تعقيب-انصحوني

[مشكلتي]

السلام عليكم
اولا شكرا لكم على نصائحكم
وبالنسبة للحمل انا لست بحامل
وبالنسبة للاخ انا لم اتحجج بيُتمي لكن اردت ان أوضح ان ليس لدي من يقف في وجه زوجي
وربما انا لست بناضجة كما قلت لكن الحمد لله لم افعل شيئا يُؤذيهم كما فعلو بي
سأخبركم فقط مثال واحد عن تسلط امه على حياتنا وانتم اخبروني ان كان شيئا عاديا...هل يعقل ان حماة تذهب مع ابنها وزوجته لما يسمى شهر العسل؟هي فعلتها
شكرا لكم وان حدث اي جديد سأخبركم
لاتنسوني بصالح دعائكم

[nihal159]

ربي يفرج عليك أختي؛ مشكلة كيما هذي و وصلت للطلاق لازم توقفي فيها رجالكم لكبار؛ خوالك و أعمامك مجتمعين مش واحد ولا زوج؛ باش يعرف راجلك بلي عندك رجال واقفين عليك و يتعلم بلي الطلاق مش فالتليفون؛ الزمان لي وصلنا ليه ربي يسترنا.

[هشام 12]

يضحكوني اللي يحكو ع رجال كبار يوقفوا مع واحد مظلوم ما بقاتش هذي راحت بكري ما بقاتش صلة رحم واشبيكم كل واحد يغني ع راسو في وقتنا الاخت الكريمة انت اللي خيرت هذا الرجل وتعرفي اخلاقو باه ننصحك بالطلاق مكانش منها وغالط االلي ينصح بالطلاق من حكايه تاع انترنت كيما هاك ننصحك بالحوار وكظم الغيظ هاذي عجوز كبيرة راح من عمرها اكثر من بقى والطلاق مش حاجه ساهله ربي يسجي لحوال

[sun shin]

شوفي ي اختي هو كاين 2 قرار

الاول انك تنسايه اصلا وتقلعي صفحته من حياتك وتبداي من جديد

يا انك تخطي الخطوه الاولى وتوسطي يا عمك يا خالك ي خووك ي حتى اي رجل حكيم فلعايله.يتدخل ويشوف الحل كيفاه صاري.

خلينا نتعمقوا شوي ختي..
هل مشكلتكم الاساسيه هي ام زوجك يعني فقط بوجودها يكون تنغيصات ؟
هل زواجك من دونها زواج طيب ؟
هل زوجك يستحق تضحياتك في حال اردتِ الرجوع ؟
كيف هي احواله والتزماته مع المجتمع ؟
في حال نعم كملي اقراي ردي ...في حال لا ..نقول ربي يوفقكم للي فيه الخير ولا داعي تكملي تقراي ردي

لان لو فقط امه هي علقمه زواجكم ..من هنا نقولك ي ختي وش كثرهم العجايز الي مكرهين ام الحياه ...ولكن وش كثرهم النسا كذلك الي عرفوا بحكنه كيفاه يتعاملوا مع العجوزه بلاشي م يطيح القدر او توصل للطلاق ..
سعات ي اختي الصمت والترفع عن بعض اشكال هو الحل ..ولا اعني صمت وتهبطي راسك كانك مظلومه ويتيمه ولا حول ولا قوه لك ... لا صمت تع معندو مدخلك...
هو راجلك لو اعتبرناه مثالي وبامه يرجع اخس الناس ...يكون مدي كاسيط قبل الزواج بلي المراه تزن في وذن الراجل حتى تبعده ع ماليه ..
او يمكن مه انذلت او صرالها موقف فلاخ يحاول يثبت وعده ولو بتصرف احمق..

انا هنا نقولك ترفعي ترفعي ترفعي بعض السؤال افضل جواب عليه وش رايك نطيب قهوه ؟ وش حاب نتعشاو اليوم ؟ يوووه قالوا المسليل هذا مليح وابداي احكي ولو معلبلكش وش قصه المسلسل ...ابدعي ي اختي واديها من باب درء المفاسد. كيما حنا كل يوم نخممو في طبخه نتي خمميلك في رد باهي
مره ردك يكون بتسميطه..ومره يكون ب مفهمتش وش تقصدي ومره تع دهشه ومره تع بووه غاضني لحال ..يعني بالعربيه متديلهاش جواب ..
وراجلك لا تدخليه في قصايصكم...وهي اكيد تحكيله وتبهرهاله مليح ...
لكن انت لو سقساك وبدا يتنارفا...ادخليله بيها دايما من باب راهي حساسه بزايده وتتاثر...راهي مغبونه وتحتاج مساعفه...
يوووه يمكن انا مقصديش ونسيت درت كذا وهي غاضها لحال ... يوه انا كنت تعبانه ومسعفتهاش مليح ...وهكذا حتى يفهم بلي اكي تساعفي فيها واكي تعبانه كذلك وتلقايه بالشوي يهديه ربي ويبدا يتحنن
ونتي ثاني وبهري من عندك حتى يقتنع بلي مه راهي تبالغ قليلا وتحاول ان تدخل بيناتكم.. لكن مثلا بضحكه يوووه الوالده تاعك حنونه بزاف متقدرش تخليك ...ودخلي روحك فلنص باش يفهم بلي عنده زوجه مسؤوله منه وووووووووووو...... بدون ماتقيسي مه
لان التصريح يقتل ...والتلميح الراجل يفهمه تصريح ...امالاا العبيها عليها لعل وعسى يهديه ربي


ونتي ربي يهنيك ويوفقك ...ان شاء الله ردي مهوش جارح واعتذر لك
وربي يوفقك

[خالد عنابي]

خلاصة القول مازالني عند رايي تع الموضوع السابق

بعد الاهانة التي وجهها اليك لازم هو لي يبادر بطلب السماح ويرجع لجادة الصواب ويعمل دارو وحدو

ترجعي راح تكوني خسرتي درجات وقبلتي بالاهانة وبالتالي توقعي كلش

امو لن ترضى عنكي لانها تشوف فيك راح تديلها وليدها وماتفراش راح تبقى تقيسك كل خطرة

الواقع ليس يصلح فيه الحلول النظرية والمثالية التي يطرحها البعض والخرطي من قبيل " الطريق الى قلب زوجك يمر عبر امه "

ماكانش منها

[غزلانْ]

السلام عليكم


لا هي أمكِ لتمررها لكِ
و لا أنتِ ابنتها لتمررها لكِ
لهذا ما كان ينبغي لكِ تحديها و ذكر مرض ابنتها هذا ما زاد الحدة بينكما
و باتخاذك اليتم سببا لما جرى لك فليس بالضرورة يا أختي أن يكون
للفتاة أهل أب أخ... للسيطرة على الوضع فالمحتوى يكون في أن
هناك من يخجل و هناك من لا يخجل .
فلتأخذي بنصيحة
والدتك في كلتا الحالتين زوجكِ يعمل بعيدا كنتِ مع أمه و الآن كوني مع أمك . سبب المشكل
لعله لم يعتاد على أنه مرتبط لأنه يعمل بعيدا فلتنسي والدته و ما جرى بينكما هل زوجك
يستحق أن يكون زوجا و يتعايش بغض النظر عن والدته
بالتوفيق

[om_hadil]

اذا كان زوجك وحيد أمه،،،،،لازملك صبر أيوب ،،، و جهاد عظيييييييييم،،،،

نصيحة اختك الكبرى،،، زوجك في هاته الأيام الله يكون في عونه راه تحت ظغط كبيييييير،،،، من الاحسن تسكتي،،، لا تردي عليه،،،، خليه حتى يهدأ ، لانه في هاته الحالة لن يقدر على اتخاذ اي قرار،،،

[ام احمد اياد]

نفس المشكل الذي اعاني منه انا ربي يصبرك لانو صعيبه بزاف انو واحد يعكرلك حياتك ولكن نصيحتي لي انو مهما تهينك ام زوجك ماترديش عليها طاعة لزوجكمها قالت لكي ما تخليهاش تحكم عليك حاجه ماشي مليحه وتستخدمها ضدك مع زوجك وتخلقلك مشاكل بيها مع زوجك ربي يهديها