وصفات من حراير مطبخ وش طيبتي اليوم

[ام رزان]

ماشاء الله بارك الله فيكم

[ام رزان]

ممكن نطلب قاطو الكابريس والشكولا الي ما يطيبش منكن الي تعرف

[أم محمد تاج]

المشاركة الأصلية كتبت بواسطة ام رزان

ممكن نطلب قاطو الكابريس والشكولا الي ما يطيبش منكن الي تعرف

حنونتي ام رزان ذوبي الكابريس تاعك في حمام مائي كي تذوب زيديلها الكاوكاو او اي نوع مكسرات تحبي حتن تعقد مليح وكوريها ولاتبسطيها في البلاطو وحطيها فيةالثلاجةتبرد وتتمتسك وزينيها بالشيكولا والمكسرات ة

[ladymillion]

قاطو بالكاوكاو والنواد كوكو لـــ ليزابيل الحلوة



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.


فضولة اسمحيلي حبيبتي هذا وين جيت تفضلي الوصفة
500 غ مارغرين تخلطي معاها كاس سكر رطب بالباتور و م ص لافاني و تزيدي 4 صفار البيض و بيضة كاملة و تزيدي تخلطي بالباتور مليح منبعد ضيفي كاس نواة كوكو محمصة مع زوج كيسان كاوكاو محمص بعد ما تكوني رحيتيهم مع بعض فالروبو و تخلطي بالملعقة ولا بيدك و زيدي كاس مايزينة و كيس خميرة الحلويات و تلمي بالفرينة حتى تتحصلي على عجينة طرية ،، غطيها و خليها تريح و من بعد حليها بالحلال و قطعيها بالمؤلفات لي تبغي انا درت دوائر و قلوب ،، نطيبهم في فرن سخون من قبل على 180 درجة قد ما تشوفيهم تحمرو غير شوية من تحت خرجيهم و خليهم يبردو شوية و نحيهم على مهلك مالبلا و من بعد لصقي كل زوج حبات مع بعض بالمعجون ولا بالنوتيلا و ديري قلاساج بالشوكولا ولا تاع الطلية كيما التشاراك قلاصي انا اعتمدت القلاساج تاع حبيبتي ام محمد تاج و زيني مالفوق بنصف حبة جوز و خطوط بالشوكولا و لك الاختيار طبعا في التزيين
ملاحظة : تقدري ما تلصقيهش و تديري حبة وحدة بالقلاساج بصح مين تحلي العجينة خليها سميكة باش تجي الحبة مرفودة شوية

[مليحة العرب]

بريوش بالزبيب للاخت hasna19

هذا بريوش بالزبيب:

500غ فرينة
100غ حليب
100غ زبدة
كاس سكر
بيضة
مغرف كبيرة خميرة و ساشي خميرة كيمائية ولافاني


تلمي العجينة وبعد ماتخمر اعجنيها بالزبدة مليييح وخلطي معاها زبيب ولادقلة واظفريها وخليها تزيد تخمر

ادهني الوجه ببيضة ورشي من فوق السكر وبعد ماتطيب ادهنيها بالسيرو

[idron0]

الغريبة دائمة الحمد
كيلة سمن ذايب انا خدمت بالمدينة العلب الصغار خير من الكبيرة كيلت بالبول تاع الشربة الفردية غرفية كيما نقولو
غرفية سمن ذايب
نصف غرفية سكر قلاس نخلطهم وهو سخون حتى يذوب السكر بالمغرفة برك ونحطها في المجمد
لما تجمد نخرجها تطرى قليلا ونزيد نصف فنجال زيت ونصف ملعقة قهوة فاني ونباتيها بالباتور حتى تبياض ونبدى نزيد الفرينة حتى تشد روحها ونجرب كعبة اذاكان حاكمة روحها نورمال واذاكان ساحت نزيد الفرينة ونعملها الشكل لي نحب ولما تطيب وتبرد ندير السيكر قلاس بالصفاية يمد منظر مليح مع الكوكاو

هذي الغريبية تاعي بعدما طابت

إضغط هنا لرؤية الصورة بحجمها الطبيعي.

ما تدهنيهاش حطي الكوكا وومشي لاجارمون بالقراص يدخل فها

إضغط هنا لرؤية الصورة بحجمها الطبيعي.

[lyzzabel]

تابع لقاطو بالكاوكاو و النواد كوكو ل ليزابيل

لصقت كل زوج حبات بالنوتيلا و درت القلاساج مالفوق تاع حبيبتي ام محمد تاج روعة كالتالي
بياض بيضة ، فنجان مخلط بين زيت و مارغرين ذائبة ، فنجان حليب ، فنجان مازهر ، ملون ابيض و كمية من قهوة سريعة الذوبان تكون مركزة ،، و نخلط بالفرشيطة و نبدأ نضيف السكر لرطب بالتدريج حتى نتحصل على القوام المطلوب
و كاين حبات لي خليتهم على حبة وحدة بصح حليت العجينة خشينة شوية و زينت مالفوق بنص جوزة او خطوط الشوكولا و ملمع غذائي

ملاحظة
الوصفة الأصلية فيها 8 صفار البيض و انا هاذ المرة اقتصدت و درت 4 صفار و بيضة كاملة

[idron0]

مقروظ lyzzabel
درته بالسميد نصف غليظ و كيلت بالغرفية تاع الشوربة زوج كيلات سميد نصف غليظ و كيلة سميد رقيق كان عندي و كيلة الا ربع مارغرين ذائبة و كملت الكلية بالزيت و قرصة ملح و حكيتهم بين يديا مليييييح و غطيتهم و خليتهم باتو ليلة كاملة و من بعد بديت نرش بالما مخلط مع المازهر غير بالشوية ما شمختش قاع الكمية مرة وحدة و حشيت باللوز مخلط مع سكر عادي و زوج مغارف زيت و مغرف ص قرفة و المازهر قد ما نقدر نشكل بيها حربوش و شكلت المقروظ و قليته و عسلته و خلاااااص هههه
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[NNANNI]

المشاركة الأصلية كتبت بواسطة ام ساجد

oum anas 69

الكابتشينو

إيه حنونة مجرباتو شحال من خطرة يهبل ناجح 100/100 و يديرلك كمية هايلة
كيلي بفنجان قهوة
ديري في في وعاء فنجان قهوة حبيبات +فنجان سكر عادي +فنجان ماء بارد من الثلاجة و طلعيه بالباتور خير حتى ترجع كريمة متماسكة مايديش الوقت ممكن 1دقيقة
فرغيها في بورت مونجي و خبيها في المجمد لازم باش ماتطيحلش من السخانة و ممبعد كي تسحقي نحي مغرفة حطيها فيكاس و صبي حليب يغلي ممممممم حقى راها ماتجمدش في المجمد تلقايها كالموس مممممم إذا حبيتي ممبعد نعملها و نصورهالك

صح عيدك ام انس ربي يعطيك الصحة والهنا
ما المقصود بالقهوة حبيبات

[دائمة الحمد]

اختي الكريمة قهوة الحبيبات راهي النيسكافي

[*ام ادم*]

جزاكم الله كل خير

[بشرى2008]

أم سهام 02


التحليل
2كيلات فرينة +1كيلة ميزينة +رشة ملح +عطر ماء الزهر+1 كيلة (سمن و زبدة ذايبة ) ولمي بالحليب فايض وبارد

الحشو عبرسكرمع عبرماء يغلو حتى يبدا يعقد زيدي 3عبار لوز مع قطعة زبدة وخلطي بالملعقة حتى تبدا العقدة تنفك من قاع الكسرونة طفي وفرغها في صحن ضفي لها قشور الليمون والفانيلا وخاليها تبرد تماما عاى الاقل ساعة .
القلاساج للشاف ام رامي
التزيين عجينة السكر

[idron0]

حلوى الورقة ام ايمان 11



إضغط هنا لرؤية الصورة بحجمها الطبيعي.

حلوى الورقة وصفة امي الغالية
المقادير:
200 غ زبدة ،150 غ سكر عادي ،4 بيض ،4 ملاعق كبيرة مايزينة ،قرصة ملح ،2 خميرة الحلوى ،زاست القارص ،ملون اخضر
قو التفاح .
التحضير
خلطي الزبدة مع السكر مليح حتى تصبح بيضاء ضيفي قو التفاح و الملون و الملح و الزاست و البيض حركيهم مليح ضيفي المايزينة مع شويا فرينة وخميرة الحلوى و خلطيهم ثم ضيفي الفرينة حتى تصبح عجينة متماسكة .
حلي العجينة بالحلال و اطبعي بطابع الورقة و طيبيهم غير يصفارو من تحت برك و طفي باش يبقى طري و هشوش
لصقي كل حبتين بالمربى و على الاطراف كذلك ديري شوية مربى ثم مرريهم في نواة كوكو لونه اخضر و خلاص .
وصفة ناجحة و مضمونة وبقادير بسيطة .

[idron0]

مقروط مقلي بشرى 2008
3 كيلات سميد متوسط ماشي الخشين + حوالي نصف كيلة فرينة تقدري تديري أقل + كيلة سمن دايب + قرصة ملح وكمية من السكر عادي انا عندي واحد السكرية صغيرة نعبر بيها انت تقدري تديري بيدك حفنة صغير السكر راهو اختياري ونبسس مليح بيدي ونخليه يبات لغدوة من داك
نخدم التمر نقيه ونفورو ونرحية ونديرلو القرفة وشوية سمن ونشكل حرابش بشوية زيت فى يدي

ندير كمية من الماء وماء الزهر
ناخد كمية من التشيشة يعني السميد اللي بيتو ونبدا نرش بالماء وماء الزهر ونفتل حتى يتلم الخليط
نعمل حربوش ونضع الحشو ونغلق ونقطع بالقطاعة ماشي بالموس باش تبقى الحبة شادة روحها
بالنبة للقليان انا نستعمل كسرونة ثقيلة نعمرها زيت لأنو المقروط متقلبيهش فى الزيت
لما يغلي الزيت نقص للنار نخليها هااااااااااااااااادئة ونرمي الحبات لازم وشرط اساسي الزيت يغطي كل الحبات ونقليه منخليهش حتى يحمار كي نشوفو صفار نحي الحبة

بعدما يبرد نظفو شوية بالطرشونة ونعسلو اممممممممممممممممممممم

إضغط هنا لرؤية الصورة بحجمها الطبيعي.

[ام ايمان 11]

حلوى للاخت ساندي 28
250غ مغرين طريه +حبه بيض +باكي فلن شوكولا انا درت فلن فانى وتخدمي الكل بيدك مليح تضيفى بعدها فرينه +1 خمارة وتلمى حتى تتحصلى على عجينه طريه حطيها فى بلاستيك وخليها ترتاح شويه
بعدها حليها بالرولو وقطعي اي شكل تحبى انا درت قلوب كبار وتطيبيهم فى الفور وتخليهم يبردو
الوصفه الاصليه تجملى 2 حبات بالمورانغ انا غيرت درت معجون وغلقت الحبات بالشوكولا وزينت السطح بخطوط شكولا وفوقهم خطوط بقلاساج ابيض وزينت بورده من عجينه اللوز والنوعين الى بقاو واحد درتلو قلاساج والثانى طيبتو بطريقه قاطو التاج
بصراحه مذقتش مثل بنتو فى حياتى يهبل يهبل وبنين والاهم من هدا هشيييييييييييش ويذوب بالفم