بعد عسري

[مشكلتي]

السلام عليكم
انا شاب متزوج وعندي رضيع وكاريين ساكن وحدي مؤخرا اصبت بازمة مالية وتوقف عن العمل "خواص" لمدة عام وبعد صبر جميل قدرت انا وعايلتي نجتاز هاد العام وجاني رزق "عمل" والحمد لله لكن في ولاية خرى تبعد عن ولايتي حوالي الساعة والنصف وهاد العمل صراحة لقاهولي نسيبي
كي خبرت عايلتي الوالدة تاعي استائت جدا من فكرة اني رح ننتقل لنفس الولاية للسكن لانه تزامن دلك مع قرب انتهاء عقد كراء تاعنا ونظرا لظروف عملي الجديدة اللي تطلب مني الخروج مبكرا والعودة متاخر منقدرش على هاد الوضعية لانه نظري ضعيف في الليل ولانه ايضا نولي نخدم على ليسونس وراكم علابالكم الغلا اللي رانا فيه قالتلي متروحش وخدم روح كل يوم وروح لدارك انا مبغيتكش تبعد "لست الولد الوحيد عندي 3 اخوة منهم اللي ساكنين مع والديا بلا زواج"
ومن نهارها وانا قلق جدا يعني انا معنديش خيار وفي نفس الوقت كي نروح هل يعتبر هدا عقوق قبل هدا حاولت مع والديا يبيعوا الشقة تاعهم وامي تبيع ورثها اللي حاكمينو خاوتها ونشريو دار ونسكنو كامل فيها مبغاتش تبيع اصبحت لديا الحلول منعدمة في ولايتي
راني حاير

[زبدة ذايبة]

انت حاول ترضيها

تناقش معاها وفهمها

واقترح عليها تروح معاك لدارك الجديدة


في انتظار باقي الأعضاء

رب يسهلك اللي فيها الخير والصلاح

[هـــدوء]

اذا ماتساعدكش تروح و تجي يوميا.عادي اسكن وين تخدم .
المهم في الموضوع انك ماتقطعش صلتك بالعايلة تاعك و تبقى ترزورهم و تعتني بيهم.
فيما يخص الميراث . ماتقدرش تطلب من امك تقسم الورث و هي حية . على الأقل من باب الاحترام و الحياء.
بصح تقدر تطلب منها معونة مادية باعتبارها امك.

[غوّاص]

اعلم أخي أن رضا الوالدين أمر عظيم
راجع أولياتك جيدا!!! فلا أعتقد أن هناك شيئا أولى من رضا الوالدين بعد رضا الله
ففي رضا الوالدين خيري الدنيا و الآخرة
نصيحتي أن تسترضي الوالدة فلا خير ولا بركة في رزق تشتريه برضى الوالدين
فلن تجد بارا إلا وهو موفق ولن تجد عاقا إلا وهو مخذول
ثم اعلم أن من ترك شيئا لله عوّضه الله خيرا منه

[المكارم]

لا تعطي الأشياء أكثر من حجمها وحاول في هذه الفترة أن توفق بين رضا والدتك ومستقبلك مع اولادك
أنت راع ومسؤول على عائلتك وقد أدركت ما تعنيه الرعاية والمسؤولية بعد أن عانيت من أزمة مالية لمدة
سنة كاملة وتأكد أخي أن والدتك أحرص منك على مستقبلك ومستقبل عائلتك الصغيرة ، استياؤها من رحيلك
إلى ولاية أخرى امر طبيعي وأنصحك أن لا تضعه في خانة الإختيار بين السخط والرضا لأن كل الأمهات
يستئن في البداية من رحيل الأبناء لكنهن سرعان ما يتأقلمن مع الواقع الجديد خصوصا عندما يكون الرحيل
لأجل غرض نبيل كالعمل وبناء مستقبل أحفادهن ...
حاول إقناعها بأن عملك الجديد أو أي شيء آخر في الدنيا لن يشغلك عنها وعن إخوتك ، أما إذا لم تقتنع
وأصرت على موقفها فأقترح عليك أن تذهب إلى العمل الجديد وتعود إلى بيتكم يوميا لمدة شهر وبعدها
ستتقبل والدتك انتقالك للسكنى قريبا من عملك إن شاء الله وذلك بعد أن تقف على معاناتك الصحية والمالية
بسبب الإنتقال اليومي إلى مقر العمل ...
ربي يوفقك لإرضاء الوالدة وبناء مستقبل أهلك

[كاميلا]

لا يوجد اي عقوق اخي الكريم مادمت رايح لغرض الرزق والسعي من اجل لقمة العيش
انت قلت حاولت معاهم والديك يبيعو الشقة وامك عندها ورث تاعها اخوتها مسيطرين عليه عمبلك الورث راه اصبح في هاد الزمان عبء وزيد نسا تاع بكري ميقدروش يطالبوا بحقهم خصوصا الورث غير انسا الامر علابالي فهمتك حبيت تتهنا من الكرا على الاقل
حسب معرفتي تكون عقوق لو كانت امك عندها غير انت ورح ترحل وتخليها وحدها اما انت قلت كاين خاوتك معاها بالاظافة الى والدك
جرب تقولها كيما قالت الاخت تروح معاك وانا متاكدة تقولك لالا صراحة حدثت في عايلتي حاجة كيما هك م جدتي امك راهي مش مستائة من سفرك بقدر ماهي مستائة من نسيبك اللي دبرلك خدمة دوكا راهي تتصور انه نسابك وزوجتك وولادك بعدوك عليها الله غالب هادي هي العقلية مفهمتش علاش محبوش يتبدلو هاد النسا ربي يهدينا ويهديهم
مدام خرجت للعمل وانت في حالة سيئة حاجة واضحة انك عانيت في صمت وواحد معاونك من اهلك ادا روح يا اخي قولها تروح معاكم وادا محبتش اشريلها هدايا يمكن ينسيوها او اي حاجة محتاجتها هي لعل وعسى
راجع الفتاوى ادا لم يكن في سفرك مفسدة لدينك ودنياك وبعد عن امك الوحيدة فلا حرج
الناس راهي لحقت للخارج وماتهم يدعيولهم بالخير وانت في ولاية بعيدة ساعة ونص صرا هادا كل يا سيدي ضيع بالشر اسمحلي بصح حنا النسا نزيدوا فيها بزاف
راضي امك وقلها تروح معاك ومتكدة متروحش خاطر حسب ما قلت ماهيش وحدها وعندها بوك واخوة غير متزوجين امامن حيث العقوق مكانش عقوق تخلي ولادك يضيعو بالشر وتخدم على ليسونس مجاتش
موفق

[رندة.]

انا مع رأي العضو " المكارم"
مكانش أحّن علينا من الأم، لما تحس بتعبك اليومي في التنقل بين العمل والبيت هي الي راح تطلب منك الانتقال الى المقّر الجديد حِرصا منها على صحتك وراحتك، ربي يوفقك ويرزقك لأنك بار بأمك.

[kacimo.samy]

سلام
سقسو مليح واش معنها عقوق
كاين بعض الوالدين غير يخلطوو
كيما واحد الام هم لاباس مع البعض بصح هي غير كي تهاوشت مع مرت بنها على سبة تافهة
راحت قتلو كون ما تطلقها تدي دعوة شر ؟؟
(حتى بنت ناس موش لعب)
شوف كيفاه تتفهام معاها برك وضحلها برك وتتفهمك الوالدة الكريمة ان شاء الله
ربي يهنيك

[nihal159]

جرّب أنّك توعد أمك بزيارتها في نهاية كل أسبوع؛ ممكن تقبل أنك تسافر إلى ولاية أخرى بشرط زيارتها فالويكاند؟؟

[TOFNINE]

ولا تقل لهما اف ولا تنهرهما
طاعة الوالدين واجبة لكن انت ايضا رب اسرة ومسؤول امام الله عن عائلتك والوقت هذا من يجد عملا فلا يتكبر عليه لان الفرص قليلة وانت والحمد لله عانيت من ضائقة مالية لمدة سنة وبنت الناس صبرت معاك وزيد انت كراي يعني تخلص باه تسكن وامك لا تستطيع طلب حقها من الورث ولكن تستطيع ان تمنعك من العمل بعيدا بل واستطاعت ان تراك عاما كاملا تعاني قلة الرزق ماهذا التفكير عند الامهات باسم دعوة الخير .
من الاخير انت صاحب قرار كان من المفروض ان ترحل وتستقر ثم تذهب اليها وتخبرها انك سعيد لانك وجدت عملا تضعها في الامر الواقع .
يوجد من الامهات والاباء من هم سبب فقر ابناءهم .
الوالدين واحترامهم شيئ ومستقبلك وعائلتك شيئ اخر .
مادام استشرتها فعد اليها لتخبرها انك قررت الرحيل وربي يسهلك الي فيها الخير .

[nilly]

ان شاء الله تلقى عمل في ولايتك ننصحك بتلتريث بحث عن العمل في مدينتك وادا لقيت هكدا يكون مليح وادا ملقيتش وقتها روح لهدا المدينة وفهم امك انك رىك تبحث على خبزة وانك مسؤول بعيلة اكيد راح تفهم

[زايدي أمحمد]

المشاركة الأصلية كتبت بواسطة هـــدوء

اذا ماتساعدكش تروح و تجي يوميا.عادي اسكن وين تخدم .
المهم في الموضوع انك ماتقطعش صلتك بالعايلة تاعك و تبقى ترزورهم و تعتني بيهم.
فيما يخص الميراث . ماتقدرش تطلب من امك تقسم الورث و هي حية . على الأقل من باب الاحترام و الحياء.
بصح تقدر تطلب منها معونة مادية باعتبارها امك.

هو يقصد ورث جده الذي تركه لامه

[ايمان4]

يا اخي في بعض الاحيان الوالدين سبب قر ابناءهم مثل قصة حدثت لقريبي تزوج و ابوه وجد له عملا **سائق * اصلا هو ليس بجامعي فرفضت الام رفضا قاطعا و هل يعمل ابني سائقا و كذا و كذا دعوة الشر و و و و ... فاتت السنون و الابن لديه ولدان و بالكاد يستطيع تدبر لقمة العيش و حتى نفس الام هي من اختارت له الزوجة و لا بل فرضتها عليه و نفس سيناريو دعوة الشر و الان طردتها من البيت و هو قالت لن تعيش معي مادت لم تطلق و هوفي حرج بنت الناس مشي لعب + ولدان كبيران في السن نسبيا ... يعني انت عانيت الفقر لسنة كاملة و نسيبك لم يجتهد و يبحث لك عن عمل الا لان حالة ابنته مزرية التحق بعملك و زرهم نهاية الاسبوع الى حين تجد عملا قريبا من بيت امك