bavarois بنينة و ساهلة ممممم هادي التانية

oum ayyoub · 2013-03-04, 15:09

اولا لتحضير لاجينواز
4 حبات بيض
125 غ فرينة
125 غ سكر
للطبقة الثانية
500 غ فواكه حمراء تقدرو تبدلو ديري فراولة او اجاص
200 غ سكر
40 سل كريمة سائلة تكون فيها مادة دسمة 30 بالمئة تقدرو تعوضوها بشانتيي غبرة مع الحليب و اذا الشاتيي تاعكم فيها السكر نقصو لكمية السكر و ايضا نقصو للسكر ادا الفاكهة تاعكم حلوة
عصير حبة ليمونة
6 اوراق جيلاتين انا درت 4 غ agar agar هو عبارة عن جيلاتين نباتي

بالنسبة للطبقة الاخيرة تقون رقيقة
هي عبارة عن الفاكهة اللي خدمتي بيها و تكوني تركتي نصف كاس على جنب ما يعادل 22 سلل
2 غ agar agar او 2 اوراق الجيلاتين

طريقة التحضير
بالنسبة للاجينواز
في اناء اخلطي صفار البيض مع السكر حتى يصبح ابيض ثم ضعي الفرينة شيئا فشيئا و في انا اخر اخلطي بياض البيض حتى يصبح كالتلج ثم ضعيه غير بالشوية في الاناء الاول و اخلطي الكل من التحت الى فوق ثم افرغيب في صيننية تكوني دايرا فيها ورق الزبدة او تكون مدهونة و مرشوشة بالفرينة

ندخلها الى الفرن ساخن 200 درجة لمدة 10 دقائق او يمكنك ادخال سكين ادا وجدتيه ناشف يعني راهي طابت نزعيها من الفرن و اتركيها تبرد

بالنسبة لل bavarois
في اناء ضعي الكريمة السائلة طلعيها مليح شانتيي و لكي تصبح شانتيي متماسكة لازم ديري اناء به ماء مثلج و في الاناء التاني طلعي الشانتيي اتركيه جانبا او يمكنك ادخاله للثلاجة

بالنسبة للفاكهة انا استعملت فواكه حمراء مثلجة اطحنيهم جيدا ثم اضيفي عصير ليمونة كاملة ثم اضيفي 200 غ سكر و ااطحني الكل مع بعض انزعي من هذا الحليط مقدار نصف كاس كبير اي 22 سلل ما يعادل 220 غ و هذا لوضعه في الواجهة

بعدما طحنا الفاكهة نضعها في كاسرونة و نضع عليها 4 غ agar agar نخلط جيدا ثم نضعها فوق النار في الطبخة الاولى ننزعا من فوق النار و نتركها تبرد و لكن ادا استعملتم الجيلاتين فهو يختلف في الاستعمال

بعدما برد مطحون الفواكه نخطه مع الكريمة السائلة للي اصبحت شانتيي نخلط الكل جيدا حتى يصبح الكل بنفس اللون

بعدما بردت لاجينواز نحاول تقطيعها بالمول الذي سنضع الكل فيه

ثم نضع لاجينواز في المول سواء كان دائري او مربعا او مستطيلا و نحاول ان لا نترك فتوحات في الجوانب

ثم نضع الخليط فوق لاجينواز و ندخل المول في الثلاجة لمدة نصف ساعة او اكثر

بعد مرور نصف ساعة نضع النصف الكاس المتبقي من مطحون الفواكه في كاسرونة و نضع عليه 2 غ agar agar و نخلط الكل جيدا و نضعه فوق النار في الطبخة الاولى نبعده من النار و نتركه يبره ثم نضعه في واجهة ال bavarois و لكن بشوية ما تفرغوهاش في بلاصة واحدة انا لبارح كنت نهدر و ما ركزتش دارتلي حفرة صغيرة هههه و و بعدما جعلناها طبقة وحدة ندخلها للثلاجة
بعدما تجف يمكنك تزيينها

و هادي للي درتها في المرة الاولى

هذه الحلوى تستهلك باردة مازال ما نقطعها نستنا حتى يجي زوجي ان شاء الله
و شهية طيبة

zohaira · 2013-03-04, 15:15

شكراااااااااااااا اختي

oum ayyoub · 2013-03-04, 16:17

اقتباس:

المشاركة الأصلية كتبت بواسطة zohaira

شكراااااااااااااا اختي

العفو اختي

naiissou89 · 2013-03-04, 15:37

اين التكملة حبيبتي شكرا

oum ayyoub · 2013-03-04, 16:13

اقتباس:

المشاركة الأصلية كتبت بواسطة naiissou89

:dاين التكملة حبيبتي شكرا

كنت نكتب و وليدي الصغير كان عندي هو للي نقر على الكلافيي اعتدر اختي

ساندي 28 · 2013-03-04, 15:44

شكراااااااااااااااااااااااااااااااااااااااااا

oum ayyoub · 2013-03-04, 16:15

اقتباس:

المشاركة الأصلية كتبت بواسطة omnadjem.10

شكراااااااااااااااااااااااااااااااااااااااااا

العفو اختي ام نجم

بوعنينبة · 2013-03-04, 16:39

بارك الله فيك
انا عندي جيلاتين بودر كيفاه نستعملو

oum ayyoub · 2013-03-04, 16:46

اقتباس:

المشاركة الأصلية كتبت بواسطة بوعنينبة

بارك الله فيك
انا عندي جيلاتين بودر كيفاه نستعملو

و فيك بارك الله يا استاذنا
اذا جيلاتين نباتي اظن نفس طريقتي و الله اعلم لانني لما كنت بالجزائر اردت شراـ الجيلاتين و لكن البائع لم يعرف اهو نباتي او حيواني فلم اشتره