فضفضة

[مشكلتي]

السلام عليكم
والله يا اخوتي اصابني احباط شديد من مسالة الزواج ، مع اني شاب الحمد لله خدام مرسم ما خصني والوا خاطيني الحرام ، الا اني كل ما نخطب اقابل بالرفض ولاسباب جد واهية راني نقرى ، حابة نخدم ، حابة نعيش حياتي قبل ما نتزوج ، راني نخدم على والديا ، مانيش حابة نتزوج، لازم تمشي معايا قبل باش نعرف عقليتك .وغيرها من الاسباب ..مالهم النسا في بلادنا عشات عقولهم فارغة ، وزيد كي نتفرج في قنوات الصرف الصحي نتاع النهار والشروق وغيرها نزيد نكره الزواج ، برامج تحكي على الخيانات الزوجبة...ماوراء الجدران ، الخط الاحمر ، احكي حكايتك ، نفوس ماكرة ، واللي تعرض فقط لي يوجع القلب وتنفر من الزواج ، زوجة تخون في راجلها في غيبتوا ، واخرى قتلت راجلها بالتعاون مع عشيقها، وغيرها من البارمج المحبطة ويلي تكره في الزواج وبناء اسرة ، وزيد سبر الاراء في الشارع لي تقول انا جامي نتزوج بواحد موشباب ، واخرى تقول جامي نظت الصباح وطيبت لراجلي قهوة ، واخرى تقول لازم نمشي قبل ما نتزوج ، واخرى تقول انا نموت على الماتريال والحديدة ونقعد بايرة خير ما نتزوج بواحد عادي ..وغيرها .....لقد هرمنا هرمنا ونحن نبحث عن الزوجة الصالحة .هل سيمضي شبابنا ونحن نبحث ، ام نرضى بالمتردية والنطيحة وما اكل السبع ..هل معقول انوا العبد سنوات و هو صايم وشاد في دينو كيما راه شاد على الجمر ومن لخر يفطر على بوجعران......
اللهم فرج عليا وعلى جميع المومنين والمومنات