درت ثورة انت!!!!!!!!!!!!!!!!!!!!!!!!!!!!!!!!!!!!!!!!!!!!!!
مبصح على من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الناس هوما الناس والبشر هوما البشر مهما اختلفت مسميات الدول
ماحسيتش بلي الدنيا تبدلت كي وليتي انتيا هكذا
ماضربت الزلزلة عندنا ولا في الدزاير على خاطر انت على وشك أنك تدخلي من الباب الواسع تاع الشيطان اللي راه يجر فيك ليه.
ماراكي رايحة تضري حتى واحد بتصرفاتك هذي
ماراناش سامعين بيك إطلاقا
انت وحدة من بزاف بنات في بلادنا
وماكالاه تحصليها في الناس لأن المشكلة هذي من صنع يديك أنت
ماراكيش خير من الأنبياء والرسل اللي آذاوهم قومهم على جال كلمة لاإله إلا الله
ماراكيش خير من السيدة عائشة اللي اتهموها في شرفها
ماباعت دينها ولا عرضها نزل فيها القرآن برأها
انت لوكان سلمت أمرك لله لكان خيرا لك
ولكن رضيتي بحياة الدونية على الآخرة
اسمعيلي املييييييييييييييييييييييييييييييييييييييح وحلي وذنين قلبك وعقلك
وخلي الشخصية الدرامية اللي راكي تأدي دورها باش تقنعي نفسك بأن الشيء اللي راكي اديري فيه صحيح وماشي خطأ
انت تنتقمي من نفسك وتظني بلي راكي تنتقمي من الناس وهذا غلط كبير راكي فيه
تظني كي ديري هكذا راح تولي انت هيا كلشي
انت تحاولي بهذا التصرف تغطي جانب النقص اللي راكي عايشاتيه.
بعدك عن رب العالمين بدلتيه باللباس وبالمال اللي راكي تقولي حرام.
ماراكيش رايحة تعرفي الراحة حتى لو تسجدي للشيطان وحتى لو تمارسي كل المحرمات .
بقدر بعدك عن الله يزيد شقائك وتعبك
راكي دايرة كيما هذاك اللي حرقتو السخانة وحب يتبرد بالنار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا النار تحرقك وحدك لو كان تبقاي تطاوعي في شيطانك
وين راكي رايحة يا,!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!
شحال راكي رايحة تعيشي 30 سنة واحدو اخرى !!!!!!!!!!!!!!!!!!!!!!!!!!!!!!!!!!!!!!!! تقابلي رب العالمين ويحاسبك الموت فيها فيها
زيدي
لبست ، سرقت، زنيتي .....إلخ
واش من الفايدة اللي جبتيها . حتى راحة نفسك مكاش وهذا الأهم .
أرجعي لرب العالمين ولدينك وبركايك من هذا التصرفات تاع الذراري اللي تكون العاقبة تاعها وخيمة
توبي إلى الله توبة نصوح أرجعي للخالق وانت طايعة خير من اللي ترجعي ليه وانت عاصية
كيفاش تقدري ترقدي ودايرة الأمان مايصرالك والو
كيفاش تخدعي رب العالمين وهو اعطالك الرزق وانت تستعمليه في المحرمات
سبحان الله العظيم حيرتيني والله
كيفاش انتيا على روحك قلتي الناس ظلموني ودارولي وانا مادرت والو وهاهي قدامن ردة فعلك على دينك وأخلاقك
هذوما أرخص حاجة عندك. هذوما رخاص ومايسواوش شيفونة من الشي اللي تشري فيه
وش هذ الضعف في الشخصية وهذا الانهيار في الأخلاق
وين راكي رايحة يا بنت محمد وفطيمة.
هذا على شوية تاع مشاكل بعت دينك
حب ربي يبتليك باش يشوف صدق محبتك ليه
لكن
للأسف خسرت والفرصة مازالت أمامك ترجعي دينك وأخلاقك اللي رهنتيهم بالرخس لوكان جا الذهب تخافي عليه من السريقة لكن كي الدين ماعليش ولا كفرنا!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
قد ماراح نكتب ماراحش يبرد قلبي لكنني مع هذا أتوسم فيك الخير فبمجرد كتابتك هنا ونقل آلامك ومعاناتك لدليل قطعي على أنك وضعت قدميك على الطريق الصحيح وباب التوبة أنت أمامه الآن فادخلي منه
إن شاء الله المرة الجاية كيما كتبتي المشكلة هذي
بشرينا بتوبتك وعودتك إلى الله وإلى الطريق الصحيح