في حاجة ماسة الى مساعدة {فيما يخص الحياة العسكرية}

tarek93 · 2012-03-19, 12:30

اريد من فضلكم معرفة الايجاببات و السلبيات للحياة العسكرية في الجزائر

و بالاخص موضوع الزواج , فيقال انه يجرى تحقيق حول زوجة المعني , فما اريد معرفته هو طبيعة هذا التحقيق و النقاط التي يتم التطرق اليها:sdf:

متذوق الألحان · 2012-03-19, 15:49

التحقيق حول الزوجة هو انها من عائلة نظيفة غير مشبوهة اي احد من افراد عائلتها
وهذا افضل لك لتعرف عليها امورا ربما لم تكن تعلمها
فهذا يساعدك على الارتباط من عائلة نضيفة وباهية

متذوق الألحان · 2012-03-19, 15:57

خويا زيد دير في بالك الخدمة تاع السلاح اكل فيها شوية الريسك
وتحدلك شوية من الحرية تاعك
اما الايجابيات الشهرية مليحة العيشة مليحة مسوري ........................الخ
اما السكن الوظيفي فهو موجه للقيادات وصحاب المعارف

~~س.مراد~~ · 2012-03-19, 16:01

شوف لا لقيت في السيفيل خير ...................

راني شفت العسكر ..................ونكذب عليك إذا قتلك مليح ...............

التكيف مع الحياة العسكرية مرتيط بالشخصية أالتي تخصك ...........

إذا شفت الشخصية أتاعك قادر تحمل روح .................

وإذا شفت روح متحمل ........................ننصحك لوجه الله متروحش وتكره حياتك

الرزق على الله ....................

tarek93 · 2012-03-19, 20:26

بارك الله فيك يا اخي على التوضيح !

tarek93 · 2012-03-19, 22:34

انا في الحقيقة هاد العام نجوز الباك و خممت في العسكر لانو فيه تكوين احسن من باقي الجامعات اضافة الى ضمان المستقبل و قلت ندير رويبة { المدرسة التحضيرية لدراسات مهندس} ثم {المدرسة العسكرية المتعددة التقنيات} ببرج البحري
فهل هذا خيار جيد للذي يختار الحياة العسكرية ؟ و ما هي المهام التي يقوم بها المهندس العسكري التقني ؟

و بارك الله فيكم

cactus15 · 2012-03-19, 22:41

avant de mettre ce pas il faut pensser au conequense , ce n'est pas façile la vie millitaire

foufa31 · 2012-03-19, 23:29

نعرف واحد عسكري .. يشوف دارهم 1 خطرة في الشهر او شهرين .. راه نادم لدخل .. كل خطرة يقولي حياتي ضاعت .. لوكان قالولي هاك قاع ماندخلش ....... mé ماعلاباليش ويلا غير ف بداية او راح تفوت 25 عام هكد......... زيد سقسي و شوف ....

nino2610 · 2012-03-20, 01:42

هني روحك و اقعد بعيد

الا قادر تحمل المذلة روح بصحتك . العسكر ما فيه لا كابران و لا جنرال . كلها كيف كيف و الغاشي كامل يخدم الجبل

انا فوت العامين و شفت الجماعة نتاع دومي روترات كيفاش يخرجو اما جماعة ال 25 ربي يكون معاهم

يحي السيفيل يا خويا

الحمد لله على كل حال

ilyes COS · 2012-03-20, 09:50

ياخويا العسكري كيما الشمعة يتحرق باه يضوي على العائلة نتاعو

melissa89 · 2012-03-20, 12:58

السلام عليكم إخوتي
ممكن استفسار جارتي تريد العمل في الشرطة
ويريد خطبتها شخص مش جزائري الجنسية هل الأمر عادي أم فيه إشكال؟ولكم جزيل الشكر

متذوق الألحان · 2012-03-20, 13:47

اقتباس:

المشاركة الأصلية كتبت بواسطة melissa89

السلام عليكم إخوتي
ممكن استفسار جارتي تريد العمل في الشرطة
ويريد خطبتها شخص مش جزائري الجنسية هل الأمر عادي أم فيه إشكال؟ولكم جزيل الشكر

اذا كانت تخدم في الشرطة و تزوجها شخص غير جزائري و تريد ان تخرج من الجزائر فيمكنها ذلك لكنها يجب عليها ان تتخلى عن وظيفتها

melissa89 · 2012-03-20, 23:00

بارك الله فيك أخي متذوق الالحان على الإجابة
ربي يوفقك لما تريد...

amine-maghnawi · 2012-03-20, 23:24

اقتباس:

المشاركة الأصلية كتبت بواسطة melissa89

السلام عليكم إخوتي
ممكن استفسار جارتي تريد العمل في الشرطة
ويريد خطبتها شخص مش جزائري الجنسية هل الأمر عادي أم فيه إشكال؟ولكم جزيل الشكر

انا ثاني عندي سؤال انا شرطي خطيبتي لبنانية ممكن نتزوج بيها و نبقى في الشرطة

رؤوف 1990 · 2012-03-21, 12:45

اقتباس:

المشاركة الأصلية كتبت بواسطة foufa31

نعرف واحد عسكري .. يشوف دارهم 1 خطرة في الشهر او شهرين .. راه نادم لدخل .. كل خطرة يقولي حياتي ضاعت .. لوكان قالولي هاك قاع ماندخلش ....... Mé ماعلاباليش ويلا غير ف بداية او راح تفوت 25 عام هكد......... زيد سقسي و شوف ....

راه عندو الزهر كي يشوفهم كل شهر
نعرف واحد مسكين ساعات يبقى 6 اشهر مايشوفش الدار