حلول لكل المشاكل التي تواجهنا في صنع الحلويات - الصفحة 5

Sissouma Souma · 2012-08-09, 16:51

سلااام يا لحراير
انا اول مرة رايحا ندير القاطو
ولقيت الموضوع هادا في طريقي تقول مخدوم ليا ربي يجازيكم كل خير
بالنسبة للأسئلة تاعي:

1- لقيت قاطو ما يطيبش ويتغطى بالقلاصاج والقلاصاج يتخدم بالسيرو ، قولولي واش هو السيرو ، وزيد ما عنديش باتور نقدر نطلعو بيدي؟
2- المخبز : لقيت في واحد المنتدى بلي لازم يطيب على 150 درجة لمدة ربع ساعة ولازم تولي طايبة من التحت ، بصح الاخت هنا قالت بلي يطيب على درجة خفيفة ولمدة دقيقتين ومن الفوق برك ما فهمت والو حقيقة ..
3 واش رايكم كون ندير لي سابلي من اليوم بعد / منا للعيد ما يبسوليش؟؟

ومازالو الاسئلة بزاف مش حابة نكتر عليكم

سيرينا لبنينا · 2012-08-09, 16:57

اقتباس:

المشاركة الأصلية كتبت بواسطة salima 1984

الزبدة مع الزيت نلقاوها في بعض الحلوياااااات لماذا هذا المزج خلى القاطو ديالي بعد الطياب مشلح

سبب المزج هو باه يجي القاطو زاكي

أم سبب التشلاح هو (العجن) حاولي لمي العجينة ثم ثم بأصابعك برك ماتكثريش تخدمي فيها بيدك. وريحيها في الثلاجة

سيرينا لبنينا · 2012-08-09, 17:00

اقتباس:

المشاركة الأصلية كتبت بواسطة silina20103

ممكن كيفية تذويب شيكولا بيضاء جربت نفس الطريقة شيكولا سوداء و لكن لم تصلح ممكن طريق ناجحة

الشكولا البيضاء جد حساسة لازم ماتضفيلها حتى شيء وتذاب على حمام مائي.

المتفائلة 83 · 2012-08-09, 17:01

السلام عليكم
فيما يخص الفرينة احسن فرينة جربتها للبقلاوة هي سيم
بالنسبة لعجينة اللوز انا نخدمها يالسكر قلاصي النشا يبسها

المتفائلة 83 · 2012-08-09, 17:06

انا عندي سؤال فيما يخص المعمول حابة نجربو مي حابة نديرو بالفرينة ماشي السميد والوصفات كامل لقيتهم بالسميد اللي تعرف تفيدني البنات تعيشو راني مزروبة

الحطاب سهام · 2012-08-09, 17:09

اقتباس:

المشاركة الأصلية كتبت بواسطة ايمان2009

شكرا للاخوات ولام مؤمن
حبيت نسقسي على لي مول تاع القنيدلات يدهنو ولا يترشو بالفرينة ولا منديرلهم والو نحط العجينة طول مع العلم اني شريتهم جدد و خايفة يلصقولي

واه حنونة باه ما يلسقولكش ومايخسرولكش ادهني المول ورشيه بشوية فارينة هكا ينقلعولك بكل سهولة

سيرينا لبنينا · 2012-08-09, 17:10

اقتباس:

المشاركة الأصلية كتبت بواسطة ايمان2009

شكرا للاخوات ولام مؤمن
حبيت نسقسي على لي مول تاع القنيدلات يدهنو ولا يترشو بالفرينة ولا منديرلهم والو نحط العجينة طول مع العلم اني شريتهم جدد و خايفة يلصقولي

أختي مام جدد عمري ولا ندهنهم أصلا العجينة فيها الزبدة .

بعد ما يطيبو خليهم يبردو واقلبيهم يتنزعو وحدهم.

الحطاب سهام · 2012-08-09, 17:14

اقتباس:

المشاركة الأصلية كتبت بواسطة sissouma souma

سلااام يا لحراير
انا اول مرة رايحا ندير القاطو
ولقيت الموضوع هادا في طريقي تقول مخدوم ليا ربي يجازيكم كل خير
بالنسبة للأسئلة تاعي:

1- لقيت قاطو ما يطيبش ويتغطى بالقلاصاج والقلاصاج يتخدم بالسيرو ، قولولي واش هو السيرو ، وزيد ما عنديش باتور نقدر نطلعو بيدي؟
2- المخبز : لقيت في واحد المنتدى بلي لازم يطيب على 150 درجة لمدة ربع ساعة ولازم تولي طايبة من التحت ، بصح الاخت هنا قالت بلي يطيب على درجة خفيفة ولمدة دقيقتين ومن الفوق برك ما فهمت والو حقيقة ..
3 واش رايكم كون ندير لي سابلي من اليوم بعد / منا للعيد ما يبسوليش؟؟

ومازالو الاسئلة بزاف مش حابة نكتر عليكم

السيرو هو ماء زايد سكر وتحطيهم على نار يغلي يغلي حتى يولي يعمل فقاعات تما راهو وجدلك السيرو

الصابلي واه تقدري ديريه بكري فقط حطيه في بورت مونجي واغلقيه مليح راهوا يقعدلك طري

اما المخبز فاعتذر الاخوات ذكا يجاوبوك ماعنديش معلومات

الحطاب سهام · 2012-08-09, 17:16

اقتباس:

المشاركة الأصلية كتبت بواسطة سيرينا لبنينا

أختي مام جدد عمري ولا ندهنهم أصلا العجينة فيها الزبدة .

بعد ما يطيبو خليهم يبردو واقلبيهم يتنزعو وحدهم.

وحتى الفارينة ماديرلهمش اختي؟؟؟؟

سيرينا لبنينا · 2012-08-09, 17:19

اقتباس:

المشاركة الأصلية كتبت بواسطة شذا الربيع

السلام عليكم ورحمة الله وبركاته
أنا أول مرة رايحة نخدم القاطو بديت مبااااشرة بالمشاكل نتاعو هههه خوفتوني
حبيت نسقسيكم على طريقة صنع حليب النسلي شفتها بطريقتين وحبيت نتاع الكوكوط بصح فهموني كي نديرها في الكوكوط نغلق عليها وندير الصفارة يعني عادي ماكاين حتى اخطار
يا ريت تعطولي الوصفة لي مجربينها هكا باش نبدا إن شاء الله
وشكرا جدا لأم مومن على الالفاتة الطيبة والرائعة

وعليكم السلام

اختي ماتخافي ما والو حاجة ماتخوف رانا هنا

بالنسبة لنسلي نحيلو الكاغط (لايبوشلك الصفارة )

لاقدر الله

وحطيه في كوكوط مغطي بالماء واقفلي وحطي الكوكوطة وديري الصفارة واحسبي 1ساعة......

وخلاص تلقايه كيما الكرمال

بالنسبة للوصفات شوفي هنا https://www.djelfa.info/vb/showthread.php?t=1041648

ام اماني77 · 2012-08-09, 17:49

السلام عليكم اخواتي وشكرا على هذا الموضوع
بالنسبة لعجينة اللوز نضيفولها النشاء ومانضيفش السكر الرطب لانها اصلا حلوة بزاااف ومن الافضل اذا كنت راح تحتفظي بالحلوى لمدة تستعملي اللوز مقشر ومرحي غبرة في مكان النشاء ونعجن حتى نحصل على عجينة متماسكة وهذا الطريقة عملت بها الكعيكعات في عرس اختي وبقاو الورود طريين
احسن نوعية سميد للمقروظ هي السفينة ولازم تشري المتوسط لان كان الغليظ
بالنسبة للقلاساج باه يجيك يلمع كيما نشوفوه في الكتب بعد ماديري الطلية خليها تنشف مليح وبواسطة اسفنجة صغيرة امسحي الحلوى بالبريو الرقيق
بالنسبة للمخبز لازم النار تكون خفيفة كيما قالت اخت قبل ولازم يبقى ابيض من تحت اذا حمار معناها راح يجيك يابس
نتمنى نكون عاونتكم على قد ما نعرف:d

منال100 · 2012-08-09, 17:58

عجينة الصابلي لازم تكون أثصقل من تاع البيسطلي زيديلها شوي فرينة

looona · 2012-08-09, 17:59

خوتاتي جاوبوني الله يجازيكم كل خير

looona · 2012-08-09, 18:01

اقتباس:

المشاركة الأصلية كتبت بواسطة looona

الله يجازيك كل خير ام مؤمن انت وكل المشاركين
حبيت تجاوبيني الحشوة تاع المشكلة وتاع الياسمينة كفاه ادريلها وتخدميها باش كي اطيب ماتيبسش وتيجي طرية وماتخرجش
الشكولا البيضة كفاه تتعاملي معاها يعني كفاه ادوبيها راهي قليل وين تصلح
المشكلة تخدمي بالحبة ولا تقرصي العجينة وتحطي الحشوة ومبعد العجينة وتطبعي
وربي يعطيكم ماتتمناو كامل

جاوبوني الله يجازيكم

fifiarch · 2012-08-09, 19:14

اقتباس:

المشاركة الأصلية كتبت بواسطة ام مؤمن

هذه وصفة قلاصاج

https://www.djelfa.info/vb/showthread.php?t=1052474
عجينة اللوز شوفي الردود السابقة

اما السر في لمعان القاطو فنقولك على وصفة من كتاب حلويات عندي

بعدما نعملوا القلاصاج للقاطو نتاعنا نخلوا القاطو ينشف مليح و بعدها تجيبي الجيلاين و هو غبرة تباع بالاسواق تضيفيلها الماء و تصبح خليط شفاف لماع و تجيبي فرشاة و تذهني بيها القاطوا نتاعك و بعدها تزينيه بلماع غدائي و يجي يبرق و يلمع لما يشيح و المفروض انوا الجيلاتين ايضا يباع على شكل سائل لماع و انا الصراحة انا لم استعمله بعد و لم ارى شكله و لكن وصفتلك من كتاب الحلويات و راني ناوية نشريه و نجربوا ان شاء الله

الف الف شكر على الرد
ان شاء الله نسال عنو في المحل ونلقاه
مشكووورين