خياطة ....اللحاف عند بنات سيدي بلعباس....

[صمت الجزائر]

شكرا لمرورك...وعن قريب تشوفو اعمالي...راهي عندي مشكلة ...كيفاش نصورلكم البساطات تاوعي...وشكرا

[sousouprof]

baraka allaho fiki

[farida1980]

مشكورة أختي على هاذ الطريقة و ياريت المرة القادمة تعطيني الأشكال أي الرسومات التي توضع في اللحاف و ربي يحفظك

[maroua77]

ممكن تمدينا بالصور يكون اوضح وربي يعاونك

[sofiane2075]

الشرح واضح يعطيك الصحة و ان شاء الله تتمكني من ارسال الصور الله يبارك

[صمت الجزائر]

المشاركة الأصلية كتبت بواسطة sofiane2075

الشرح واضح يعطيك الصحة و ان شاء الله تتمكني من ارسال الصور الله يبارك

شكرا على المرور....والتشجيع...وبارك الله فيك يا حبيبتي واختي

[ZOINA2105]

اختي صمت الجزائر ما قلتيليش وين نلقا المساسك يتباعوا

عجبتني الفكرة نتاعك وحبيت نجربها اختي


ردي علي

[cls]

يعطيك الصحة

[صمت الجزائر]

السلام عليكن... سامحوني على التاخر...النت كان مقطوع عندنا ..المهم...راني عارفة بلي كل وحدة فيكم راهي تحاول تتعلم الطريقة نتاعي ...المشكلة الاولى ..راهي في المساك....انا عندي المساسيك قدام نتاع امي...وتجدينهم في المحلات او الاسواق عادي ...واذا لم تجديهم...نعطيلط طريقة ساهلة اللي تعوضي بيها المساسيك.....والطريقة هي انك تصنعي اس s من السلك عادي ......................راس واحد غرزيه في قنت البساط والراس الثاني في الحصيرة ويكون منوقز مثل الابرة باش تنجمي تغرزيه عند الاستعمال وطوله على حسب اصبع الشاهد وطلبي من الاخ او الزوج او الابن باش يصنعلك هو ادرى بهذه الامور .....ونزيد نسهلك اكثر غادي تسؤليني عن نوعية السلك...نقولك ممكن تدي السلوكة نتاع المظلة نتاع الامطار تكون قديمة عندك ومكسرة ....مثل هذه الصورة.. ....... .....

...والسؤال الثاني راكي تقولي بلي النفدة من التحت راهي تجيك كبيرة ....حاجة ساهلة....نوريلك الطريقة نتاعي ..وهي ...كي نغرز الابرة باش نخرجها من التحت نستقبلها بيدي من التحت ...وفي هذه الحالة نستعمل فقط الاصبع اللي يشبه الشاهد اللي في اليد اليسرى(انا نغرز باليد اليمنا من الفوق ...ونستقبل باليد اليصرى من التحت)...وكي تخرج الابرة من التحت...هنا المشكلة نتاعكم ...ماتخرجيهاش بزاف ..فقط الراس...وعلاش راني نقولك استقبليها بالاصبع ..اي كي تحسي بنقزة الابرة...رجعي طلعي ...ونتمنى انكم فهمتوني ..ورانى هنا باش تسالوني واش تحبو وبلتوفيق

[ZOINA2105]

شكرا الف شكر اختي كفيتي ووفيتي بارك الله فيك اختي

ان شاء الله عند اقرب فرصة اجرب

[صمت الجزائر]

مرحبى بيك وببنات بلادي ...واذا ماشالتكمش الارض نشيلكم على راسي وتستاهلو القلب نمدهلكم .........وبارك الله فيك

[تغرينية]

شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي

[صمت الجزائر]

المشاركة الأصلية كتبت بواسطة تغرينية

شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي

صبري عليا شوية ...وخلينا نتمشو غير بالحبة...باش الكل يفهم...وشكرا على المرور... وبارك الله فيك

[بنت سكيكدة]

المشاركة الأصلية كتبت بواسطة صمت الجزائر

السلام عليكن جميعا....اليوم راني حابة نوريلكم طريقة خياطة اللحاف اي البساط...اللي تعلمتها من امي ربي يحفضهالي ويشافيها ان شاءالله.....واقسم باله العلي العظيم ......اقسم باله ....اقسم ...اني نخيطهم بهذه الطريقة وبدون زيادة ولا نقصان ..المهم.....هادي الطريقة مافيها لا مسامير ولا لوح ولكن حاجة وحدة تشدي بيها ...هي هدا المساك من نوع الحجم الكبير يلزمك 4 مساسيك ....قد اصبع الشاهد....وبس الطريقة سهلة .....فرشي حصيرة الدار عادي فوق الارض... ثم حطي الوجه الاول من الكتان.... ثم حطي فوقه اللي عندك من صوف او لواط اوقطعة من زاورة قديمة ...ثم البونجة او الاسفنجة ...ثم كيما حطيتي من اسفل البونجا حطي فوقها....وحطي واجهة الكتان ....هنا عادي بالنسبة لكم ...وهنا تبدا الطريقة ديالي ....وهي .........عند كل قنت من اللحاف مسكيه بالمساك في الحصيرة اي انك تحكمي بالمساك(بعدي على الحافة نتاع القنت بمقدار نصف اصبع الشاهد)....حكمي( الكتان 1 مع لاواط1+البونجا+لاواط2+الكتان 2)....ثم مسكيه في الحصيرة وجبدي مليح ....خلي الحافة ما تخدميهاش وخدمي الاطار والوسط عادي كيما تخدميه في العادة ولما تكملي فكي اللحاف من الحصيرة وخيطي الحافة......ومبروك عليك ...اذا ما فهمتوش راني هنا ...ولازم تعطوني رايكم باش نكملكم الموضوع مشي تقرو وتخلوه....لازم يكون تفاعل باش ندعم بعضنا بعض ...وبالتوفيق لكن جميعا....ومااحلانا لاما نكونو متاحدين ومتفاهمين......

طريقة سهلة غاليتي بارك الله فيك

هذا ارحم من الالواح...الوالدة نتاعي تجري موراي كون نديرهم في الدار

[صمت الجزائر]

المشاركة الأصلية كتبت بواسطة بنت سكيكدة

طريقة سهلة غاليتي بارك الله فيك

هذا ارحم من الالواح...الوالدة نتاعي تجري موراي كون نديرهم في الدار

راني هنيتك من هذي المشكلة...وسهلت على الوالدة ربي يحفضهالك ويطول في عمرها...فقط قوليلها تدعيلي بدعوة الخير...وربي يجازيك ويوفقك...وشكرا لمرورك واهتمامك