محتارة

[مشكلتي]

باختصار انا امراة متزوجة حدثت لي مشاكل كثيرة مع ام زوجي فقررنا الانتقال لمنزل منفرد لكن ام زوجي قالتلي لو تروحي ماتدخلي داري حتى في عزائي و انا ماندخل دارك فما رايكم فانا اريد تفادي المشاكل و ليس قطع الرحم

[خالد عنابي]

قوليلها ربي يسهل

[kacimo.samy]

والله العجب العجيب
يعني هم كبار لي نقولو عليهم جيلهم مليح و و
خرجو 000
لا حول و لا قوة الا بالله
قوليلها تهنية منكم المهم يكون ولدها موش كيفها برك

[majdi11]

اصبري عليها فلعل الزمان يغيرها وكوني الطرف الإيجابي في المعادلة

وانصحك ان تزوريها من حين لآخر مع زوجك بدون ان تعلم بقدومك حتى ولو سمعت منها كلاما جارحا فتحمليه

واحضري معك هدية يقدمها لها زوجك ولكن لا يخبرها انها من عندك الا بعد ان تخرجا من عندها

وحاولي ان تتوددي اليها قدر ما استطعت لأنها ستكون جدة أولادك وأم زوجك

كي لا تكوني سببا في شقاق سيحصل في العائلة وعقوق لا قدر الله ذلك

فان استجابت وارادت الاصلاح فهذا ما نرجوه وان كان العكس وركبت رأسها تكوني أنت ابرأت ذمتك الى الله

والله هو الموفق

[سَامِيَة]

أنصحك أختي أن تدخلي طرفا ثالثا وسيطا بينكم من الأحسن من عائلة زوجك وإن لم يكن هناك من يعتمد عليه فليكن من عائلتك شخص يكون له وزن في العائلة وهيبة والكل يحترمه بمعنى يعرف يهدر...يتكلم معها ويشرح لها جيدا الغاية من ضرورة استقلاليتكم عنها تفاديا لأمور أسوء في رأيي لا يعقل أن تتقبلي ما قالت وتذهبي دون أن تحاولي إصلاح الأمور هي قالت ما قالت في لحظة غضب ويصعب عليها لمكانتها أن تتراجع عن الموضوع وهي ربما تنتظر منكم أنتم أن تتراجعوا وتطلبوا رضاها. ..امنحوها القليل من الوقت واطلبي من زوجك أن يكلمها فهي أمه ورغم كل مشاكلها معك تبقى تلعب دور الأم الحنون على ابنها .. .هي تفعل ذلك زكارة فيك نتي...لا تجعلي تهورك ولا مبالاتك بما قالت يساهم في قطع الرحم بين الأم وولدها. ...وتفكري ختي الكبار كيما الذراري الصغار راسهم يابس وفيهم غير اللسان ما ينفع معاهم غير السياسة والتكلاخ. ..خرجي من الموضوع إذا كانت هناك حواجز بينك وبينها وكيما قتلك دخلو وسيط ومنحوها الوقت وخلي زوجك يقنعها بالشوية، بالتوفيق.

[sohaibdz]

الكراء سعرة مرتفع جدا وهي راهي تخمم على الابن تعها ... يعني ممكن تكون في لحظة غضب قالتا برك ...روحي انتي اطلبي منها السماح راهي اكبر منك وفي عوض امك ماراح تخسري والو بلعكس تربحي اجر عند ربي سبحانو و الدنيا هادي و المشاكل تعها ماش رايحين يودومو
بالتوفيق

[زبدة ذايبة]

بما انك رايحة تنتقلي مع زوجك وهو راضي على هذا الأمر

ماتحوسيش عليها راهي غير تهدر برك

روحي لدارك وابني حياتك من جديد

عجوزتك حابتك تعيشي تحت القبضة تاعها

وهذا الكلام اللي قالتوا هو الطلقة الأخيرة اللي عندها

ولو كان تبقاي معاها رايحة تمرر عليك حياتك

وماشي محال ينتهي بيك الحال إلى الطلاق ( لعجايز واعرين ولى عولوا على لعروسة)

روحي لدارك واحسنيلها ماستطعتي

هدايا ، أكل زيارات ،،،،،

ومهما كانت قاسية رايحة تعاود تلين

خاصة لو يرزقك ربي بالذرية الصالحة.

دعواتك.

[رندة.]

راهي تقول برك في لحظة غضب، وكأنها تهدد فيكم باش ما تخلوهاش وتروحو عليها.
احساس صعيب أنو ابنها يفارقها، يعني لازمها شوية وقت باش تتقبل الوضع وتتعود عليه
كونو ملاح معاها ودخلو طرف ثالث يشرحلها الوضع ويقنعها ويرضيها ويفهمها بلي رايحة تكون عندها دار ثانية تجيها في اي وقت..... راهو احساس اللأم برك .

[linal]

هل جربتي الحديث مع زوجك في الامر

او الحديث باللعقل مع حماتك

عليكي بالصبر و الدعاء