climatiseur محمول

[4naniko]

السلام عليكم

اريد شراء مبرد محمول هل له نفس فعالية المبردات المتبثة في الحائط
وهل يعمل بصمت ام المحرك فيه ضجيج

وشكرا

[4naniko]

هل من مجيب

[mos3abyacine]

والله حتى انا راني نخمم فيه وعندى نفس الانشغال......لمن يعرف احسن نوعية وكم ثمنها وهل تكون مثبة فى جزء اخر ولا تكون لوحدها.........وبارك الله فيكم.

[ام سارة 285]

السلام عليكم اخي
انا عندي واحد ماركة كوبرا و الثمن تاعو غالي شوية 3 ملاين وحاجة بالنسبة للفعالية العادي احسن يدير الضجيج بزاف انا اضطريت نشريه لانو نتقل من بيت لاخر لكن اذا استطعت اشري العادي احسن و اذا ظروفك ما تسمحش اضن انو المحمول يفي بالغرض يبرد و تنقلو معاك وين حبيت

[امال مارية]

السلام عليكم العام الماضي زوجي اشترى واحد لازم له ثقب في الحائط باش يخرج الهواء يا اخي واش نقولك يبرد كانه مروحة فقط مش كليماتيزور ويدير صوت مزعج خلاص و الثمن تاعو 3ملاين ونص والهواء مايبدلوش يعني قادر في الليل ينقص الاوكسجين ما ننصح بيه حتى واحد و الحمد لله فرج علينا ربي العام هذا و اشترينا واحد عادي

[الأستاذة حياة]

مشكورين على المعلومات الي فدتونا بيها

[Maria dadi]

معنديش فكرة عليه

[nada_05_]

أول مرة نسمع بيه
ممكن الفعالية تاعو تختلف من ماركة لأخرى
والمكيف العادي كم سعرو؟

[shaydiaa]

لا أنصحك بشرائه لأن مفعوله مثل المروحة زيد صوت مزعج أنا شريتو باش نبرد المطبخ لكن ندمت ننصحك بالكليماتيزور العادي أحسن

[raouf80]

ننصحك بالكليماتيزور العادي أحسن

[mehdi khennouf]

مشكورين على المعلومات خاوتي

[MEBARAK]

انا عندي اتبراد يبرد الصوت فيه صوت مزعج والثمن نتاعو غالي يدير ثلاثة مليون
انا شريتو وندمت

[ورود ياسمين]

اول مرة نسمع بيه

[sara lora]

ما ننصحكش بيه ما يبردش مليح ومعظم الي شراوه على جال المطبخ حتى حنا كنا حبين نشروه في رمضان ليفات

توييو نتاعه كبير بزاف ويليق تكون نافدة ولا باب يخرجلك الهواء وزيد يدير الحس هاكدة نصحنا البائع وحتى لي نعرفوعم شراوه

[knives66]

على تجربتي لهذا نوع هو يبرد لكن ليس بقوة كليمتزور ثابت

اما على ضجيج لا صوت خفيف

نوع لنستعملوا cobra

ويبقي مشكل تويوا تاع هواء ساخن هو لي يقلق