|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
قاطو شوكولا ...يا عيني ..يهببببببببببببل ..خاص بالجلفاويات ..
 |
|
|
أدوات الموضوع | انواع عرض الموضوع |
2014-03-11, 11:03
|
رقم المشاركة : 1 | ||||
|
قاطو شوكولا ...يا عيني ..يهببببببببببببل ..خاص بالجلفاويات ..
السلام عليكم و رحمة الله و بركاته
هاد المرة جبتلكم قاطو رائع يصلح ديريه كيكة عادي و لا ديريه فون تاع تارت و لا دريه بشكل حصص فردية في لي مولات او حتى في لي مول تاع لي مدلان و التزيين انت و شطارتك المهم الذوق تحففففففففففة .. نتمنى تجربوه باه تدعولي    نبداو على بركة الله ... نضع كاس زيت و كاس حليب و كاس سكر و كاس الا شوي كاكاوو نخلطهم جيدا و نضعهم على نار هادئة و نحرك حتى نتحصل على مزيج لزج و ردي بالك ينحرقلك   و نضعه جانبا حتى يفتر في اناء آخر ناخذ صفار 4 بيضات و نضع فوقهم زيست تاع الليمون و لا فاني و نخلطهم اما البياض نخفقه مع قرصة ملح حتى يصبح كالثلج  هنا ركزي معايا مليح  نرجعو للخليط نتاعنا الي كان فتر او برد قليلا (المزيج اللزج ) و نحضر الاناء الي فيه صفار البيض و الزيست و في اناء اخر نضع 2 كيسان فرينة و 2 خميرة نوارة و مبعد بالتناوب في اناء البيض ناخذ من المزيج اللزج مثلا زوج مغارف و نخلطهم مع البيض تم ناخذ زوج مغارف من الفرينة و الخميرة و نخلط و هكذا حتى نكمل المزيج و الفرينة في اناء صفار البيض راح تتحصلي على هذا الخليط و يكون ثقيل نوعا ما  تزيدي دخلي في هذا الخليط بياض البيض الي كنت خفقتيه جيدا و تخلطي من اسفل الى فوق حتى تكملي الكمية الكل  و مبعد تحطيه في لي مولات او المول او كيم تحبي و دخليه للفور المسخن مسبقا على درجة 180 درجة و كي تخرجيه تخليه يبرد شوي و مبعد ديري قلاصاج شوكولا او القناش انا درت الشكولا و خلطت بنينة و دانيت  صدقيني راه يجي هاااايل و راح تتمتعي بذوق رائع و مذهل ما تنسيش فقط تدعي لينا دعيوة خير هههه 
|
||||
|
|
2014-03-11, 12:12
|
رقم المشاركة : 3 | |||
|
راااااااااااااااائعة بصح غيير بالشوية علييا راه الريزو بدا يروحلي في نص القااطو |
|||
|
|
|
2014-03-11, 14:23
|
رقم المشاركة : 6 | |||
|
رائعة اتحفينا دايما انا من متتبعيك الله يبارك على وصفاتك |
|||
|
|
|
2014-03-11, 14:38
|
رقم المشاركة : 7 | |||
|
الله يبارك يعطيك الصحة أختي نتمنى لك المزيد من النجاح و التألق
|
|||
|
|
|
2014-03-11, 19:12
|
رقم المشاركة : 8 | |||
|
يعطيك الصحة |
|||
|
|
|
2014-03-12, 00:51
|
رقم المشاركة : 9 | |||
|
يعطيك الصحة |
|||
|
|
|
2014-03-13, 14:56
|
رقم المشاركة : 12 | ||||
|
اقتباس:
اهلا بصاحبة السمو الفكري صح حنونة شوي هاد القاطو يحب التركيز  بصح و الله يستاهل ... شوفي ..كي تحطي الحليب و الزيت و الكاكاوو و السكر تخلطي غار بالفووا .............مزيج لزج 1 في اناء تفصلي الصفار .....الصفار تحطيه مع الزيست و الفاني 2 في اناء آخر بياض البيض مع قرصة ملح و طلعيه كي الثلج 3 في اناء آخر تحطي الفرينة و الخميرة 4 نجيو هنا للتخلاط تاخذي من المزيج اللزج مغرفة او مغرفتين يعني من 1 و تخلطيها مع الصفار يعني في 2 و تاخذي من الفرينة يعني 4 مغرفتين و تخلطي و مبعد تبدلي مرة من 1 و مرة من 4 طبعا في اناء صفار البيض حتى تكملي الكمية تاع المزيج اللزج و الفرينة يبقالك غار البياض الي طلعتيه زيدي كملي حطيه في المزيج النهائي و لكن من فوق لتحت ان شاء الله تكوني فهمتي ..جربيه و جيبيه نشوفو |
||||
|
|
|
2014-03-13, 21:17
|
رقم المشاركة : 13 | |||
|
مممممممم حبيبتي بارك الله فيك |
|||
|
|
|
2014-03-13, 21:40
|
رقم المشاركة : 14 | |||
|
شكون لي ما يحبش الشيكولا يعطيك الصحة |
|||
|
|
|
| الكلمات الدلالية (Tags) |
| ...يا, ..خاص, ..يهببببببببببببل, بالجلفاويات, شوكولا, عدوى, قاطو |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
ما تنسوش التقييم ههههههههههه
العرض العادي
