وانتى كذلك يا اختىbesthope و مشكورةاما ام محمد الحبيب نحن نستعمل راس الحنوت فى المرقة الحمراء صدقينى بنة واحدة اخرى احسن من لى تشروه

le chameau · 2012-06-30, 16:26

رانى نسيت ما قولتلكمش لحية الشيخ تحرقيها قبل ما تديها الى الرحاى

jackin · 2012-07-01, 00:26

يعطيك الصحة

الكـ الطيبة ـلمة · 2012-07-01, 18:38

صحيح انا نشري راس الحانوت نتاع البساكرة و مرة شريت البهارات من ورقلة

ريحتهم في الكوزينة تشهي

شكرا لكِ و ؤبي يحفظ ليك اميمتك و يحفظ لي أنا تاني أميمتي

le chameau · 2012-07-01, 20:56

امييييييييييييييييييييييييييييييييييييييين يا رب العالميييييييييييييييييييييييييييييييييييييييييييي ييييييييييييييييين

ام انفال الجزائري · 2012-07-03, 11:00

اقتباس:

المشاركة الأصلية كتبت بواسطة فاء المؤمنة بالله

مشكوووووووووووووووووووووووووووووووووووورة اختي وبارك الله فيك
اما انا نستعمل نفس الطريقة غي كسبر انا منحمصوش وحبيت نسغسيك كي تحمصيه ميفسدش او يعطي نكهة مش مليحة ولا بعكس
يعود افضل من الي مش محمص او شكرا ارجوا انك تجاوبيني الخاطر قلت نجرب تحمصوا اذا ان مليح

اختي حمصيه احسن باش ريحتو دزيد مي مش باف غير يولي ذهبي على بني فاتح حبسي لاينحرق

راجية عفو الله · 2012-07-03, 11:23

باارك الله فيك حنونة هاايلة

le chameau · 2012-07-03, 11:49

pas de quoi hanounti