الجزء 189 من كوزينة حراير الجلفة ..كوزينة أغلى حراير

[سحابة باردة]

صباح النور عليكم جبتلكم تحلية منعشة وخفيفة بنينة المهم تهوس لعشاق البسكويت والكريمة هي في الأصل تزين بكوكتال من الفواكه ونا كان عندي غير المشماش والخوخ أيا الخوخ
نحبوا عصير زينتها غير بقطع المشماش قصة حياة تحلية هههه

هذي صورة عن قرب باش تشوفو الطبقتين


ملاحضة الوصفة راني درتها موضوع في قسم التحليات والعصاير
إذا حابين تزورني هناك أهلاوسهلا

[nihal159]

صباح الخير سحابة؛ أممممممممممممم ياعيني على التحليات و الإنتعاش روعتها في بساطتها، يعطيك الصحة و بصحتكم.

[سحابة باردة]

شكرا نهال عيونك الحلوى
نبدا بسم الله
مريومة طياباك علامة أنا ندي الكسرة عجبتني
أم يوسف طل القمر حبيبتي صح رمضانك وحنا رانا غاية يسقسي عليك الخير وبصحتكم الميني
سوسو ملكة التحليات يعطيك الصحة نتي والميمة متعتونا بشهيواتكم
المشرفة هيلين نورتينا والمائدة بما لذٌ وطاب تشهي يعطيك الصحة الله يدومها
نهولة مخليتي في قلبنا والو جبتيلنا كلشي ساجية الله يبارك وطبعا الكسرة ليا ههه
أم لوجين مرحبا نورتي الكوزينة كلشي من يديك تحفة بصحتكم

[فافا مينوشة]

الله يبارك شهيتيني هههههههههههههه ممبعد نخدم ونحطلكم هههههههههههههههه

[سحابة باردة]

يافافا يالعفريتة ههه والله راني في شوق نشوف صنعة يديك
وصح فطورك حبيبتي

[mina nada]

مساء الخيرات لكامل حراير الجلفة بارك الله فيكم و ماشاء الله عليكم الاخت سحابة باردة ممكن طريقة التحلية راهي تهبل وشكراا

[sousou 5]

مسااء الانواار طبباااكم في القمة اختي نيهال ربي يحفظك والله حشمتيني بكلامك الزيين كيفك اختي
ههه وي حيرتك انا و فيفي هكذا باه تعرفي انا من جماعة 1999 هههههخ طالبة تاريخ لالا لااازم ندير ستاج عندكم ولا ماشك حابة تعرضيني عندك 😢😢😢😢😢😢😢😢😢#تعج ب طيبكم يعلى ولا يعلى عليه اختي حيااة انتي هربتي خلااااص هههه راكي
فيفي ام هدول ام رحاااب طيور بسان ام مهدي غاايبة
راااكم روووعة
اليوم رحت للجامعة على نقاط على هاذيك ماما لي راح طيب ليوم هههخ انا درت التحلية فلان طبقات بالبسكويت الصورة في المرفق و ان شاء الله راح ندي
Mini piza الى الملتقى ان شااء الله مساااء
وحبيت نقلكم بالشوي علينا طيابكم رووووعة والاذان مزاااال هه toooop

[Fifioo]

سلام
كيف حالكمك نهولة طالبة تاريخ سيرين و مشرفاتنا حياة و سحابة باردة و من انضم لنا حديثا
ما شاء الله اطباقكم تشهي ممكن اختي تعطينا وصفة على التحلوية لي قولتي عنها
هاذي محلبية تع جزائر ههههههههه بالبرتقال

[Fifioo]

ما شاء الله سيرين يهبل لفلان درتوا نشاء باش يحكم روحوا
حنا فطورنا لبارح متككرر عليها معودتش صورت ليوم مختلف
ورح نصورلكم ^^
بالنتظار اطباقكم الرائعة
هههههه سيرين رح ديري ستاج انا ثاني رح ندير معاك

[أم يوسف2]

سلام بنات والله ماعندي مانقول فيكم كامل فحلات وطيابات لي حطيتوهم ماشاء الله يشهو
حبيت نحط صور لكن حاولت وماحبوش
نسيت زقزوقتي تزعف عليا وشراكي توحشتك وتوحشت الارز تاعك يشهي

[أم يوسف2]

اليوم ندير شربة فيرميسال والدولمة بقات ونزيد سردين مقلي. وبصحتكم وصح فطوركم
حبيبتي سحوبة ترحب بيك الجنة

[أم رقية نسرين]

سلااام صح فطوركم مطرح ميسري يمري و مطرح ميأسس يبني خخخخ راني نشعر
نهولة شكرا على كلامك حنونة
سحوبتي التحلية تهبببببل ماشاء الله و الكسرة ادي بصحتك و نزيد نخبزلك من عيني هي ابل هي خخخ
سوسو اخلايا نحطك في عينيا يا ختيوتي بصح والله مني صح معندك متزيدي ربي يبعد عليك العين و يفرح ماماك بنجاحك بأعلى المعدلات في الجامعة
فيفي الصغيرونة يعطيك الصحة على التحلية
ام يوسف هدي غيبة إن شاء الله تكوني لاباس وبصحتك فطورك
فافا مرحبا بيك ختي تشرفينا حنونة

[أم رقية نسرين]

فطوري حساء الجبن و سوفلي و سلاطة والحميس و الحمد لله






صح سحوركم

[RIMA.87]

السلام عليكم و رحمة الله و بركاته
كيف أحوالكم أخواتي في الله ،
صح فطوووركم و رمضان مبارك ،نسأل الله ان يتقبل منا و منكم صالح الأعمال و يرزقنا الإخلاص له جل في علاه و ان يبلغنا ليلة القدر و لا يحرمنا أجرها،
و نسأله جل في علاه ان يبارك لنا في الرزق و يرزقنا شكر نعمه ،

بسم الله ما شاء الله على التحف المطبخية الراقية التي أتحفتمونا بها،
نهوووولة مولات الكوزينة ،الله يبارك على طيابك خاصة الدوولمة تستحق التجريب ،
و ما شاء الله البييتزا تووب .

حيووتة ما شاء الله على طاولتك تووب و طواجن المبتكرة تاعك هايليين ،
الاخت مريوووومة،ام يوسف،سحابة ،بيان،رزيقة ،ام لجين و فيصل،ام فاطمة،ام هدول،سعيدة
و الوافدات الجدد mina nada,fifioo,sousou5،فافا مينوشة،nina hnina،Hillin,
نقوللكم ربي يبارك لكم في رزقكم و في صحتكم ،اطايب اقل ما يقال عليها روووعة ،كل شئ متحوف و اكيييد بنين ،بصحتكم و بصحتهم عايلتكم ،

و كل الملتحقات و الغائبات صح فطووركم و ان شاء الله تكونوا بخير.

[nina hnina]

صح فطورك اختي ريما انت وكامل حراير لي راهم يتعبو فالكوزينة ربي يعاونكم