حلقات السيدة يعلى حصريا - الصفحة 26

assiremhayet · 2012-06-23, 22:21

شكرا على الوصفة ولكن هل نترك العجينة ترتاح أو لا في المرهلة الأولى وضعتو المايزينة ولوتو وفي المرحلة الثانية بين البضاء والبنية هل توجد مايزينةأو لا ندير البنية فوق البيضاء كاين مايزينة كي نجي نلوي وشكرا مسبقا,

assiremhayet · 2012-06-23, 22:40

نحي الورقة من طاجين وندير المايزينة ونلوي ولا مكاش مايزينة نلوي مباشرة وفي طريقة الثانية كاين المازينة ولالا والمايزنة نقلي هكاك بها ولا ننفضها وشكرا أشرحولي بالتفصيل لكوني مبتدئة رقم 1,

assiremhayet · 2012-06-23, 23:05

راني نحيت الورقة البيضاء من الطاجين ندير المايزينة ونلوي ونقطع ولا مندرش المايزينة وفي الطريقة الثانية ندير الورقة البيضاء وندير المايزنة وندير فوقها الورقة البنية وندير المايزينة ونلوي ولا منديرش المايزنة نهائيا وكي نجي نعسل نديرها فالعسيلة ولا نطيب سرو نديرها فيه ولا نحطها في سنواة ونسقي من فوق فهمولي لكوني مبتدئة (العسل في إناء نوضع القريوش في العسل ولا العسل لنديرو من فوقها) العجينة ترتاح ولالا وشكرا مسبقا.

assiremhayet · 2012-06-23, 23:21

العجينة تحل رقيقة أو خشينة، وياريت وصفة حنيفيات سيدة يعلى الله ينوركم وكذلك وصفة حلوة نسكافي ودرجة الحرارة اللازمة للطعي وشكرا

assiremhayet · 2012-06-24, 11:36

أين أنتن يالبنات جوبوني الله يحليكوم وشكرا، ياميمي وياسيسي أين أنتن

jackin · 2012-06-24, 15:10

mimi53 · 2012-06-24, 22:29

صابلي بالجلجلان --------------------------------------------------------------------------------

نضع 250غ منغرين طرية كع كأس سكر رطب و نخلط ثم نضع 3 صفاربيض
و الفانليا و كيس خميرة كيمائية و نلم العجينة بالفرينة
اذا اردتي أن تحتفظي بالحلوى مذة أطول ضعى 2 بيضات بدل الاصفر و تضيفي كأس مايزينة هكذا و ضعت أنا فى وصفتي هذه
الشىء الجميل فى هذه الوصفة أن الحلوى تخرج من الفرن جاهزة أي بعد فتح العجينة و نفس طريقة الصابلي العادية تضعين الطبقة السفلى و تدهنيها بالمعجون ثم الطبقة المثقوبة و تدهنيها ببياض البيض ثم الجلجلان و تضعين الحلوى فى الفرن
لما تطيب فى الثقبة تضعين المعجون

mimi53 · 2012-06-24, 22:30

يعتيك الصحة اختي امال تطبيق في المستوى تسلمي

assiremhayet · 2012-06-24, 22:42

ياميمي وياسيسي شرحلولي القريوش وإن أمكن وصفة الحنيفات للسيدة يعلى وشكرا

mimi53 · 2012-06-25, 18:57

اقتباس:

المشاركة الأصلية كتبت بواسطة assiremhayet

شكرا على الوصفة ولكن هل نترك العجينة ترتاح أو لا في المرهلة الأولى وضعتو المايزينة ولوتو وفي المرحلة الثانية بين البضاء والبنية هل توجد مايزينةأو لا ندير البنية فوق البيضاء كاين مايزينة كي نجي نلوي وشكرا مسبقا,

اسمحيلي على التاخير شوفي حبيبتي
بالنسبة للعجينة خليها ترتاح 1/2 ساعة يعد دلك اخدمي على راحتك
كي ديري البيضاء ثم السوداء او العكس وهدا حسب الرغبة كيما تحبي انت مديريش المايزينة بيناتهم
المايزينة حلي بيها برك ماشي كيما لحنيفيات ديري طبقة سميكة هادا لالا
ورولي العجينة حول نفسها تتحصلي على حربوش قطعيه مقروطات

mimi53 · 2012-06-25, 18:59

اقتباس:

المشاركة الأصلية كتبت بواسطة assiremhayet

نحي الورقة من طاجين وندير المايزينة ونلوي ولا مكاش مايزينة نلوي مباشرة وفي طريقة الثانية كاين المازينة ولالا والمايزنة نقلي هكاك بها ولا ننفضها وشكرا أشرحولي بالتفصيل لكوني مبتدئة رقم 1,

كيما دكرت سابقا لا لا متحطيش المايزينة المايزينة غير فلحنيفيات فقط
تغطسي العجينة في الميزينة باش تفتحي بيها العجينة فقط

mimi53 · 2012-06-25, 19:01

اقتباس:

المشاركة الأصلية كتبت بواسطة assiremhayet

العجينة تحل رقيقة أو خشينة، وياريت وصفة حنيفيات سيدة يعلى الله ينوركم وكذلك وصفة حلوة نسكافي ودرجة الحرارة اللازمة للطعي وشكرا

عما قريب حبيبتي نديرلك الوصفات والف شكر

mimi53 · 2012-06-25, 19:05

اختي الكريمة شوفي هادا الرابط تزيدي تفهمي اكثر واقراي تعاليق لبنات تستفادي اكثر نورتي حبيبتي

https://www.djelfa.info/vb/showthread...=999630&page=6

karima82 · 2012-06-26, 17:23

سلام يعتيكم الصحة انا دخلت لموقع راديو البويرة بصح مالقيتش الوصفات لي تعرف تقولي كيفاه نالقاهم و شكرا

karima82 · 2012-06-26, 17:31

سلام يعتيكم الصحة انا دخلت لموقع لي مداتو سليمة يعلي لي فيه جميع الوصفات تاعها مي ملقيتش الوصفات لي داخلت لهدا الموقع تقولي كيفاه ندخلو و شكرا