استشارة

[مشكلتي]

السلام عليكم و رحمة الله و بركاته


انا فتاة موظفة بمبلغ 39000دج شهريا و الحمدلله

تقريبا مسؤولة عن 50% من مصاريف بيتنا و اخوتي الصغار

هنا حابة نستشيركم لأني ماعرفتش كفاش نتصرف

عندي خالي 42 سنة اب لولدين لكنو فقير نسبيا بما أنه خدام عند الشعب و ساعات يخدم و ساعات لا

هو عندو دين من 5 ملايين سنتيم منذ سنتين و ماقدرش يجمع المبلغ و صاحب الدين ضاغط عليه حاليا

انا حابة نسلك عليه و لو جزء من المبلغ فنفس الوقت أبي عارضني و قالي خليه يتحمل مسؤوليتو عامين مش عارف كفاه يجمعو

انا جيت بين ما يمليه عليا ضميري و بين رأي ابي اللي رافض تماما ماعرفتش وش ندير راي من ندي؟؟؟

ساعدوني بأرائكم من فضلكم

[كلنا راحلون]

لي دير خير مايشاورش

تقريبا مسؤولة عن 50% من مصاريف بيتنا و اخوتي الصغار.............39000/2=19500


19500 حقك صافي في شهرين ونص تصفي دين خالك

أبي عارضني ...........لي يدير خير فلسر




انا حابة نسلك عليه و لو جزء من المبلغ.......باينة عليك اختي استاذة

[لحن الحياة.]

[quote=aymmen;3992803249]لي دير خير مايشاورش

تقريبا مسؤولة عن 50% من مصاريف بيتنا و اخوتي الصغار.............39000/2=19500


19500 حقك صافي في شهرين ونص تصفي دين خالك

أبي عارضني ...........لي يدير خير فلسر




انا حابة نسلك عليه و لو جزء من المبلغ.......باينة عليك اختي استاذة[/quote]


اهليين ايمن اتفق معك في كل ما قلته ما عدا ما لونه احمر
الاساتذة شهريتهم اقل من ذلك بكثييييييييييييييييييييييييييييييييييييييييير بحكم اني في القطاع

[نبع الحنان_24]

كما قال الزملاء الصدقة تكون في السر إذا أردت المساعدة فلا تعلمي والدك خليها بينك و بين نفسك جزاك الله خيرا على تفكيرك هذا

[كلنا راحلون]

[QUOTE=jill;3992803310]

المشاركة الأصلية كتبت بواسطة aymmen

لي دير خير مايشاورش

تقريبا مسؤولة عن 50% من مصاريف بيتنا و اخوتي الصغار.............39000/2=19500


19500 حقك صافي في شهرين ونص تصفي دين خالك

أبي عارضني ...........لي يدير خير فلسر




انا حابة نسلك عليه و لو جزء من المبلغ.......باينة عليك اختي استاذة[/quote]


اهليين ايمن اتفق معك في كل ما قلته ما عدا ما لونه احمر
الاساتذة شهريتهم اقل من ذلك بكثييييييييييييييييييييييييييييييييييييييييير بحكم اني في القطاع

وعليكم السلام اختي جيل

الله يعطيك ويزيدك اختي ويرزقك كثيرا من النعم ...امين يارب

لو كنت تلميذ عندك استاذة جيل واريد فصلي من مؤسسة فلحل الوحيد


وهو





وبدون زعل








































قراءة كتاب في حصة استاذة جيل


اسم الكتاب

[أمة العزيز]

ممكن تسلفي 10000 من عند أحدى زميلاتك على أن ترديه في الشهر القادم
ثم تساعدين عمك بـ: 25000 دج
عامين ما قدرش يرد ....أكيد أنو حاصل
عندك أجر إذا ساعدتيه وهو من صلة الرحم.

[tayma20]

اذا باباك ما بغاش ما تزعفيهش وعاودي قوليهالوا بطريقة وحدخرة بالاك يقتنع لأنو الوالدين يعرفوا خير منا حنونة شافوا في هاد الدنيا كثر منا هي ما دابيك تسلكي خالك من الدين حاجة مليحة فمن قضى حاجة أخيه قضى الله له حاجته بصح الوالدين أولى بارضائهم وسماع كلامهم والله أعلم خيتي ربي يوفقك لما يحب ويرضى

[aymen01]

يا لطيف الوقت لي وصلنالو

الاب ينصح بنتو ما تساعدش خالها و هو وعلاه ماتحملش مسؤولية و صرف على دارو مخلي بنتو تصرف نص راتبها

اذا هو فقير و مرتو متخدمش عاونيه و تربحي اجر انت ادرى بظروفو اذا دراهم قاعد يصرف فيهم في الفايدة و لا تمسخير

[ام نهوله]

ساعديه اختي و اجرك عند ربي سبحانو

[tayma20]

واش فيها خويا اذا بنتو عاونت دارهم راهي تدي اجر عظيم عند ربي سبحانه هي صح حرة في دراهمها مي باها ليه حق عليها لازم نكونو محضر خير خويا أيمن

[عبد الله 22]

السلام عليكم من فرج عن مؤمن كربة مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ، الدين يقهر الرجال وكما يقال (دير الخير ونساه) وإن شاء الله يفتح عليك ربي من جهة اخرى

[ing.Youcef]

قال رسول الله صلى الله عليه و سلم: (من نَفَّسَ عن مؤمن كُربَةً من كُرَبِ الدنيا نَفَّسَ الله عنه كُربَةً من كُرَبِ يوم القيامة، و من يسر على معسر يسر الله عليه في الدنيا و الآخرة) الحديث.

فبإمكانك أن تساعدي خالك دون علم والدك و ينتهي الأمر و الحمد لله.

[aymen01]

المشاركة الأصلية كتبت بواسطة tayma20

واش فيها خويا اذا بنتو عاونت دارهم راهي تدي اجر عظيم عند ربي سبحانه هي صح حرة في دراهمها مي باها ليه حق عليها لازم نكونو محضر خير خويا أيمن

وي ما فيها والو انا قلت هكا لانو باباها قال ما تعوانيش خالك خليه يتحمل المسؤوليه و هو باباها مشي متحملها

زيد انت راكي تفتي سماع كلام الوالدين يكون غير في الحاجه مليحه الوغ لازم تساعد خالها اذا يستاهل و ماتسمعش كلامهم

[أم همام 2015]

المشاركة الأصلية كتبت بواسطة ing.Youcef

قال رسول الله صلى الله عليه و سلم: (من نَفَّسَ عن مؤمن كُربَةً من كُرَبِ الدنيا نَفَّسَ الله عنه كُربَةً من كُرَبِ يوم القيامة، و من يسر على معسر يسر الله عليه في الدنيا و الآخرة) الحديث.

فبإمكانك أن تساعدي خالك دون علم والدك و ينتهي الأمر و الحمد لله.

جزاك الله خيرا

[samirovich]

قد لا يصبر الديان هذه المرة ويؤذي خالك
فيصبح دمه في رقبتك
ويظهر لك في الكوابيس قائلا:
استخسرتي في روح خالك ثمن أيفون 5 يا معلمة؟؟