الوصفة الجينواز:تاخذي 4 بيض +125 غ سكر +125 فرينة +1/2 ساشي خميرة تاع قاطو
تحضير:تفرقي الصفار عن البياض طلعي البياض كاثلج باباتور وتزيديلو السكر بالتدريج ..... تنقصي لسرعة الخلاط وتزيدي الصفارضربة وحدة و تكوني خلطتي الخميرة مع الفرينة وتزيديها للخليط ........
تدهني المول بالزيت و ترشي شوية فرينة و طيبيها انا ندخل موس باش نعرفها طابت
هذي وصفة تاعي معانات حتي لحقت لهاذ الوصفة تاع جنواز راكم عارفين بلي هي الصح في الباتيسري و لزم جي طالعة وخفيفة انشالله تنجحو فيها.............
اما التزيين فكل واحدة و افكارها بالنسبة للاكريمة الزبدة طريقتي نخدم سيرو ثقيل نوعا ما نضرب صفار بيضة حسب الكمية بسرعة عالية لازم نزيدو سيرو سخون نفرغوه على شكل خيط و نخلطو بالخلاط عالي السرعة +الزبدة تنقصي السرعة قطعت الجنواز 3 طبقات شمختهمم بالبانسو بالسيرو ماشي بزاف باش متتعجنش وندهن ونحط طبقة فوق طبقة و نزيد مافوق
عمرت بوش ادوي باكرام شونتيي بيضة واخرى زدتلها الكاكاو وتزيني اما الاطراف فدرت لوز مقشر و محمص و الوردة والورق كانت عندي بات دامندخسارة مصورتش المراحل مكونش عارفة رايحة نحطها لمرة لجاية نصورلكم المراحل باش تفهمو كتر و شكرا لكل وحدة عجبوها وصفاتي مع وصفات اخرى كي تزيدو تشجعوني كثر
( تقرير عن مشاركة سيئة )، و الموجودة أسفل كل مشاركة .
2015-08-21, 20:37
العرض العادي
