الجزء 186 من كوزينة واش طيبتي اليوم على المحبة و الوفاء مجتمعون وللكوزينة مخلصون - الصفحة 30

أم فاطمه · 2018-01-14, 10:51

شكرا اختي القبائلية على مجاملتك وكلامك الجميل هدي صفات كل النساء الجزائريات يتعبو باش يفرحو اسرتهم

أم يوسف2 · 2018-01-14, 11:03

صباح الخير عليكم
ام فاطمة حتى وانا غايبة مانسيتينيش دايمن تتفكريني

أم فاطمه · 2018-01-14, 11:12

صباح الخير ام يوسف الغالية على قلبي حبيبتي خيرك سابق. الحمد للله لي راكي بخير

RIMA.87 · 2018-01-14, 11:40

السلام عليكم اخواتي في الله،
كيف احوالكم و عايلتكم ان شاء الله بخير ،
هاد الايام مارانيش نصور ،
مشكووورة الاخت فيفي على السؤال ،الحمد لله رانا بخير و نشكرو الله على نعمه ،و بقى في بالي هاداك الخفاف ديالك ما شاء الله ربي يبارك فيك و في والدتك و المقروط لي حطيتيه تاع الاخت بحووورة ما شاء الله سخفتيني نديرو ،جربتو مرة و كانت نتيجة ما شاء الله،

ما شاء الله على أطايبكم المشهية اخواتي ،
ام هدول ،يعطيهم الصحة و ربي يبارك فيهم اموراتك على البيتزا و انت بصحتك ،
اختي القبايلية ما شاء الله عليك و على اكلاتك التقليدية الجميلة و الشهية و لي توالم اللمات العائلية ،
اختي ام يوسف نورتينا و ان شاء الله يكون تحسن اخوك .
ام فاطمة مشكوووورة على المسمن و بصحتك الخرجة و التسوق
اختي سعيدة ،حيوتة زيكة ،فضيلة ،غاليتنا ام رحاب ،يومكن موفق ،

RIMA.87 · 2018-01-14, 11:42

هادي بيتزا دارتها لبارح اختي ام مريم ،
هنا في الفرن ،

و هنا عند التقديم

أم فاطمه · 2018-01-14, 12:01

اهلاريما شكرا على السؤال رني لباس والحمد للله

البتزا تشهي صح فطورك

أم فاطمه · 2018-01-14, 12:11

صح فطوركم لبنات انا فطوري اللوبيا والبيض أملات نروح. نريح بقلي المسمن باش يتقهواه لك الحمد يا الله

.

.

انا هي رزيقة · 2018-01-14, 12:48

السلام عليكم و نهاركم سعيد و مبارك فحلاتي الزينونات ......فتحت على فطور ام فاطمة لي يدفي المصارن على قول نهولتي صديقتي لي راهي غايبة عسى المانع خير ان شاء الله ...... .....بصحتكم حنونتي و مطرح ميسري يمري و شكرا على المسيمنات الصباحية ربي يخليك لعائلتك تفشيهم كمان و كمان حنونتي ... و على الخفوفي تع اخت ريما ربي يباركلها في صحتها و في بنتها مريومة يا رب ....... حقا ريمة امانة بلغيها سلامي و قوليها زيكا معجبة بزاف بطيابها و الله عندو لمسة مغرية فعلا دون مجاملة ..... دون ان انسى طبعا كل الخيرات لي حطوها حبيباتي فحلات الجلفة الطيبات من بغرير ام هدولتي و بيتزا بنوتاتها الاممم و عشا يناير بنت خالتي حيوتة و الصدقة لي خرجتها ربي يتقبل منها يا رب و سفنج مولات الخيمة الجميل و بركوكس بالغرنينة تع لقبايلية ياي و الله سخفتيني يا روح مراد دوماج مكيش جارتي ......خخخخخ و خيرات سعيدة المميزة عندك لمسة ديكورية مميزة يا سعيدة و الله دون مجاملة باينة عندك طولة البال ..... خخخخ و ارشيف مريومة حمدا لله على سلامة امك حبيبتي ..... و شفت ثاني بلي دخلت اختنا ام يوسف شكرا كي طمنتينا عليك حنونتي و شكون ثاني يا ربي لاحظت غياب غاليتنا ام رحاب .... ان شاء الله تكوني بخير يا طيبة مطوليش علينا برك ..... و سحابتي و فضيلة صح فطوركم كامل حبيباتي

انا هي رزيقة · 2018-01-14, 12:53

حيوتة بنت خالتي يتوحشك الف خير يا احلى بنت خالة... و الله وليت معنديش الوقت خلاص مام الويكاند لي فات مرحتش عند يما ... الله غالب عندي نهار واحد نستغلو في الاشغال المنزلية التي لا تنتهي ... يعني لا كواليس و لا يحزنون ...... خخخخ هذا ميمنعش اني درت شوية بغرير اكسبراس باه الجيران يشمو ريحة شياط من داري ...... خخخخخ و مديت منو شوية لجاراتي و كيما قلتلكم يما ربي يحفظها يعثتلي طعام بالدجاج و الخضر الجافة و الحمد لله حمدا كثيرا مباركا فيه ...

انا هي رزيقة · 2018-01-14, 12:58

هذا هو بغريري الجميل و الحمد لله و هذا سفنج من عند جارتي ....انا مديتلها بغرير و هي مداتلي سفنج... تبادل هدايا يعني ..... خخخخخ

انا هي رزيقة · 2018-01-14, 13:02

و فيما يخص الطعام مصورتش لانو عندي في ارشيفي الجميل صور طبق الاصل تع العام لي فات ....

طيور الجنان · 2018-01-14, 13:06

صح غداكم حبيباتي غدايا كان عدس و الحمد لله.
دخلت على رزيقة و كلامها الجميل شكرا حبيبتي ربي يبارك فيك كلامك تاج فوق راسي.بصحتك الطعام من يد لميمة ربي يحفظها و البغرير بصحتكم و يعطيها الصحة جارتك على السفنج.
روح مراد اختي بصحتك البركوكس و الطعام ربي يدوم النعم.
ام فاطمة حنونة علاش نزعفو عادي جدا كل وحدة و ظروفها خاصة الدار و الاولاد راكي تعرفي المهم ربي يعلم نخاول ندخل قد مانقدر.
فيفي اختي صح غداك.
ام يوسف ان شاء الله تكوني بخير.
ريمة البيتزا تشهي تشهي العجينة تبان خفيفة اذا ممكن تكتبيلي وصفة العجينة تاعها و الشكر موصول لاختك الله يبارك عليها.

انا هي رزيقة · 2018-01-14, 13:08

اللهما لك الحمد حتى ترضى و لك الحمد ان رضيت و لك الحمد بعد الرضا .... متنساوش تهلاو في اروحتيكم يا بنات

Fifilondon · 2018-01-14, 13:23

السلام عليكم فرخت بدخول الاخوات ربي يحفظكم ام فاطمة روح مراد سعيدة ام يوسف رزيقة سعيدة شكرا لكم
اليوم عكلة عندنا على ذيم خرجت صبح دينا الفصعووون يلعب شبع لعب فكرنا بارا ودخلنا
دوك نغسلو باه يرقد شوي وانا نخممم واش نظير عشا ههههه حنا هكدا نقعدو غير نخمو واش نطيبو هههه

Fifilondon · 2018-01-14, 13:25

اقتباس:

المشاركة الأصلية كتبت بواسطة انا هي رزيقة

اللهما لك الحمد حتى ترضى و لك الحمد ان رضيت و لك الحمد بعد الرضا .... متنساوش تهلاو في اروحتيكم يا بنات

اهلا رزيقة نورت الكوزينة بدخولك ويا عيني على هظاك الطعام الله يبارك تحفة مصورة يسخف يعطيك الصحة يا الفحلة