*__* طالب مقبل على بكالوريا 2013 __ يحتاجك انت يا ناجح

good_boy08 · 2012-07-08, 22:30

السلام عليكم ورحمة الله تعالى وبراكاته

اول شيئ اود ان اهنئكم جميعا بهاذا النجاح الذي جاء بفضل الله وعونه وجهودكم متبعوعة بدعوات صادقة

يارب تكونوا جيل نآآجح وافراد ننهض بهاذا البلد الذي كم اتمنى ان يزول عنه غمامة الفساد وقلةالنظام ..... نتغم اخواني كي نبدا نشوف حالنا مقارنة بدول نهضت نحو ماليزيا .. سنغفورة .... المانيا ....

لكي لا اطيل اختمها بدعوة ياارب اصلح هاذا البلد ووحد شمله وبارك فيه

اسمحولي علابالي خرجت على الموضوع _____ والله غير الغيرة على بلادنا تخليني نهدر

المهم اعيد تهنأتكم انتم الناجحين ام عن الذين لم يسعفهم الحظ ان شاء الله يكونوا استفادوا ويعودوا بكل قوة وعزيمة مضافة وكل تعطيلة فيها خير

المهم ادخل في الموضوع

اريد اخذ نصائح مجرب

شباب الي عندوا اي حاجة يفيدنا بيها يقولي لأني زادت عزيمتي وغرت منكم ومن معدلاتكم الممتازة منها واقل منها بقليل
امنيتي انال شهادة البكالوريا بمعدل ممتاز فيا اخواني اخواتي من كان له نية في المساعدة بنصيحة او اي شيئ انا هنا بقلب رحب واذن صاغية معكم واتقبل اي شيئ

أرسلان · 2012-07-08, 22:34

ابقى فقط بهذه الروح الجميلة ، وننتظرك السنة القادمة ان شاء الله على المنصة

سندريلا SF · 2012-07-08, 22:37

لقراية و الدمير من اول العام

4fati · 2012-07-08, 22:38

و الله يا اخي انا تاني راني جد متحمسة و خايفة في نفس الوقت
عندي بعض الاسئلة لاخواني ارجوا افادتي
1_هل دراسة في الصيف مفيدة لاني قد راجعت بعض دروس الفيزياء ؟
2_هل كل فصل تحفض الدروس او حتى اقتراب الموعد
3_هل المعدلات الفصلية تاثر في نفسية الطالب ؟ او يمكن عدم المبالات بها و التركيز في الباك فقط ؟
4_ ما هي الكتب الخارجية التي تنصحون بها ؟
شكرا و عفوا عن الاطالة

blck cbr · 2012-07-08, 22:41

------------------------------------------

good_boy08 · 2012-07-08, 22:41

اقتباس:

المشاركة الأصلية كتبت بواسطة 4fati

و الله يا اخي انا تاني راني جد متحمسة و خايفة في نفس الوقت
عندي بعض الاسئلة لاخواني ارجوا افادتي
1_هل دراسة في الصيف مفيدة لاني قد راجعت بعض دروس الفيزياء ؟
2_هل كل فصل تحفض الدروس او حتى اقتراب الموعد
3_هل المعدلات الفصلية تاثر في نفسية الطالب ؟ او يمكن عدم المبالات بها و التركيز في الباك فقط ؟
4_ ما هي الكتب الخارجية التي تنصحون بها ؟
شكرا و عفوا عن الاطالة

واضيف هل نعتمد على الملخصات ... و و

blck cbr · 2012-07-08, 22:44

------------------------------------------------------------

blck cbr · 2012-07-08, 22:45

-------------------------------------

aimad17 · 2012-07-08, 22:47

سلام الله عليكم اود اجابتكم
اولا دراسة الصيف تختلف من شخص لاخر لكن بالنسبة لي لا احبذها فالافضل ان نجعل لكل وقت حقه en plus quiيلحق جوان تكره لقراية (نصيحة مني بداو من سبتمبر خير)
انصحك بحل كل التمارين(phy+math)) فهي وافية وشاملة+العلوم الفهم+الفهم+الفهم ثم التمارين ماشي بزاف .. المراجعة لازم من سبتمبر حتى جوان .صعوا برنامجا تلتزمون به
الحفض اذا طولتم بداو في ديسمبر+اللغات مليح تطلو عليها ف الصيف........
تقوى الله اوصيكم بها .حافضوا على صلواتكم .....والباقي على ربي
وفقنا الله واياكم لما يحبه ويرضاه .........

good_boy08 · 2012-07-08, 22:52

aimad17 شكغا اخي عماد

ان شاء الله

ivan01471 · 2012-07-08, 22:52

اولا--المواد الاساسية لازم تكون ممتاز فيها ولازم تكون مشوقة بالنسبة لك لانها راح تفيدك وبفضلها راح جيب معدل مليح انشاء الله
ثانيا--راهوا عام يفوت ليه ليه ما تحسش بيه اذا اهتميت بقرايتك
ثالثا --لازم تقرا كلش ما تخلي والوووووووووووو اعب تلقا دير الشي لي قادر عليه والله ما تندم عليها لي يتعب يكافيه ربي
رابعا--لازم تصلي باش يباركلك ربي في معلوووماتك وهذا اهم شيئ لانك ممكن تنسى معلومة تعرفها او تغلط في حاجة تافهة بلاما تعرف ومبعد تقول ما نقطوش مليح وهذا اهم شيئ باتوفييييييييييييييييييييييق انشاء الله

blck cbr · 2012-07-08, 22:53

-----------------------------

good_boy08 · 2012-07-08, 22:56

ivan01471 لكن يا اخي هل هناك نصيحة على سبيل المثال كيف ازيد من مهارتي
والخبرة كتب ...... نماذج طريقة

رحاب النجاح · 2012-07-08, 23:38

اقتباس:

المشاركة الأصلية كتبت بواسطة 4fati

و الله يا اخي انا تاني راني جد متحمسة و خايفة في نفس الوقت
عندي بعض الاسئلة لاخواني ارجوا افادتي
1_هل دراسة في الصيف مفيدة لاني قد راجعت بعض دروس الفيزياء ؟
2_هل كل فصل تحفض الدروس او حتى اقتراب الموعد
3_هل المعدلات الفصلية تاثر في نفسية الطالب ؟ او يمكن عدم المبالات بها و التركيز في الباك فقط ؟
4_ ما هي الكتب الخارجية التي تنصحون بها ؟
شكرا و عفوا عن الاطالة

1- من الافضل أن تسترخي في فصل الصيف و تسخره للاستمتاع و باش تديفولي b1 .... و ايضا لشحذ المعنويات ...... باش كي تدخل تكون مؤهل نفسيا لتخطي ضغط الباكالوريا ... أما اذا حبيت تقرا ...... أنصحك بالتمكن من برنامج الرياضيات للسنة الثانية ثانوي لان برنامج الثالثة ما هو إلا مكمل له ...........خاصة المتتاليات .... لانو تقراوها فالباك فاللخلر تاع العام و الا كنت ماش متحكم فيهم مليح راح يعيوك شويا ........ الفيزياء ......أنصحك بان تعمل ملخص للقوانين خاصة تاع الكيمياء التي تعلمتها في السنة 1 و 2 من كراسك ل س1و2.ستفييييييدك كثيرا و تسهل الكثير من العناء .....كما كما ان فهم "أساسيات " ميكانيك السنة الاولى مفيد . بالنسبة للمواد الادبية حاول ان تطالع الحرب الباردة و فهمها و فهم شخصياتها و السياسات المتبعة ... و ما تخلعكش التواريخ اللي يقولك راهم بزاف و صعاب .... انا العام كامل و انا خايفة منهم .... و ماقدرتش نحفظهم غير بيسك خايفة منهم ... مي كي درت الكوراج و حفظتهم و الله لقيتهم وااالوا ... هايلين .....آلور أنت كي تقرا الحرب الباردة احفظ التورايخ ديالها ... و كي تقرا الجزائر احفظ التواريخ ديالها و هكذا عاودهم عادوهم ..ما كانش ما اسهل منهم ..... نفس الشيء ينطبق على جميع المواد ما تخاف من حتى وحدة ولا موضوع ...كن ايجابيا و ابتعد عن السلبيين و اللي يأسو من النجاح او التفوق...بالعكس كي تلقا روحك خايف من موضوع ازضم علييه و توكل على ربي .......المهم بخصوص الدراسة في الصيف يجب ان لا تجهد جسمك و معناويتاك و ما تخممش بزاف فالباك باش ما ديgوثيهش كي توصلوا و اعمللل جاهدا على الحصول على رضا الله قبل شيء أاخر واستعن به اذا راودك اي ملل او خوف او ياس فكل هذا من الشيطان فقط ...... و عذرا على الاطالة و التوسع.

عادل الكتالوني · 2012-07-08, 23:52

ربي يوفقك اختي الكريمة