الفلسفة - المنطق الصوري - شرح بالعامية

[pérah tova]

المنطق هو كيف يقوم الفكر نفسه
يعني كيفاه العقل يمد احكام صحيحة مع نفسه قبل ما تطابق مع الواقع الخارجي
المنطق هو مجموعة مبادئ و قواعد موجودة في عقل اي انسان بصورة فطرية وهي اساس تصويب العقل ارسطو هذا راح حلل العقل الانياني و وجد بلي طريقة تفكيره تخضع لهذه المبادئ جمعها و كتبها في قالب لغوي على شكل نظربات و مبادئ لا يجوز للفكر بدونها ان يتطابق مع روحو بمعنى يكون صحيح مثلا نظرية القياس لي دارها تقول انو كل انسان فان و عمر هذا انسان و بالتالي هو ثاني فان يعني يموت بموجب انو انسان وهذا شي يبانلنا بديهي بلا ما يقولو ارسطو ولهذا تعرض لنقد و انتقدوه فلاسفة كيما ديكارت هذاك لي دار الهندسة الديكارتية و الميتقيم الديكارتي هذاك الصامط ما كفاتوش لرياضيات لاح راسو فالفلسفة .. هه المهم هذا قال لارسطو ا خويا راك درت تحصيل حاصل و عاودت الهدرة وجاو فلاسفة اخرين كما ابن خلدون وي هذاك تع نثر العلمي خو الصامط ديكارت محبوش يخطونا هذا قال راهو منطق لغوي محدود يعني لغة تاعو قديمة ذرك كلش يمشي بالرمز اطور شوي ارسطو
و زاد جاه ابن تيمية قالو راك عيييتنا بيه راهو متعب للعقول و زاكي نجيب محفوظ قالو الرياضيات ولا المنطق تاعك هذا ودرهالي مره
المفيد جاو جماعة يحاميو على ارسطو صحابو وشبيكمميخليوهش وحدو ابن سينا طبيب تع عاشور العاشر و الغزالي لاعب المنتخب الوطني و كانط هذا وحد ميش من ميقري خخخ
لاعب المنتخب الغزالي قالهم مدوروليش بارسطو راهو عندو الحق كي دار المنطق انا منامن حتى واحد غير لا خدم بالمنطق
من لا يحيط علمه بمنط لا يوثق به
و قالهم المنطق هذا وسيلة نستخدموها فكامل العلوم و طبيب عاشور ابن سينا قال المنطق الة تعصم الذهن من الوقوع في الخطأ .. و الفرابي قال قواعد المنطق تقوم العقل و الساوي قال بلي تعود قوانين النطق الانسان يخير كلماتو يعني يتفحص الفاظه بدقة و ينقد روحو وحدو
ونتا وليت لقيت الحالة ولات صراع رحت كتبت في التركيب هدنة كي لقيت دعوا مخلطة و راه يدوروها عنف قوتلهم لالا بشوي برك الخاوة ارسطو منطقك مليح و جماعة ديكارت عندكم الحق لازم نعدلوه و هكذا جا المنطق الرمزي وهي الرياضيات ك حل لهذا الخلاف جمعت بين وش دا ارسطو و وش عارضو ديكارت ...
وهذا هو درس ابمنطق الصوري
ملاحظة شخصيات على سبيل التذكر و ليس الاهانة .. راهم عباقرة و شخصيات كتبت اسمها من ذهب و بسببها تمكنا من الرغد و العيش على هذي الارض القصد ترفيهي و تذكيري لا غير

[طيف الملاك¤اماني¤]

بوركتي يالميس شكراااا لكي حقا

[pérah tova]

المشاركة الأصلية كتبت بواسطة طيف الخفاشة السوداء

بوركتي يالميس شكراااا لكي حقا

[قبس من نور]

شكرا بارك الله فيك الاخت بالتوفيق

[〆 بٰٰاولو 乄]

Mrcccc
^^

[!~•عًــ سُــيّــدٍ ــلــيّ •~!]

مشكورة اختي
بصح وقيلا منقراوهش حنا ؟؟؟

[shino]

السلام عليكم
هههههههههه بارك الله فيك يعني جات فوقتها غدوا ان شاء الله عندي فرض تاعها
هيا انت و طيرلي ابن سينا تاع عاشور العاشر هههههه طبعت فدماغي
صحيت pérah tova على الطرح المفيد
ما عندكش موضوع كيما هذا على السؤال العلمي و الفلسفي و لا المشكلة و الاشكالية؟؟
كاش ما نحفظو من عندك
عموما صحيت بزااف بالتوفيييق...

[!~•عًــ سُــيّــدٍ ــلــيّ •~!]

المشاركة الأصلية كتبت بواسطة shino

السلام عليكم
هههههههههه بارك الله فيك يعني جات فوقتها غدوا ان شاء الله عندي فرض تاعها
هيا انت و طيرلي ابن سينا تاع عاشور العاشر هههههه طبعت فدماغي
صحيت pérah tova على الطرح المفيد
ما عندكش موضوع كيما هذا على السؤال العلمي و الفلسفي و لا المشكلة و الاشكالية؟؟
كاش ما نحفظو من عندك
عموما صحيت بزااف بالتوفيييق...

شوفي هنا
https://www.djelfa.info/vb/showthread.php?t=2108237

[pérah tova]

المشاركة الأصلية كتبت بواسطة !~•عًــ سُــيّــدٍ ــلــيّ •~!

مشكورة اختي
بصح وقيلا منقراوهش حنا ؟؟؟

نن تقراوها برنامج كيف كيف نورمالمون انا نتذكر جاتنا في الامتحان للفصل الاول

[!~•عًــ سُــيّــدٍ ــلــيّ •~!]

المشاركة الأصلية كتبت بواسطة pérah tova

نن تقراوها برنامج كيف كيف نورمالمون انا نتذكر جاتنا في الامتحان للفصل الاول

معرف ؟؟؟؟؟؟

[abir sweet]

hhhh ajbni a charh bzaaf merci khti

[المداينية26]

......................;

[Histidine~]

و منه نستنتج ان ديكارت يغير من ارسطو lol
+للتصحيح فقط كانط كان معارض لارسطو

[الاسكندر الاكبر]

واش نقولك بيراتوفا

نهار الاحد تقويم على عشرة نقاط في المنطق الصوري

جاء في وقته

احسدك على الحسنات التي ستاخذينها

بارك الله فيك:d

[pérah tova]

[QUOTE=الاسكندر الاكبر;3997711089]واش نقولك بيراتوفا

نهار الاحد تقويم على عشرة نقاط في المنطق الصوري

جاء في وقته

احسدك على الحسنات التي ستاخذينها

بارك الله فيك:d[/QUOTE
ههههههه بالتوفيق
و ادخل مواضيعي راح يفيدوك ان شاء الله