عاااااجل بليييييييز

قمر الهضاب · 2013-09-12, 15:01

السلام عليكم يا حلوين ان شاء الله بخير
عندي صديقتي الاسبوع القادم يجيوها الخطابة وراهي حيرانة وش من قاطو دير باش تحطو مع العصير يا ريييييت نلقى عندك اقتراحات واذا امكن وصفات مجربة

وشكرا لكن في انتظار الجواب

امازيغية وفتخر · 2013-09-12, 15:14

قاطو روس او كما يسمى قاطو الطبقات

sabi31 · 2013-09-12, 15:42

momkin diri khti une tarte khfifa w gat3iha

لميس اميرة · 2013-09-12, 16:57

دير ميني بوراك مع بيتزا حوايج مالحة احسن من الحلويات بزاف

قمر الهضاب · 2013-09-12, 17:56

شكرا على النصائح
الى الاخت امازيغية وافتخر هل ممكن الوصفة
اما عن الطورطة فمحال لانو صحبتي علابالي متقبلش ديرها والى الاخت zawali.dz هذيك لكان جات الخطبة تاعي لكان راني درتلهم المملحات اما صاحبتي طالبة قاطو تاع العصير

وشكرا مجددا في انتظار مزيد من النصائح والوصفات

ريرينا · 2013-09-12, 18:29

أختي شوفي وصفة البسبوسة في الأكواب الفردية للأخت أم كوثر اقتصادية و ماتاخذش وقت بزاف ولله تطلعلك روعة لكن أعرفي كيفاه تزينيها من الفوق ما تكثريش لاكرام و ننصحك تستعملي الأناناس قطعيه قطع صغيرة و ديري في منتصف حبة البسبوسة وريدة بلابوش من لاكرام شونتي و فوقها 2 قطع صغار أناناس تطلع تهببببببل و فكرة راائعة تاني اذا استعملتي ماء الأناناس (أناناس الباطة ) في السيرو ديري نص عصير قارص كيما قالت الأخت في الوصفة و نص ماء الأناناس واااو ولله تطلعلك تحممر الوجه تتماشى مع العصير رووعة . ان شاء الله تكون عجباتك الفكرة تقبلي مروري آسفة لا أستطيع وضع الرابط لأن ليست لي أكثر من 30مشاركة لكن الموضوع في الصفحات الأولى حاليا ماهوش بعيد حوسي تلقايه بعنوان *البسبوسة من مطبخ أم كوثر مع سر صغير *

asouma12 · 2013-09-12, 18:54

أنا من رايي ديري boule de neige
إدا تبغي نمدلك المقاديير والله غير هايلين
حنا في تيسمسيلت نديرو تمر بحلوة الترك ونقدموهم بصح مشي ب العصير في مكان العضم ديري حلوة الترك او ديري عجينة اللوز وشكلي ألوان مختلفة

قمر الهضاب · 2013-09-12, 19:33

شكرا اختي ريرينا على النصيحة ضرك نضرب طلة على الوصفة
طبعا يا اخت asouma 12 بلا متسقسي مذابيا تعطيلي الوصفة

وشكرا مجددا

oum ibrahim · 2013-09-12, 19:47

اختي ديري قاتو اسبانيول نتاع فلة حطة و شباب

asouma12 · 2013-09-12, 20:41

boule de neige
عبار نواة كوكو
نصف كيلة ميزينة
قشور قارص
لفاني
كأس سكر ناعم
لمي ببياض البيض حوالي 3 حبات
شكلي كرات وضعيهم في الفرن
حضري SIROP
كأس سكر+نص كاس ماء
تقريبا كاس جي قارص
كي طيبو ضعي الكورات فيSIROP ومبعد في الشوكولا البيضاء ثم في النواة كوكو
شبين بزاااااااااااف
منعرفش ندير الصور راني جديدة

sabinaa · 2013-09-13, 10:08

Gateau espagnol de fella food tres Bon et presentable

أمـــــــــــــــيرة · 2013-09-13, 10:37

اقتباس:

المشاركة الأصلية كتبت بواسطة oum ibrahim

اختي ديري قاتو اسبانيول نتاع فلة حطة و شباب

فعلا رائـع

أنصحيها به

بارك الله فيك