الفوضى تحاصرني

[مشكلتي]

السلام عليكم اولا انا امراة متزوجة و ام لبنتين الاولى 2سنة و الثانية 2 شهر مشكلتي ان الوقت لم يعد متوفراعلما اني اعيش مع عائلة زوجي و المنزل بظابقين و انا المسولة على التنضيف و الطبخ جربت عدة حلول حتى اقسم الوقت للقيام بكل الاشغال لكن لم استطع فرجائي للنساء ان يعطينني نصائح من تجاربهن و شكرا

[ثلجَة]

السلام عليكم
أختي ألا يوجد من يساعد في أشغال البيت بما أنّك قلت أنّك تعيشين مع أهل زوجك؟
و على حسب قولك المنزل متكون من طابقين و هذا يحتاج الى جهد مضاعف ...
و مسوؤلية البنتين ... ان كنت تقومين بأشغال البيت بمفردك حاولي تنظيم وقتك
قدر المستطاع ... حاولي تخصيص أول أيام الأسبوع للأولويات
و ما تبقي اتركيه لعطلة الأسبوع
كان الله في عونك

[smile10]

ا

لسلام عليكم الله يحسن عونك أختي من جهة التربية ومن جهة أخرى مسؤولية البيت أنصحك برسم جدول رتبي فيه أعمالك من الأهم إلى المهم إلى الأقل أهمية

وأخدمي غير بلعقل وبالاكي على صحتك .. بالتوفيق

[نورسين.داية]

القاسم المشترك في كل الأعمال المنزلية هو الوقوف .........و هذه الوضعية جد متعبة للجسم بالتالي ركزي على التجزئة للعمل بمعنى مستحيل أن تقومي بكل العمل المنزلي في يوم واحد

و لا تنسي النهوض باكرا لأن من يقوم 10 صباحا لن يقضي شيئا كوني أكيدة ....................

بالتوفيق عزيزتي

[سَامِيَة]

والله ما هي ساهلة الواحدة براسها وما هيش قادرة ما بالك بالذراري و أهل الزوج والزوج ربي يكون في عونك ختي.
أهم نصيحة ختي نوجهالك بالاكي تنساي روحك وسط الخدمة تاع الدار....بالاك تفرطي في صحتك وجمالك وانوثتك....حتى تطيحي في مشاكل نتي في غنى عنها. ...متخليش روحك بحال البونيشة تظلي تجري وتلبي فالطلبات
....نعطيك حاجة برك خصصي وقت لنفسك ثابت يوميا طابو واحد ما يخرب فيه طبعا من غير الاهتمام بحاجيات بناتك. ...اهتمي فيك بنفسك قراي تجملي ديري رياضة وغيرو خاطر إذا مدرتيش كيما هاك تنساي روحك وسط الشغل...وتحسي نفسك كيما الآلة للعمل وفقط ونهار تتعطل حد ما يعبرها
روحي لقسم المنزل ومتطلباته كاين دورة تبعي معاها راح تستفادي كثير بصح يليق تركزي معاها وتصبري مع الوقت توالفي الخدمة المنظمة....متنسايش تحتسبي الخدمة نتاعك والتعب عمل لوجه الله إذا مقدروهش العباد ميغيضكش الحال وينحسبلك حسنات ..ربي يعاونك ويقدرك

[عسجدة]

بارك الله فيك
نصيحة مني حاولي اهتمي بنفسك
وبناتك وزوجك فقط لان الاشغال
المنزلية لا ولن تفيدك ولكن ستأكل
من صحتك فقط .

سلام

[فايزة1207]

انا اختي عندي منزل من طابقين و5اولاد وقاسمة الخدمة نخدم الضروريات كل يوم ونضيف كل يوم نخدم غرفة اوحاجة يعني يوم ركزي الخدمة التحت والفوق خفافي والعكس في اليوم الموالي
ربي يقدرنا

[kacimiahmed]

ربي يؤلف بين قلوب المؤمنين

[رندة.]

ربي يكون في عونك أختي، وكيما قالولك الاخوات ركزي على الضروريات فقط.

[linal]

ربي يفرج على كل نفس مؤمنة

[دكتورة حبيبة]

بكل بساطة نوضي بكري راكي تقولي بنتك صغيرة عندها شهرين رقادها مشي منضم علبالي كان عندي نفس المشكل نوضي بكري طيبي و أخدمي الصالدوبان مابيد ينوضو صحاب الدار وبناتك وأرقدي كي يرقدو بناتك وفاليل مترقديش حتى تخدمي الكوزينة وتوجدي واش حاب طيبي الصبح ومن الاحسن تخدمي الصالون فاليل متخليش التكركيب يغلبك اغلبيه أنت الحوايج ديريلهم يومين فالسمانة وحوايج البنوتات كل ما يكونو أغسليهم ميشدوش اليد وأهم شي سبحي سبحان الله والحمد لله و لاإله إلا الله و الله أكبر ولا حول ولا قوة إلا بالله قبل النوم ربي يعاونك

[اناناسة]

اختي الله يخفف عنك لم اجد ما اقول غير ربي يفرج عليك ....اسلوب حياة Superwoman مضني و لا تتحمله امراه الا و وهنت صحتها و كبرت قبل الاوان ...يجب ان تجدي من تعينك و تقسمي معها المهام غير ذلك صدقيني الخاسر الاول و الاخير هو انت و لا تستمعي لمن يقولون اين انت من نساء زمان لانه مبرر فقط يعلقون عليه اتكاليتهم ...ربي يفرج عليك