موضوع خاص بالزواج للمتزوجين و العازبين ادخلوا

[nour_20]

السلام عليكم اكمل دراستك أولا ربي ينجحك إن شاء الله، الزواج ليس بالأمر السهل هو مسؤولية كبيرة وعمرك21 سنة انت في مقتبل العمر لتتحمل مسؤولية الزواج اخي لا انصحك بالزواج

[faraday_dz]

عندي راي
-يليقلك مرأة خدامة باه تعاونك و تنقص عليك المصروف
-وهذ المراة حسب سنك لازم حتى هي تكون صغيرة و متوافقة مع سنك
و كل واحد ربي يعطيلو على قد نيتو
بالتوفيق

[imi02i]

بارك الله فيك أخي
تفكيرك لم نعد نراه في أمثالك سنا ..
واعلم أنك لو تزوجت الآن فلن يقتصر راتبك إلا على النفقة على نفسك و على زوجتك وتسديد ضروريات الحياة الزوجية ، ولن تستطيع أن تفعل شيئا غير ذلك. ..
لكن لو أخرت أمر الزواج قليلا ريثما تخمن بعقلك لمشاريع أخرى تيسر لك ظروفك المادية وفي آن واحد تكمل دراستك ... هنا تكون قد أصبت الهدف مرتين
هذا رأيي والله أعلم
وإن ترى نفسك بحاجة ماسة للزواج في ظل ما يحدث في الجامعات والشارع فلذاك قول آخر

[أم البشائر]

دىير تجاره بالاربعين مليون نمي رزقك
وكمل قرايتك
خلال هذا الوقت راك تحوس على بنت الحلال

[محمد جديدي التبسي]

تزوج عادي رأيت من تزوجوا في سن مثلك واقل منك
الزوج رزق ويدخل البركة عليك في رزقك
كل ما عليك هو أن تعمل على زيادة وعيك وترتيب أولوياتك وأفكارك وبناء شخصية قوية
ربي يفتح عليك

[MaX32Dz]

شوف أخي مادام أنك تفكر في الزواج ، فتفكيرك سليم
و من هذا المنطلق أنا ننصحك نصيحة
لمّا تدير وضعية مليحة اتزوج ، مانقدر نقولك فال22 أو 23 أو 24 أو 25 سنة
المهم وقت مالقيت الوضعية تعك تسمحلك
واش هي الوضعية اللي تسمح
هي بيت مستقر أو حتى دخل يخليك أنك تكري كل عام حتى تشتري بيت
السيارة ليست مهمة
تقدر تسبق بالزواج ثم تشتري سيارة

المهم انك توفر شروط الزواج و خاصة اتمام الدراسة ثم من بعدها لما تضمن عمل و بيت فلك الحرية أن تتزوج

و أنت من الناس اللي تقدر تتزوج صغير لأنك ذو مسؤولية مادامك تقرا و تخدم و توفر مال فأنت رجل و صاحب شخصية و مسؤولية

أحييك أخي أعجبتني كثيرا

[الألماسة]

راك مشتت الافكار
من رايي تريث حتى تكمل دراستك
الزواج مسؤولية كبيرة وانت و بافكارك لا زلت صغيرا عليها
بالتوفيق

[oprah]

الزواج يكون مليح كي يكون كلش مرتب و واضح
يعني تكون كملت قرايتك و بديت تخدم خدمه باينه مع مرتب باين
مستحيل تقدر تركز مع الزواج و التعب نتاع الخدمه و القرايه
على الاقل كمل قرايتك و دير في بالك لازم تتعب باش تكمل و تتهنى و تزوج
الراجل كي يكون يخدم برك و يتعب ماشي حتى يقرى و يخدم
متنساش أنت انسان و لوكان يكثر عليك الشقى قادر تكره و تندم
متخليش أفكار المراهقة تأثر عليك
لازم تكون متأكد لانو هادا زواج يعني حياة كاملة
وعلابالك الاولاد مسؤلية كبيرة ادا جاو تلهى تربيهم ماشي تقرى
خلي هاد 3 سنوات نحيهم من قاموسك و ديرهم للتعب برك باش توصل و كي توصل أتزوج
الوقت راه يفوت بلخف خاصة العشرينيات يفوتو يجرو
أوصل ثم قرر الزواج
موفق أخي
من معرفتي كاين لي تزوجو في الثلاثينيات و كي كثرت عليهم المسؤولية كرهو و أنت مازالك صغير أبروفيتي أبني مستقبلك و كي تهنى أتزوج

[blanche rose]

السلام عليكم ورحمة الله تعالى وبركاته
عودة من جديد

أخي صاحب الموضوع
لقد أعطيتك رأيي في ردي ثم تحدثت مع زوجي بخصوص موضوعك

فقال لي أنني تسرعت في ردي وأن الرجل وحده من يفهم الرجل خصوصا في نقطة الزواج

أعتذر لتسرعي في ردي السابق
زوجي يرى أن الأمر بيدك وحدك

فإن كنت من النوع الشاطر وهو ما يدل عليه موضوعك فيمكنك أن تتزوج مهما كان سنك صغيرا
لأنك من النوع الذي يتحدى الصعاب

ما يمكنني قوله لك هو أنني سأدعو الله أن يرزقك الزوجة الصالحة
وإن شاء الله ستنجح في زواجك ومهما كانت المشاكل بينك وبين زوجتك -في بداية الزواج-التي ستكون صالحة باذن الله ستتخطاها وبسهولة ان شاء الله.

أنصحك بالبحث عن الزوجة الصالحة والمضي قدما.

سأعدل ردي السابق أخي

أعتذر مرة أخرى.
ربي يسعدك دنيا وآخرة

[رندة نهاد]

تحية للرجل العامل فحل
بصح 21 سنة صغير بزاااااااااااااف او الي جيبها شحال في عمرها كمل قرايتك وربي ورحمتو
الزواج مسؤولية= الزواج ليلة ودبارتو عام

ربي يوفقك ان شاء الله

[blanche rose]

المشاركة الأصلية كتبت بواسطة im mimi nano

تحية للرجل العامل فحل
بصح 21 سنة صغير بزاااااااااااااف او الي جيبها شحال في عمرها كمل قرايتك وربي ورحمتو
الزواج مسؤولية= الزواج ليلة ودبارتو عام

ربي يوفقك ان شاء الله

عزيزتي
زوجي يقول
كل راجل وشطارتو
كاين اللي يجيبها-اللقمة- وهي طايرة وكاين اللي قدامو محطوطة ويستنى اللي يعطيهالو.
وكيما رانا نشوفو الشباب يصرفوا على النقال وصحاباتهم اللي ما يصرفوش الراجل على مرتو.

بصراحة اقنعني زوجي .. وغير رأيي لأنه رجل ويفهم الرجال أكثر مني.

حسب موضوعو يبدو أنه طموح وشاطر المهم يلقى الزوجة الصالحة ويكون قد المسؤولية.