مستعجل

[مشكلتي]

عمري 25 سنة ذات مستوى تعليمي عالي وعاملة في منصب مرموق لمدة يوم واحد فقط في الاسبوع
ملتزمة وحجابي شرعي، تقدم لي شاب يعمل معي موافقا على عملي لكن مؤخرا طالبني بالمكوث في البيت
رايكم احبتي في الله

[فراس2022]

اذا كان دين وخلق وخدام و مكون روحو.....انصحك تقبلي ........و يمكنلك تناقشيه في موضوع العمل خاصة ان تعملين ليوم واحد اي 4 ايام في الشهر

[الدالة على الخير]

الزواج خير مشروع في هذه الحياة خاصة إن من الله عليكم بالولد ..................لكن قبل ذلك لابد من مراعاة خلقه ودينه...................

[أم نرجس حياتي]

عليكي بالاستخارة أختي

[خوخة40]

صلي الاستخارة

[راضية بقدر الله]

اللهم لاحسد منصب مرموق وليوم واحد في الاسبوع وفي بلادنا واش يكون المنصب ؟ والله كرهت الخدمة و عييت منها كل يوم
اما فيما يخص موضوعك عليك بالاستخارة و ربي يجيب الخير
ان شاء الله

[hano.jimi]

متخليش خذمتك

[عائشة 88]

الشلام عليكم انصحك بترك العمل والاستخارة بالتوفيق

[lalib40]

الزواج احسن مشروع

[نور الرحمة]

صلي صلاة الاستخارة واذا كانت احوال المادية ميسورة لابئس ان تبقي في المنزل

[oprah]

صلي صلاة الاستخارة و ادعي ربي يعاونك تاخدي القرار
كل واحد و عقليتو كاينه لي متقدرش تخلي الخدمه و كاين لي عندها نورمال
مي أنا لوكان في بلاصتك منقدرش نخلي خدمتي خاصة ادا يوم واحد فقط و خدمه مافيهاش خلطة الرجال
يعني يوم زاحد ليك كانسان استخسرو فيك؟ يروح يدي بطاله نحير في عباد يروحو لبنات الناس لي سهرو عليهم والديهم باش يلحقو هاد الزمان الصعيب و كي يحس تعلقت بيه يقولها بطلي
مخك في راسك تعرف خلاصك
ادا كان مقتدر و قادر يعيش ولادو و كنتي أنت من النوع لي ميحبش الخرجه أقبلي

[الألماسة]

اختي ننصحك مادام خدمتك نهار واحد فالاسيوع ما تسمحيش فيها
كي تتزوجي و تتاكدي انك مهنية ننصحك تحبسي الخدمة
لانو تبقى المراة في دارها و تهتم بزوجها و تربي اولادها احسن لها
بالتوفيق

[رندة نهاد]

الطفلة شاورتكم رجعتو تدابزو المهبول لي يشاوركم روحي صلي استخارة واستخيري رب العباد وليس العباد ربي يكملك بالفرح ان شاء الله

[اياد حياتي]

اقولها بصراحة اختي يوم واحد في الاسبوع ما دا ما جاب كانك خرجتي زيارة والله ما نسمح في خدمتي يروح ويسوف لي قاعدين فالدار راهم بزاف انا نعرف نسا يعانو من رجالتهم باه يمدولهم حتى 10 علاف

[blanche rose]

أنت وحدك من يمكنه أن يقرر
هل شخصيتك تقبل أن تمكثي في البيت؟
أنا شخصيا لا أستطيع
جربت المكوث في البيت بعد انتهاء دراستي ولم أتحمل.
أحب أن يكون لي دخل خاص أستطيع أن أساعد به أو أصرفه أو او ..

يعني كل وحدة منا لها شخصيتها
فكري في الأمر جديا .. هل مكوثك في البيت يساهم في انجاح زواجك أم في فشله؟
فان كان مكوثك في البيت يشعرك بالملل وبالتالي عند عودة زوجك تهلكينه بانزعاجاتك ..الخ فلا انصحك بالمكوث ..
وان كان مكوثك بالبيت امر محبب ولا يحسسك بالملل فعادي اقبلي ..
باختصـــــــــــــــــــــار
الأمر كله بيدك وحدك غاليتي
ربي يسعدك