متردد و حائر

[مشكلتي]

مع انني عقدت عليها شرعا الى انني ما زلت مترددا في اكمال الزواج اولا فارق كبير في السن يصل الى خمس عشر سنة ثانيا فشلت في احتوائها لانها كتومة جدا ثالثا لم اجد منها اي تفاعل في اي موضوع طرحته و لم اشعر انها بحاجة الي في اي وقت و لا انا شعرت اني بحاجة لها مع انني كنت اتتظاهر بذلك رابعا عاداتهم الريفية مرفوضة عندنا و هي مثار للاستهزاء و الازدراء و هو ما ترفض تقبله خامسا معجب بشكلها و اخلاقها و دينها

[عثمان الجزائري.]

ربما هي من النوع الخجول و لا تعرف حتى كيفية التعامل فبحكم تدينها و عادات الريف قد تكون لها شخصية إنطوائية مما يجعلك تشعر أن لها جمود عاطفي

[سفيان31]

نعطيك نصيحه

تمسك بها واياك تفرط فيها الظاهر ان البنت من نوع خجول ولازم تعطيها وقت بش تتعود

ماتوسوسش روحك مزال انت حبها الاول

[مراد سابقا10]

يا اخي اذا معجباتكش الطفلة وقف كلش من ضرك

خير من تزوج بيها ومبعد تطلقها

استفسر منها على الأشياء التي تزعجك قبل القيام باي تصرف

[اناناسة]

السلام عليكم . الفتاة تبدو جيده لماذا تعقد الامور ....كيف تريدها ان تكون اذا؟ حتى الرسول صلى الله عليه و سلم قال : اظفر بذات الدين ... الامور التي تبحث عنها الان تقتضي العشره و الحياة اليوميه ....اذا كانت منفتحه و شديدة التعلق بك كنت ستقول : هذه الفتاة ذات مغامرات و تجارب و اذا كانت كتومه لماذا هي هكذا ؟ .... كيفما كانت الفتاة لابد هناك ريبه بالنسبه لكم .... فيق يا اخي قبل ان تضيعها من يدك هناك من يبحث عن نصف هذه الصفات .... العشره هي التي تجعلك تشعر ياهميه الاخر في حياتك و هي عاشت بدونك قبل ان تتعرف عليك لا تنتظر منها ان تحتاج لك من الان .... ربي يوفقك للقرار السليم

[اريج الرجولة]

خويا كم عمرها حتى يتسنى لنا افادتك انت مخير في الاجابة

[سَامِيَة]

خليها توثق فيك وتحس بالأمان معاك وراح تشوف العجب المعجب...اللي متكونش موالفة خرايب بليس صعيب عليها تنسجم معاك بسهولة....هاذي راهي كيما البئر العميق مشي لي جا يقدر يدخل ليه نتا وشطارتك...الكتومات بطبيعتهم يجو مليانين محبة وحنانة المشكل فقط يصعب عليهم التعبير عليها،المهم أخي مكانش كيما المصارحة قعد معاها وحكيلها على هاد الحوايج اللي مقلقينك...أما من جهة العادات نتاعهم قادر منبعد توضح لها وجهة نظرك وإذا قدرت تقنعها راح تتخلى عليهم...جيبها معاها غير بالسياسة بالاك ماهيش مرتاحة ليك ولا مكرهة على الزواج ديجا راك قلت بلي فارق السن كبير بيناتكم،...صارحها أخي.

بالتوفيق

[ridha34]

امنحها بعض الوقت لعلى و عسى.

[خالد عنابي]

يكفيكم من التمسخير والقوالب والمواضيع الزائفة

تعقد عليها ومبعد تولي حائر و متردد ؟!

[عبدالنور.ب]

هنيئا لك زوجة مثلها، فأنا اغبطك على ذلك ^^
أخي الحبيب هذا من وساوس الشيطان، وهذه هي غايته التفريق بين المرء وزوجه.. فسأل الله العافية وعليك بالدعاء، والمرأة عندما تكون بجانبك ليس كمن تكون عبر الهاتف (هذا ما سمعناه من مشايخنا) فأبشر، فظاهرها خير إن شاء الله

[محمد جديدي التبسي]

يكفيك منها هذا

المشاركة الأصلية كتبت بواسطة مشكلتي

خامسا معجب بشكلها و اخلاقها و دينها

حاول تتقرب منها اكثر لتطمئن لك وترتاح اليك
فارق العمر لا يعتبر مشكلة اذا كنت ذكيا وتفكيرك يجذبها
فالفتاة في هذه المرحلة محتاجة للكثير من العواطف وبعض الهدايا
وليس تفكير شيخ في الستين كاره حياتو..ربي يفتح عليك
التردد والحيرة مرده الى الشيطان استعذ منه وحاول تكون ايجابي وتعيش حياتك وتتمتع بالحلال.

[ايمان4]

عاقد و باغي تبطل ؟؟ تبالي انت الطفل ماشي هي ؟ درك عاد بانتلك بلي صغيرة و ما تعرفش و بنت الريف و ماشي و ماشي ... بففف

[نورسين.داية]

السلام عليكم

الصراحة الكلمات الثلاث الأخيرة الذين ذكرتهم هي الشرط أو شروط إبرام أي عقد زواج ........

مسألة التفاعل ......و الله ماش مقتنع ....إفترق عنها أفضل لكن هي سوف تكون في حكم المطلقة و انت ايضا ضف لها قبل الدخول


لكن تمنيت أنك دكرت هذه العادات المرفوضة عندكم كمجتمع أو كأسرة .....بالرغم من أنها سوف تعيش معك أنت وحدك و ليس المجتمع ........

لم أعلم أن في مجتمعنا الجزائري يفرقون بين الريف على قولك و نيويورك نتاعك ...........................

صح أنا شخصيا نفرق بين جهات الجزائر شرق أو غرب أو جنوب ...و نفضل جهة على جهة صح أعترف بدلك ...........لكن ريف و نيويورك .نتاعك ......الصراحة معادش كاين فرق و الله أعلم

بالتوفيق أخي

[زبدة ذايبة]

إذا ماكنتش مقتنع بيها خليها !!!!!!!!!!!!!

يجيبلها رب العالمين اللي يناسبها

يكون قريب منها في السن

ومن الريف ولا من القرية اللي راهي عايشة فيها

يتقبلها بطقوسها البدائية اللي تربات عليها

وميلقاش حتى فروقات اللي راك تكتب عليها

يحتاج إليها حتى وهي بعيدة عليه

ويفتقدها إذا غابت

ويفهمها قبل ماتهدر

وش اللي يجبرك على أنك تحط نفسك في موقف الحيرة والتردد

إنسانة عقدت عليها ، وصارت زوجتك شرعا

ومن كل الأشياء الإيجابية اللي فيها من تدين وجمال وصغر سن ، وحياء وتربية

بانلك جانب البرستيج ناقص فيها ومعدوم

حبيتها تكون بنفس الطريقة اللي راك عايش بيها

وحبيتها تكون مثل ما راك تفكر في الأنثى يجب أن تكون

ماكلاش تتوقع أمور غير موجودة

وماتكلفهاش فوق طاقتها

هي إنسانة بسيطة وصغيرة

تفكيرها وتربيتها ماترقاش للمستوى تاعك انت

إذا راك تشوف أن الأمور اللي خلاتك تتردد مهمة جدا

خليها واطلق سراحها يجيبلها ربي شاب آخر

وإذا كنت تراعي ظروفها وسنها ، ويهمك أمور أخلاقياتها ودينها ماتفرطش فيها

تبقى حاجة وحدة نأكدلك عليها وهي :

ماتحملهاش فوق طاقتها وماتطلبش منها الأشياء اللي ماتعرفهمش

كون معاها زوج حنون ، وودود وعاونها تتعلم أمور الحياة الدنيا

وإذا ماشي عاجبتك طلقها يهنيها غيرك

[sohaibdz]

كل الشروط متوفرة فيها... اتمسك بيها و بما انها زوجتك الان اتقرب ليها خطوة بخطوة و مع الوقت ان شاء الله تفهمها و تفهمك و تتاقلمو