شخشوخـــة ام رحاب

[x ام رحاب x]

شخشوخت ام رحاب
هادي درتها في محرم حبيت انحطهالكم والي تحب الوصفة هاهي قدامها
العجين اديري السميد الرطب معاه نص الكمية فرينة والملح واتعجنيها مليح واتخليها ترتاح مليح اديري ليبولات شوية كبار على المسمن العادي علاخاطرش رايحة ديريهم رقاق
وكي يريحو مليح تبداي اديري فيهم بالورقة حتان تعود 12 ورقة واتنحيهم واتكملي حتان تكملي كامل لعجين
امبعد تبداي تورقي فيهو واتقطعيهم على شكل رشتة باه اجيك الشخشوخة تاعك مورقة وشابة ]وكي اتكملي فوري الرقاق ديالك وكي يفور ادهنيهم بشوية سمن او زبدة باه اجيك بنينة [/FONT][/SIZE]

G]








الان المرقة ديري في لاكوكوت ديالك اللحم ولا الجاج والبصل تكثري شوية انا درت 6 حبات بصل ودرت الملح فلفل اكحل راص الحانوت والسكنجبير ورت طماطم مصبرة واخليتهم حتان طابو وكي طابو درت البطاطا ودرت الحميصة كانت طايبة وكي عقدت سقيتها من الفوق البيض المغلي ساير داير
ان شاء الله تعجبكم شخشوختي ماتناونيش من دعوة خير في ضهر الغيب






عاودت عدلت شوية

[omjoujou]

يعطيك الصحة حبيبتي ام رحاب شخشوخة وعليها لكلام اممممممممممممممممممم سخفتيني فيها من صابني نجي عندك و نذوقها
لكي مني احلى تقيييييييييييييييييييييييم

[آسيا 27]

4444444444444

[البحر الصافي]

ما شاء الله ربي يبارك شخشوخة نتاع حراير يعطيك الصحة
على فكرة نفس طريقتي بالباء والتاء ومن ايديك اكيد بنينة
لكي مني اعلى تقييم

[chez biba]

الله يبارك ، يعطيك الصحة ام رحاب شخشوخة وعليها الكلام والله سخفتيني فيها نموت عليها
شكرا لك على الوصفة كيما تاعنا فقط حنا نزيدو معاها عود قرفة تجي رووووعة
بصحتكم

[x ام رحاب x]

المشاركة الأصلية كتبت بواسطة omjoujou

يعطيك الصحة حبيبتي ام رحاب شخشوخة وعليها لكلام اممممممممممممممممممم سخفتيني فيها من صابني نجي عندك و نذوقها
لكي مني احلى تقيييييييييييييييييييييييم

الله ايخليك حبيبتي وربي يخليك تسلمي حبيبتي على كلامك الطيب ياطيبة

[x ام رحاب x]

المشاركة الأصلية كتبت بواسطة آسيا 27

4444444444444

تسلمي حبيبتي وين راكي مخبية

[أم سلسبيل23]

شخشوخة وعليها الكلام والبنة اكيد هايلة تسلم الايادي

[x ام رحاب x]

المشاركة الأصلية كتبت بواسطة البحر الصافي

ما شاء الله ربي يبارك شخشوخة نتاع حراير يعطيك الصحة
على فكرة نفس طريقتي بالباء والتاء ومن ايديك اكيد بنينة
لكي مني اعلى تقييم

راني عارفة انت شاطرة ومرة ونص حبيبتي اكيد تعود خدمتك متقونة وبنينة شكرا على المرور تسلمي

[x ام رحاب x]

المشاركة الأصلية كتبت بواسطة chez biba

الله يبارك ، يعطيك الصحة ام رحاب شخشوخة وعليها الكلام والله سخفتيني فيها نموت عليها
شكرا لك على الوصفة كيما تاعنا فقط حنا نزيدو معاها عود قرفة تجي رووووعة
بصحتكم

شكرا على النصيحة حبيبتي تسلمي على المرور

[x ام رحاب x]

المشاركة الأصلية كتبت بواسطة أم سلسبيل23

شخشوخة وعليها الكلام والبنة اكيد هايلة تسلم الايادي

شكرا اختي تسلمي على تشريفك موضوعي

[أم أماني وعبدو]

الله يبارك عليك اختي شهيتيني نموت على الشخشوخة يعطيك الف صحة

[fadila34]

ما شاء الله شخشوخة حراير بارك الله فيك وربي يخليلك صحتك ويشفيلك الغالي عليك

[أم هبوبة]

يعطيك الصحة شخشوخة هايلة و مورقة و المرقة تبان بنينة احنا نزيدوا في المرقة الكرافس و اللفت

[nihal159]

سلمت يمناك؛ شهيتيني في هذا البرد