الجزء89 من واش طيبتي "ماشاء الله تبارك الرحمان" - الصفحة 43

om kamilia · 2014-09-17, 08:05

سماسيم ان شاءالله جاية بالسلامة كي تولي نولي معاك اليوم نروح ندير ببسبور لبنتي

malek nour hane · 2014-09-17, 08:07

اهليييبن عاشقة حسان صباح الأنوار واااع ماتفكرينيش فالنت هذاك هو لكوشمار تاعي... المنتدى منور بيك انتي
أولادي ربي يحفظك مطلوع جا هااااايل.. لي ماديروش راحت عليها بارك الله فيك
دائمة الحمد بصحتكم لعدس هههه متحلفين فيه هاد اليامات
الحزينة بجدارة صباح السعااادة ههه وكتاه تنحي علينا الحزن خخخ
سيما سيم السخانة هذيك جات فالصواب ابداي تونتريني لسخانة تاع لبلاد ههه
أم ياسو بصحتك الشربة و الغراتان ههه سلكتيها
ليزاتي يالوكان سهرتو بلا بياااا ياويلكن ههه... صباح العسل ياعسل... ديري غراتان دائمة الحمد بنيييينة و ساهلة.. انا مادهنتش المول و كسرت بيضة و زدت زغبة خلااااص بصل مربعات و ملح و فلفل اسود...جات امممم وساااهلة خلاااااص مع منصف هذاك هو الحل خخخخ

دائمة الحمد · 2014-09-17, 08:10

احلى صباح ليزا الجميلة ولله نموت على الفرزة حتى اسينات تقلي راكي مريضة بالفرزة ههههههههههه
ام كمليا ربي يسهلك
ام يس انا امس عملت جاري في الغدا ومعاه لواحق اميرة عارضة صاحبتها
مسكينة عجبتها الماكلة لي بقى كملوه في العشاء
سيماسيم ربي يجيبك للبلاد على خير

دائمة الحمد · 2014-09-17, 08:13

احلى صباح ملاك نورهان راهي عندي ام اسينات ا عملت ليهاالعدس لاخاطر مليح للمرى لي ترضع بكلو فيتامينات وهي مسكينة تبات ترضع تصبح عندها لي فرتيج

chez biba · 2014-09-17, 08:15

السلام عليكم ورحمة الله وبركاته
صباح الأنوار ونهاركم مبروك

malek nour hane · 2014-09-17, 08:16

صباح الانوااار أم كاميليا و مبتدئة مسبقاااا
دائمة الحمد اسينات مقارتي ترضع وانا؟؟ ههههه قتلني راجلي بالعدس كل سمانة يقولي ديريه... راني درت العضلاااات خخخخخ

عطرالذهب · 2014-09-17, 08:19

صباح الخير والحب والنشاط على عيونكم

malek nour hane · 2014-09-17, 08:21

وعليكم السلام ورحمة الله وبركاته شي بيبا كيف الأحوال؟؟؟ وش تغدينا اليوم
عطر بصحتك الهمبرقر كيفاه درتيييه؟
مبتدئة ممكن رابط الكيك تاع البارح يم يم يهبل... قوليلي استناي نصبح على جماعة و من بعد خخخخ
ليزاتي ماقلتيليش وش تعشيتو البارح علابالك نموت عاتقرعيج
كاينة وحدة هنا حطت صور هنا تاع كيك يبااان خفيييييف هايل يبالي أم سهام ضرك نحوس عليها ههه نجبدها وتحطلي الوصفة ولا نهبل

nihale89 · 2014-09-17, 08:21

صباااااااااح الانوااااار حبيباتي
غدايا راهو مودر وااااااع

ام ندى 87 · 2014-09-17, 08:22

صباح الخير و يوم موفق للجميع
لي لقات غداها نقولها بصحتكم مسبقا ولي مازالو مودر نقولها عاندي عليا بطاطه لمسروقه تاع الهام ولا اسهل ولا الذ

اقتباس:

المشاركة الأصلية كتبت بواسطة دائمة الحمد

صباح الخيرات يومكن سعيد مبارك
ربي يوفقك ويعاونك اولادي
نورهان الحزينة بجدارة عائشة حسان صباح النور
احلى صباح لكل الملتحقات
غدايا اليوم بحول الله عدس وبقاتلي الكسرة من امس ما نخبزش نبروفيتي كاشما نفرز بلاصة ممكن لي ايليمون تاع الكوزينة

عمتي لعزيزه صباح الخير البارح ماطليتيش حنا فرحنا بالتقاعد باه تتفرغيلينا

واقيلا اسينات راهي عندكم هي لي تنسيك فينا

lyzzabel · 2014-09-17, 08:25

ام كاميليا ربي يخليك حبيبتي ،، راني حطيتلك رد ارفعي راسك شوية برك ههه ،، و النقا مازال ما كملتش راني غير بالشوية راكي عارفة مع الاولاد الصغار كيفها الحالة ،، ربي يقدرني و يفرج على كل وحدة امين

ملاكي قلت بالاك نخليها للعشا خاطرش ن ع راه متردد يروح لعرس صاحبه في وهران يفطر ،، راني مازال نستنى في صور الشاورما غادي تخرج فيا وااااااع ههههه

داءمة الحمد والله غير عندك الصح مام انا نبغي التفراز هاكا تضمني بلي كلشي راه مخمل على الكيف ،، برك مين جبت الصغار الله غالب كلشي تبدل و لهيت فيهم و أعطيتهم الأولوية على الدار و الشقا : مين اسينات راهي عندك بوسيهالي هي و اسينيتا ربي يحفظها يا عمري ههه

بيبا صباح الفل ،، واش درتي الفطور اليوم ؟؟

المبتدءة صباح الخير كي صبحتي حبيبتي ،، ممممممم البطاطا المسروقة تاع الهام نموت عليها بصحتكم

الحمد لله الذي عافانا في أجسامنا و ابعد الضرر عنا و أعاد إلينا أرواحنا و اذن لنا بذكره

malek nour hane · 2014-09-17, 08:27

صباح الخير عطووورة خخخ حسيت بيك من بعد حطي الوصفة
صباح الخير نهااال ديري غراتان دائمة الحمد راهي بنينة و ساهلة يعني بيتزا بطاطا
اني نحوس عالكيك هذاك لي شفت قبلوين راهو ياويلي

lyzzabel · 2014-09-17, 08:31

ملاكي البارح تعشينا سوب الخضار و لي زيسكالوب و الكفتة مشويين و الحمد لله

عطورتي و نهولة صباحكما اسعد غالياتي ،، عطورة بصحتكم الهمبرغر يشهيييييييي

حقا ملاكي انا ماشفتش الكيك تاع ام سهام ما كنتش هنا بصح نظن حطاته في كوزينة رتوجة شفتها في وحد الردود ،، و الكيك اغلبيتنا حنا العضوات نديرو تاع ياراسمين يهبببببلللل خفيييييف رييييشة و زيد بنيييين و ما يجيش ناشف بزاف

ام سهام و ميمتي ام رحاب الغاليات راهم غايبين انشالله المانع خيييييير

chez biba · 2014-09-17, 08:32

صباح النور حبيباتي
اليوم ندير حاجة خفيفة ليا ما زال ما ديسيديتش، زوجي مسافر وبنتي تقرا وتروح عند دارنا حتى للعشية باش تجي
والله راني حاسة روحي ثقيلة عييت نوض!!!

الأمنيات · 2014-09-17, 08:40

السلام عليكم غذايا تليتلي ان شاء الله