مشكلتي

[مشكلتي]

السلام عليكم ورحمة الله تعالى وبركاته
شكرا لكل من يمر من هنا،من يسدي نصيحة أو يدعو بدعوة صادقة
جعلها الله في ميزان حسناتكم

مشكلتي:
اانا بنت في عمري 24 سنة،تخطبت من مدة خطوبة تقليدية جدا،مانعرف لا الراجل لا العائلة هو يتيم الأم،المهم بد الخطبة هدرنا في الهاتف خبرني على عايلتو وعلى خواتاتو ما شاء الله عندو 8،عادي هاذ الأمر لكن لي ما هوش عادي انو هو يخدم يجي من الاسبوع للاسبوع وكل مرة يجي فيها يجو خواتاتو ويجتمعو عندو،نهار الاول قال لأبي بلي داري راح تكون وحدي بالصح كي حكيت معاه قالي بلي ابوه راه يبني ومازال ما يخرج،يظل يحكيلي على خواتاتو وغير كيما يقولو،غير كيما نتلاقا بوحدة تعرفو قاتلي الراجل الله يبارك بالصح خواتاتو كارثة يبغو يحكمو ويظلو عندو كل ما يجي،أبوهم ما يتهلاش فيهم وخوهم لاخر لاهي بعايلتو بغاو يدخلو فيه بالصح ما بغاش وجبد عليهم،نفس الهدرة لي قالهالي بالصح ميش بالمعنى لي قالتو المرة
مرة قالي على الجلباب والعجار،كنت موافقة جدا أصلا اناكنت ميتة عليه ومناي راجلي يقولي ديريه،مرة وحنا نهدرو قالي انا كنت نقول لخواتاتي المرة لي نجيبها لازم نديرلها عجاار،تقلقت وقتلو اما كي راك ناوي ديرو غير على جال خواتاتك انا مانديروش،قالي ديريه بالسيف خواتاتي لياه دايرينو،أي حاجة خواتاتوواحد النهار قتلو راني خايفة اذا قالولك خواتاتك مرة اخرى طلقني طلقني نورمال
هاذ الوضع عادي ياجماعة؟؟
عادي اخت تجي لخوها كل ما يجي من الخدمة،مع العلم أنو عندو خواتاتو في الدار يعني يغسلولو ويطيبولو...؟؟
قبل ما يجي للدار جا شافني في الخدمة،وبعدها جا مع خواتاتو باه يشوفوني..كي جيت رايحة ليه وحدة بغات تتبعنيوالله ما همت حاجة،انا راني رايحة نشوفو ولا هي؟؟
مالقاتش برك كيفاه تخرج،مع العلم متزوجة وعندها ولادها
كي نحكو يقولي انا ماراهش عاجبني الروتين لي راه في داري،ويقولي ثاني مش مليح المرة تظل في دار ابوها كي تتزوج يليق تخليهم يتوحشوها،بالصح هو ماراه قادر يدير والو،وزيد منين ذاك يقولي دايمن خواتاتي يسقسوني اذا نبقاو نجو هكا ولا نقطعو يقولهم هذاك الوقت مرتي لي هي انا هي لي تقرر
ياربي هذا جياح ولا شتاهو؟
انصحوني وقولولي كيفاه ندير،وما تقولوليش ا تسبقيش الاحداث صدقوني الامور راهي واضحة كي الشمس
ربي يخليكم كيفاه ندير وكيفاه نقولو زعما؟؟وعيب اذا المرة طلبت دارها وحدها؟؟هذي دارو ساكنين فيها ابوه ومرتو وخواتاتو لي بلا زواج بالصح عندهم دارهم علاه مايروحوش ليها؟؟
هو صغير27 سنة وتحسب في عمرو 70 من المسؤولية لي حاطها فوق ظهرو وأبوه مايخدم مايزدم ياكل ويشرب ومعيش ولاد مرتو الجديدة عند وليدو
للعلم انا خدامة،وراكم عارفين ظروف الخدامة،وهو يبغي النقا،يبغي المرة دايمن تكون مسقمة روحها ولابسة بالصح والله ماراني عارفة وين نلبسلو،ووالله ماراني عارفة واش ننقي خواتاتو بسلامتهم غير لي عنده 5 و 6 ذراري
افيدوني والله يعطيكم ما تتمناو

[doba]

صلي صلاة الاستخارة لكن احذري يا اختي

[sabrina el-chark]

حطي النقاط على الحروف من ضرك احسن ما تندمي من بعد و تاني خواتاتو ماهمش من مسؤوليتو لي متزوجة راهي تابعة راجلها و لي عازبة راهي تابعة باباها اما راجلك راهو كبير و يعرف صلاحو ماهوش صغير و هو لي خلاهم يتحكمو فيه و يتدخلو فيه معناها اللوم عليه مش على خواتاتو لو يحطلهم حدود تاكدي انهم ميتجاوزوهاش
مالا تفاهمي معاه هو و فهميه وجهة نظرك بصراحة

[ouissamak]

ما هذا
اختي من الافضل التحدث مع خطيبك ووضع النقاط على الحروف افضل من تتزوجي وتجدين نفسك في مشاكل لا يحمد عقباها
رانا الحمد لله معهن لا يتحكمن في ازواجنا ونراهن من فترة بعيدة وهناك غيرة من الزوجة وهناك كلام زائد وما ادراك تعيشي هكذا

[عبد الله 34]

والله اعجب لحال بعض البنات بالاك مشي نتي يالاخت
mais كي يجي واحد يخطبها ما تصليش صلاة الاستخارة
تقلك انا ندي راجل وخلاص
على الاقل صلي يسهلك ربي وتعرفي من بعد وين راكي رايحة الامور
واذا ظهروا مشاكل في فترة الخطوبة مراهمش رايحين يأثروا باذن الله
***************
اما تجيني وحدة ما تصليش وتقبل بالشخص مباشرة
ومن بعد تبدا اني موسوسة... اني مترددة..انا ما ظنيتش هكذا
انا وانا....

[محمد جديدي التبسي]

راجعي نفسك يبدو أنك تفتقدين للوعي الكافي للزواج ومن الصعب عليك العيش في تلك الظروف التي تفزعك وأنت بعيدة
لذلك أظن أن المطلوب منك مصارحة هذا الرجل بمخاوفك ومطالبك وبعد ذلك قرري ما يناسبك..ربي يفتح عليك

[kawtarz]

طالما فتحتوا الموضوع والشاب حكى ماعنده لما السكوت ؟؟؟ كان الاجدر بك مناقشته وتوضيح كل ما لم يعجبك
فمثل ما نصحك الاخوة قبلي عليك بوضع النقط على الحروف . اليوم قبل ما توقع الفاس فالراس

[nilly]

شتاهو؟
العجار هدا راني نشوغه بتلفزيون . الله يبارك
شوفي يااخت كيما قالولك صارحبه بلي راكي منزعجة من اخواته
مفهمتش هو يسكن وحدهولا يسكن مع باباه لانك راكي تقولي يجيو عنجه صافي هو يسكن وحده
كي عاد هو دكر الوحيد وزيد الاصغر رباوه البنات واكيد سوف يكون يفكﻻ مثل البنات هادي تصرا ديما وطفل لتربيه نسا جامي يتخلا على لرباوه لانه متعلق لخواتاته محال يخليهم علجالك راني قلتهالك .
رب يكون معاك

[بنت فاميليا]

نصيحة حبسي من ضروك خاطرش راكي بادية بأسطوانة رايحة دمرك من بعد وهي "خواتته" عادي هما يا اختي افتقدوا الحنان عند ابيهم ولقاوه عند أخيهم علاش من لول ديرو خطوط حمراء الله المستعان
ومانضنش انك بالقدر الواعي اللي يخليك تبداي هاذ الحياة ناهيك انك تسمعي لأطراف أخرى

[مبروكة الصحراء]

لا تتسرعي في هاذ الزواج الحالة ماهيش تعجب صلي الاستخارة كيما قالولك الأعضاء و ربي يفتح عليك

[النجمة القطبية]

شوفي يا اختي
من الواضح انو زوجك او خطيبك انسان طيب وصاحب كرم ومعروف بدليل انو فاتح بيتو لوالدو وزوجته وحتى خواتاتو وكامل يحبوه ويفضلوه وهذا يعنى ان علاقاته باهله قوية
الان انتى راكي عرفتى ظروف هذا الرجل وتفاصيل حياته ويبدو ان الامور اللى حكاها معاك تعمد فيها حتى يضع النقاط على الحروف يعنى وكانه يبعثلك رسالة مشفرة بمعنى يا بنت الناس انا حياتى كذا وكذا وكذا
وفي نفس الوقت يقولك مثلا انو قال لخواتاتو انو زوجتى هي تقرر بمعنى وكانه يقول انو مراحش يظلمك وراح يقدرك
هذا هو خطيبكيا اختى وهذا هوالوضع
اذا نظرنا الى هذا الشخص نلقاو انو انسان محترم طيب بار باهله اما ما يدور في عقلك من خوف اتجاه خواتاته مثلا او اهله احتمال يكون وسوسة شيطان ولما لا
اما تلك المراة فما فعلته نميمة لا اكثر
درك فكري جيدااا انتى راح تعيشي في بيتك واهله معك بصفة مؤقتة قالك بابا راه يبني فلما الخوف وماذا يفعل هو يطردهو مثلا
الصبر يا اختى نعمة ومادام الوضع مؤقت لما القلق اكيد راح يروحو لدارهم في النهاية اما اذا لم تكوني راضية على الوضع اجلي الزواج حتى يكملو البناء هذا من ناحية
بالنسبة لاخواتاته المتزوجات يا اختى حتى الرسول حثنا على اكرام الضيف ومتنسايش راهم متزوجين يعنى برجالهم يعنى غير معقول يعيشو معاك
حتى لو زاروك مثلا مرة اسبوعيا او اكثر وضيفتيهم فما المانع لا اراها مشكلة كبيرة
اما النقطة الاخرى وهي التحكمات هذى ناقشيها معاه قال يا فلان كذا كذا وهي فرات يمعنى صارحيه واكيد سيتفهم باذن الله لان الموضوع منطقي وبسيط
يبقى امر اكيد انو مستحيل تعرفي شخصية زوجك الحقيقية حتى بعد الزواج ياما ناس قالولهم الزوج فيه كذا واخواته فيهم كذا وقباح وووو ولما تزوجو عاشوفي الجنة
وناس قالولهم نعم الزوج ونعم الاهل وعاقلين وو ولما راحو تحرقو بالنار
اذن لا تعتمدي على راي احد لان الزواج بعد الاستشارة والاستخارة هو توكل على الله سبحانه وتعالى وسيكون هناك خوف وتردد ووسوسة شيطان وحتى وسوسة شياطين الانس وكلها امور طبيعية لكل مخطوبة
مالا صارحي زوجك بهذا الكلام وروحي بشوية متوكلة على الله شوية مرونة على شوية ذكاء على فطنة في التعامل تعيشي في جنة وتربحي زوجك وراحتك
ومن الواضح من شخصية زوجك انو يحب اهله مالا اعرفي كيفاش تسيري وسايسيه وحاوريه حتى توصلو للوضع اللى يرضيك ويرضيه
موفقة

[رفيف ثائر]

افتحي معاه الموضوع بصراحة واحكيلو كلشي راه غامض عندك واتفامه واذا ماتفاهمتوش كاين غيرو الف وانتي حاجة ماهي ناقصتك حتى تديري هذو لحسابات وفي الاخير صلي استخارة

[MAMISSA]

عليك باستخاره الله و عدم التسرع

[بنت الجزائرية]

متتسرعيش اختي هدا نوع صعيب و8 اصعب

[عائشة 88]

صلي صلاة الاستخارة عليك بوضع النقاط على الحروف من الان ربي يقدملك لي فيه الخير