تعليمة وزارية شفهية وصلت لمديريات التربية بخصوص المسابقة

[لمين دحية]

السلام عليكم

نطالب بتطبيق الشريعة لا كتابي ولا شفهي للذكر مثل حظ الانثيين أو القانون الوضعي نص نص 50 % لكلى الجنسين وه؟كذا نرجعوا بعض حقوق الرجل التي تم سحقها تحت اقدام .................؟؟؟؟

[zouka.zika]

ملاحظة هامة وموضوع جيد فالحق الحق الذكور في الخدمة الوطنية ومن بعد الشوماج والنساء في التوظيق اكيد النسبة ستكون 100/100 لازم الدولة تشوق حل ولا تحدث اوضاع ماهيش مليحة المهم بالتوفيق للجميع خاصة الرجال لانهم عماد الدولة

[تهاليل]

القيل والقال حتى لو سمعته من فم المعني بالأمر مانصدقه لان مااصابني لم يكن ليخطئني لازم يكون عندنا ثقة بالله والله لو كاتبلي نربح نربح بسيف عليهم وبالتوفيق للجميع

[glourious99]

اخدمي يا مادام ... باش نجي نخطب الشهرية 50-50 هههههههههههه

[midoandmido]

كلام صحيح 100/100

[midoandmido]

جاي وقت لبنات هوما لي يجو يخطبو و يطالبو بتعدد الأزواج ترقبو هدا اليوم

[houdehoud]

و شكون اللي قالكم النسا ما تعقبش لارمي
ايه حنا نعقبوه و اذا نتوما عام و نص حنا كل وحدة كيفاه
.
.
. نعقبوه مع العجايز و السلافات الله يهدينا و يهديهم

[farahidi]

المشاركة الأصلية كتبت بواسطة glourious99

اخدمي يا مادام ... باش نجي نخطب الشهرية 50-50 هههههههههههه

هاهي الهدرة

[angelic woman]

المشاركة الأصلية كتبت بواسطة السي محمد

السلام عليكم و رحمة الله و بركاته

انا سمعت و العهدة على الراوي و الله يعلم

( شخصيا صدّقت ما قاله لي ) لانه انسان ثقة


ان مديريات التربية وصلتها تعليمات شفوية ( عُلوية)

بعدم إنجاح الشباب المترشح في مسابقات التزظيف مهما كانت الكفاءة

و ضرورة توظيف النساء باكبر قدر ممكن



و السبب هو ان الوزارة تريد كسر نقابات قطاع التربية

من خلال رفع نسبة النساء و تقليل عدد الرجال


و بالتالي إضعاف النقابات بإضعاف المنتسبين إليها

انا بلّغتكم بما و صلني و الله يعلم

إذا وجدتم نسبة الناجحات اكثر من 70 % فاعلموا ان مصدري صادق


ربي يسهل عليكم جميعا


ملاحظة :
انا لستُ مترشحا للمسابقة خاطيني قطاع التعليم

ana charekt fi mossaba9a fi 2011 ta3 ingénieur de pêche w ma copine hatat dossier ta3 inspecteur de pêche hada ministère de pêche et ressources halieutiques li kano dayrino, mais jami3 2ineth li hatou dossier kan marfoudh bi hodjat 3adam tatabo9 chahada, w kano kayen 8 postes w 3adad mocharikin 5 berk w ga3 dhokour hna 3lach ma golnach belli hadi tafri9a, bil3aks golna belli chafou rajol awla b had manssib

allah yahdikom ma tazar3ouch fitna bayn cha3b, kayen omour aham netkatfou 3liha, w idha kan bent aw walad rana ga3 min ajl bina2 mosta9bel al 2jial, welli raho mkhalefni fi ra2y ygoul wa rah net9abal ra2yo b kol rouh ryadia

[angelic woman]

المشاركة الأصلية كتبت بواسطة لمين دحية

السلام عليكم

نطالب بتطبيق الشريعة لا كتابي ولا شفهي للذكر مثل حظ الانثيين أو القانون الوضعي نص نص 50 % لكلى الجنسين وه؟كذا نرجعوا بعض حقوق الرجل التي تم سحقها تحت اقدام .................؟؟؟؟

ردك هذا ان دل على شيء انما يدل على جهلك بتعاليم ديننا الحنيف !!!!!!!!!
انت تطالب بان يكون نصيب الذكر ضعف الانثى علاه رايحين الذكور يفوتو المسابقة مع اخواتهم، ولا العمل راه متوارث و الله ما فهمنا كيفاش تخمموا ؟؟؟؟؟؟؟؟ ارجو تجاوبني

هذه المسابقة للي عندو خبرة اكثر و اللي عندو معريفة اكثر مني و منك علاه ما نحاولوش نمنعو الفساد و تكون مسابقات التوظيف على حساب الشهادة و سنة التخرج ماشي واحد من 2001 و هو يخدم بناء او نجار مع انو عندو شهادة و ما صحلوش منصب عمل دائم او وحدة تحولت تخدم في الكوزينة او تخدم الكروشي مع انها مهندسة او عندها ليسانس و يجي صاحب ديبلوم 2013 و يعطولو المنصب الان اخوه الكبير يخدم في نفس السلك

واش قولكم؟؟؟؟؟؟؟؟؟

[الزرمومي]

يا بنات الله يهديكم
والله هلكتوا الذكور
اقعدو في دياركم ضرك تتزوجوا ويفرج عليكم ربي
راكم علابالكم بلي المسابقات 100 بالمئة تنجحو انتوما
واش رايحين اديرو بالشهرية رايحين للتجارة ولا تشروا الماكياج
انا مانلومكمش نلوم والديكم الي قروكم والله يهلك المسؤؤلين الي دارو هالقوانين
اقعدوا في دياركم

[badis88]

يا خويا مشكور لكن ان نسبة البنات تفوق نسبة الدكور و هدو لي قلبوها فتنة و مانيش غارف ربي يهدينا و يهديم وانت ربي يخفظك خاطر راك درة الملاحظة ( خاطيك التعليم)
و النسا هدو لي راهم يقطعو فيك راهم يبقاو نسا

[السي محمد]

انا وا لله العظيم خاطيني التعليم لاني مهندس مدني

اصلا في ولايتي شلف فتحو منصبين استاذ ريايضيات للتعليم الاساسي؟؟؟

تخيلو آلاف المتخرجين يدفعو ملفات من اجل منصبين؟؟؟؟

[اللهب المقدس]

اضن ان الخبر صحيح بعد مارايت نتائج الناجحين لولاية سكيدة
بلادكم مخدوعة مكاين لا نغطو الشمس بالغربال

[podolsky]

ي السلام عليكم

النتائج ستمون فعلا الاغلبية الساحقة نساء بلا شك لكن هذا ليس بسبب تعليمة شفوية وغير شفوية
السبب هو معايير المسابقة على اساس الشهادة والتي تشترط على الرجل ادراج وثيقة الخدمة الوطنية دون احتساب تنقيط عليها
بمعنى تروح انت للارمي عام ونص
تكون هي دات 1.5 نقطة + 30 مليون ولا دراهم استخلاف
وانت تجي ضاربك البرد نتاع جبال باتنة وتفوت معاه الكونكور كيفاش نتجح قلي رحم على والديك