الجزء163من كوزينة واش طيبتي اليوم ؟؟.؟؟؟.؟؟

[أم لجين هيثم]

المشاركة الأصلية كتبت بواسطة abora

سلام البنات
محتاجة مساعدة تعييشو ومستجعلة ادا متردونييش خايبة
رح ندير رولي لحم ودجاج مرحي
في طرييقة طيابو اسكو نطيبو في الماء ومن بعد نقليه نحمرو ( مع العلم خايفة يتفتتلي )
ولا نطيبو في الفرن طول
ويناه طريقة صحيحة ؟؟؟؟؟؟؟؟؟؟؟؟
بليز ردو عليا
حطولي وحدة جربتو وصلحلها
بليز للضياف عيشكم ردووووووووووووو

تاخذي الساشي تاع الفور راهم يتباعو تقصيها وتطرحي فيها الدجاج تكوني مداوياتو وبعدها الكفتة وحطي الفرماج في الحاشيو والترولي مليح وتسكري وتزيدي تغلفيها بالالمنيوم وتدخليها للفرن وتحطيها في بلا يكون فيه الما وتقلبيها كل مرة ولما تطيب تنحيلها الالمنيوم و الورق الشفاف وديريها تتحمر في الفور من كل الجهات ولا ديريها في المقلة شوية زيت وشوية زبدة وقدميها باي صلصة حابة

[أم لجين هيثم]

أم اسلام نشكروك على حسن الضيافة وتعليقاتك العسل كوزينتك جازت روعة وخفيفة ربي يخليك ويحفظك ويحفظلك وليداتك وبيتك

[ايمان يمن]

يعطيكم الصحة كامل ياالفحلات دمتم كما انتم متالقات.
غدايا اليوم تليتلي بالدجاج.صح عشاكم...

[oum islem]

سلام غالياتي
شكرا حبيباتي على كل المشاركات الرائعة يسلمو وربي يبارك في صحتكم وفي أرزاقكم

ام لجين الوصفات رووووعة روووعة يسلمو والرولي ما خلاش فيا

أريج ما سمعتكش كي وصيتيني بصح راني كليت منها الصباح كي درت لي زاناليز غدوا نشريلك واحدة جديدة

أم تاجو راني نستنا شح فيك خخخ
أم هدول ووداد ورزيقة وسيليا وكل المشاركات شكرا لكن غالياتي
سيليا اكتبي في قوقل شهيوات أم وليد وكل مرة يخرجلك فيديو تلقايها تما

شكون لي قالت كوزينتي فاتت فيساع شوفي التاريخ في الصفحة 1 خخخخ

نحطلكم شوية صور عجبوني

[اريج 07]

ام اسلام حبيبتي باشفا عليك حبيبتي ياك راكي لباس حبيبتي درتي ليزاناليز و شيكولا راهي وصلتني كي تكوني نتي بخير هاديك هي شيكولتي حبيبتي

[oum islem]

[oum islem]

شكرا شكرا شكرا من كل قلبي لكل الاخوات المشاركات في هذا الجزء اتمنى ما نكونش قصرت في حقكم وما تكونوش زعفتو مني

شكر خاص جدا للغاليتين العزيزتين على قلبي لي جاو ونوروني وفرحوني بمشاركاتهم حبيبتاي دائمة الحمد وام ماجد ربي يفرح ويهني قلوبهم يا رب

بزاف فرحت باطباقكم وبوصفاتكم وبمشاركاتكم تمنيت يكون الجزء أحسن مما كان عليه لكن تعرفو أولوياتنا ونقدرو ظروف بعضنا البعض

ألتقيكم في اجزاء جديدة وأنتن بصحة جيدة وقلوب زاهية
في أمان الرحمن وحفظه غالياتي

تفضلن غاليات عند الغالية أم هدول

https://www.djelfa.info/vb/showthread.php?t=1950251

[oum ibrahim]

ساء الورد يا وردات من قبيل و انا نتعافر مع النت واعتين منها
ام لجين الف شكر على الوصفات ربي يحفظلك اولادك و يصلحهم و يجعلها في ميزان حسناتك يااااااارب ماشاء الله عليك
اريج من عيوني من بعد نكتبلك الشكشوكة اسهل منها مافيش
ليزا العسل اطايبك اكيد روووعة لكن للاسف ماشفتهمش هما و بزاف خيرات نتاع البنات
الغالية ام رحاب ان شاء اللله راكي بخير و اطباقك كالعادة نقولها و نعاودها فيها سحر خاااااااص و بصحتك البونيس لكن بالشوية باه ما يطلعش السكر
واخييييييييرا و ليس اخرا غاليتي ام اسلام كوزينتك كانت رااااااااااااااائعة باتم معنى الكلمة نورونا الغايبات و شفنا الخيرات ة استمتعنا و تعلمنا و يااااااااااااارب يدومها نعمة على الجميع سلاااااااااااام

[om kamilia]

اكيدالكوزينة فاتت روعة وكملتوها بخيراتكم
شكرا على الاستضافة الرئعة ام اسلام وشكرا لكل الاخوات لي شركو ولو بكلمة

[RIMA.87]

السلام عليكم اخواتي في الله
ربي يبارك لكل واحدة في واش حطت من أطايب و ربي يدومها نعمة
كل أخت باسمها و جزاكن الله خيرا على كل الوصفات و التوضيحات و التفسيرات .....و ربي يجعلها في ميزان حسناتكم و يباركلكم في اهلكم و اولادكم و صحتكم و يحفظلكم كل غالي و عزيز عليكم.
كانت اول تجربة لي مع أطيب الاخوات في كوزينة الاخت ام اسلام ربي يحفظها و يسترها رغم اني لم اشارك كثيرا لكن ترحيبكم بي و تفاعلكم كان اخوي ما شاء الله ،و كوزينتها كانت خفيفة ظريفة كيفها.
جمعتنا الاخوة في الله ثم حب الطبخ و الابداع و التغيير و بهذا نفرحو اهلنا و نتبادلو الخبرات و نفيدو نستفيدو ا،
دائمة الحمد و ام ماجد ضيفتا الشرف ربي ينوركم كيما نورتونا بتواجدكم ،
الاخت حياة ،ام سدرة ام لجين هيثم ،ام جوجو ،ام عبدو و ملاك اطباقكم كلها تشهي جازيا كنت مبدعة ربي يشفيك و كل مرضى المسلمين ،ام هدول ،ام محمد تاج مشكوورين على واش شاركتونا من اطباق منوعة حلوة كحلاوتكم او مالحة ،وصفة قلوب المحبوب عجبتي كثيير اختي ام تاجو لاني نحب نواة كوكو و كل وصفة يدخل فيها و راني ننتظر في وصفة المهراس كيما الاخت ام هدول ،ام ابراهيم ،ام رحاب ربي يحفظكم اطباقكم تشهيييي ما شاء الله
ام كاميليا ،ليزا ربي يتمملكم بخير و يفحركم بذرية صالحة تقر بها اعينكم و ربي يرزق كل محروووم ،و مشكوورين على الوصفات و الاطايب
اريج ربي يرزقك زوج صالح و رزيقة 16 ربي يتمملك بخير و يهينك و جميع بنات المسلمين ،
الاخت ام ساجد وصفاتك قمة في الرروعة ،الاخت انا هي رزيقة و الخفيف الظريف رائع كروعتك
و كل واحدة فيكم عندها لمستها الخاصة الاخت رنيم ربي ينجحك و جميع بنات و ابناء المسلمين و لي نسيت اسمها تسمححححححححححححلي.
كيما بدينا بالحلو يا حلوااااااااااات نختمو بالحلو لاحلى اخوات في الله
حلوة الملفوف درتها هاد لعشي ،بصحتكم

وفي الختام كما التقينا هنا وجمعتنا الاخوة في الله ،نسأل الله ان يجمعنا في جناته جنات النعيم.
السلام عليكم و رحمة اللّٰه وبركاته
سبحانك اللهم و بحمدك اشهد ان لا اله الا انت استغفرك و اتوب اليك.

[omjoujou]

ام محمد اسلام قبل ما يغلقوا الكوزينة حبيت نشكرك على حسن الاستضافة وكوزينتك فاتت خفيفة ضريفة كيما نتي
ربي يبارك فيك وفي رزقك واكيد ربي يبارك في ا ولادك وزوجك
ربي يحفظلك كل عزيز وغالي ياغالية

[أم سدرة]

مساء الخير ام إسلام مشكورة على حسن الضيافة وكوزينتك جازت هايلة وتعلمت منها حوايج بزاف مع أني ماشاركتش بزاف مشكورة جزيل الشكر

[زهرة الريف*]

عزيزتي أم إسلام حبيت نختم معاك بالحلو ياقطعة سكر
تفضلي باروكي البسيط لي وين يجي قدام خيرات الحراير



راني طبقت المقولة. ...أن تصل متأخرا أحسن من أن لاتصل

[مسلمة بالفطرة]

لبنات تعيشو هل الميكسور اللي على شكل برا يرحي اللحم ولا لالا ؟

[حياة مليزي]

روعة اختي بارك الله فيك