ارجو مساعدتي في اول طلب

fadilasor · 2014-12-03, 17:37

مساء الفل هدي اول مرة نطلب منكم طلب شريت ماشينة اندوسريال من نوع بورتاكس هدا وين ركبتها ميي مانعرفش كيفاش نستعملها حبيت نطلب منكم اللي عندها ماشينة تصورلي طريقة تركيب الخيط ماعرفتش كيفاش وتعطيني توجيهات بسيطة كيفاش نشغلها ومنين نبدا وربي يجازيكم

ام الطيب · 2014-12-03, 18:33

السلام عليكم
راني حاس بيك راكي مقلقة
اختي التوجيه عن بعد ماريحش يكفيك لأني جربتوا
لازم تروحي لأقرب خياطة او تكوين باش تتعلمي مباشرة
متحاوليش تنقرشي فيها بلاك تخصريها كيما عملت أنا

fadilasor · 2014-12-03, 19:04

والله اختي معك حق هكاك راني نخمم انا تان شكرا

mimimouni · 2014-12-03, 20:33

اولا مبروكة عليك ماشينتك الجديدة
ثانيا مالازمش تفتفي فيها لازم يكون معاها كارني guide باش تبعيه
او ارجعي منين شريتيها وسقسي لي باعلك على الكارني تاعها وكيفاه تمشي
ربي يسهلك

fadilasor · 2014-12-10, 19:59

بارك الله فيك اختي

سدرةالمنتهى · 2014-12-10, 20:15

الف مبروك على المشينة اولا
لي اقتراح موالفة ديرو اختي

اكتبي ماركة المشينة في اليوتيوب و تخرجلي الطريقة اللي تركبي بيها الخيط
اختي ماشينتها اكتشفت بزاف صوالح غير من اليوتيوب و شرح مفصل
ان شاء الله تلقاي شكون اللي يساعدك

fadilasor · 2014-12-10, 21:09

والله يااختي شريت ماشينة اسمهاportexوحاولت نكتب في اليوتوب لقيت سانجر وبرودر ولقيت اشياء كثيرة لكن مالقيتش كما ماشينتي