ماهو معدل طول فتياة الجزائر

[مشكلتي]

السلام عليكم كيف حالكم اخوتي اخواتي في الله .والله عندي شيء يؤرقني بعض الشيء وانا من جهة اعتبره ميزة خاصة بي .انا طولي ولله الحمد 164سم وانا في صدد البحث عن زوجة لي .لكن ولغرابة الموقف تقريبا كل الجزائريات تجاوزنا هذا الطول أو ربما بلبسون الكعب العالي ليزدادوا طولا ههههه فلحد الساعة لم اجد من طولها اقل من طولي الى القلة القليلة والحمد لله انا يعجبني طولي وشكلي جميل الحمد لله رزقني الله عملا وراتبي من أفضل الاجور في الجزائر لله الحمد وااشكر الى انني اريد ان اعرف كم طول تقريب لبنات الجزائر باش ندير cahier de charge dyali هههههه وارجوا اني كنت خفيف عليكم و بارك الله فيكم ورزقني الله واياكم .

[kacimo.samy]

ههههه يا خويا البس اديداس يكون عالي برك

مرة لبستو وقيست طولي لقيت روحي 1.83
وكي روحت نخدم في باسبور لقيت روحي 1.80 راحو 3 سم خخخ
هذا واش ننصحك هم بطالون ونتا باديداس خخخ
والله خويا طول موش عيب و عادي نعرف ناس قصار ونساهم طوال عادي
وعيش حياتكم وناس تدز معاهم

ربي يوفقك ويسهلك في مرة تولمك وتولمها
بتوفيق لك
بصح تديها قصيرة عليك والله تجي عيانة في زوج قصار ؟؟
جيبها طويلة نورمال

[سَامِيَة]

هناك من لم يجد مهرا
والآخر سكننا والاخر صحة
وأنت أكثر ما يؤرقك
هو طول الفتيات...
إن لم تناسبك الطويلات فابحث
في القصيرات
كثيرات هن من يحلمن بالطول
أم هناك طول محدد في مخيلتك..
ربي يسهلك أمورك
ويرزقك من فضله

[toulay]

وعليكم السلام ورحمة الله وبركاته
حوس برك مليح راح تلقى ان شاء الله
بالتوفيق

[ابو سليمان10]

سلام عليكم
اتفهم رغبتك في زوجة اقل طولا منك...هذا طبيعي حدا
و اقول لك انه توجد فتيات قصيرات ستجد ان شاء الله...فقط انتبه للكعب العالي...فجميع القصيرات يلبسنه

[first first]

انا نعرف شلة ممن هم بطولك او اقل كايي دو شاغج تاعهم فيه الا الطويلات دون اي تعقيد.

صحيح كل انسان وقناعاته هذي من رحمة الله

متتخافش القصيرا كاين خير وبراكة .

[{ حديث الوجدان }]

انت قيس على طولك ونحي حق الطالون تجيبها في الصواب

[الماسة النادرة]

عليك وعلى الميترة ههههه

[sarl02]

انت قصير وحاب اجيبها ثاني قصيرة ؟؟على الاقل خمم شوية في اولادك مستقبلا ..جيبها طويلة نورمال ..باه اولادك مستقبلا يدو من امهم القوام ومن عندك يدو الدراهم.

[mokhtaro]

السلام عليكم
بحثت في قوقل فوجدت مقاله في جريده الشروق تقول انه حسب دراسه عالميه اجريت عام 2014 فان متوسط طول الجزائريين هو
170 سم بالنسبة للذكور
159 سم بالنسبة للاناث

[ameleco86]

انا مع الاخ sarl02 نظن انو ماشي عيب تكون المراة طويلة شوية على الراجل هدا رايي المهم حاول تبحث عن من تكون زوجة وام صالحة لاولادك

[دفء المطر]

و من بعد كي عادت طويلة عادي
عندي عمتي طويلة بالاك 170 و راجلها قصير و الله ما تبان عليهم سورتو كي تكون ممتلئة

و الزواج ماعندوش علاقة بالطول و القصر الزواج مودة و رحمة و مسؤولية من الطرفين

ابحث عن ذات الخلق ربي يوفقك

[muslim girll]

اللهم وفقنا للقول السديد والعمل الرشيد

لست مجبرا على اختيار من انت اطول منها
يمكن ان ترتبط بمن هي في مثل طولك ..او تجاوزتك ببضع سنتيمترات ...
في الاخير 1 او 2 سنتيمتر لن يكون ظاهرا للعيان ولن يشكل فرقا!
فقط الزمها الا ترتدي الكعب العالي وهي برفقتك
والاهم ذات الدين
بالتوفيق

[HakimG]

لا يهم الطول ولا العرض .... المهم ان تكون زوجة صالحة

الله يرزقك اياها

[bssaitta]

لا مشكلة،خذلك حذاء. كعب عالي