خبز بريوش و بيتزا كورني و لا اروع

زينب 83 · 2015-06-28, 01:29

[COLOR="Purple"][SIZE="6"]السلام عليكم و رحمة الله

جبتلكم اليوم وصفة بريوش رائعة و اذا تبعتوها راح تتحصلوا على اروع خبز بريوش مع الشوربة اممممممممممم

المقادير

كاس لبن دافئ ، ملعقة خميرة خبز ، ملعقة سكر ، ملعقتين لحظة ، ملعقة بودرة ماء زهر ، ملعقة صغيرة فانيليا ، ملعقة اكل عسل ،ًملعقتين اكل زبدة طرية ، بيضتين ، ملح ، فرينة درت تقريبا5 كيسان او اقل شوي المهم العجينة لاااااااازم تكون طرية و تلصق ، و اخيرا جلجلانية

و للطلي صفار بيض مع قطرات خل و بودرة ماء الزهر

أولا نطلعو الخميرة مع اللبن و و السكر حتى دير الفقاعات و نزيدو كامل المقادير ماعدى العسل و الزبدة و بودرة ماء الزهر

نعجنو مليح مليح و في الاخير نزيدو الزبدة و العسل و البودرة و نزيدو نعجنو حتى تولي عندنا عجينة طرية و تلصق
نخليوها تخمر مليح ثم نشكلوها كما الصورة او اي شكل اخر و نخليوها تزيد تخمر ثم نطيبوها في فرن سخووووووووووون مسبقا

عند الشكيل نرشو الجلجلانية من داخل تعطيه طعم رائع

ندهنوه بخليط الطلي

و هنا بعد ما طاب و الله خفة و هشاشة و ريحة و طعم و لا اروع

ملاحظة

الجلجلانية هي احسن حاجة تتماشى مع هذا الخبز احسن من السانوج و باقي الزرارع

بودرة ماء الزهر رائعة جدا جدا احسن الماء و ذوقها رائع و منكهة جدا متوفرة عند بائع الحلويات

بيتزا كورني امممممممم باهية و لذيذة

المكونات

اي عجينة بيتزا تكون ناجحة و الحمد لله راهم بزاف

انا درت كاس لبن ، ملعقة خميرة ، ملعقة سكر ، ملعقة حليب غبرة ، فرينة ، ملعقة صغيرة كيميائية ، ملح ، القليل من الزبدة
عجنتها و خليتها طلعت و اكيد العجينة تكون طرية و تلصق ، مباعد نبدأ التشكيل

الحشو
صوص طماطم خاصة بالبيتزا ، دبشة ، بهارات لي تحبو ، ثوم بودرة ، ثوم طازجة ، زعتر ، لحم مفروم ، فطر و تونة ، فلفل حار ، و جبن قطع و مبشور ، نطيبو كلشي حتى نولي عندنا صوص ثقيلة

و نبداو نشكلو بالطريقة الموضحة بالصور

في الاخير ندهنوها بالحليب و نرشو الجبن و قطع الزيتون

نخليوها تخمر و نطيبوها في فرن سخووووووون مسبقا

و هذي النتيجة

نسيت نقولكم لعجينة اطرحيها رقيقة جي احسن بزاف

الحمد لله حمدا كثيرا طيبا مباركا فيه

asmabba · 2015-06-28, 01:50

ما شاء الله روووووعة روعة ربي يحفظك

ام مهدي 03 · 2015-06-28, 02:21

ما شاء الله عليك اختى مميزة دائما
وصفتين فى القمة ربى يحفظك ويعطيك ما تتمناى
من فضلك نسالك اللبن تقصدى بيه اللبن ماشى الحليب ودافىء يعنى ندفيوه عادى شوية فوق النار

زينب 83 · 2015-06-28, 02:28

اقتباس:

المشاركة الأصلية كتبت بواسطة ام مهدي 03

ما شاء الله عليك اختى مميزة دائما
وصفتين فى القمة ربى يحفظك ويعطيك ما تتمناى
من فضلك نسالك اللبن تقصدى بيه اللبن ماشى الحليب ودافىء يعنى ندفيوه عادى شوية فوق النار

آيه لبن ماشي حليب و دفيه عادي فوق النار ، شكرًا غاليتي على الدعاء حتى انت ماشاء الله عليك مشاركاتك دايما راقية

عازفة الناي · 2015-06-28, 02:38

اممممممممممممممم واممممممممممممممممممممم واممممممممممممم
انا نعشق المعجنات وانتي زدتي عليا ههههههههههههه
راهم تووووب و تحفة
احلى تقييم

أم تسنيم 2017 · 2015-06-28, 02:49

ممممممممممممممممممممممم هايلين غادي نطبقهم ان شااااااااء الله هاذ الاياااااااام وندعيلك كل وصفااااتك روعة كروعتك

ام ساجد · 2015-06-28, 02:49

الله يبارك ويعطيك الصحة

ناهدوران · 2015-06-28, 03:27

الله يبارك وربي خليك

wahibaazel · 2015-06-28, 04:07

تسلم الايادي زينب ،ماشاء الله عليك

زهرة الريف* · 2015-06-28, 04:49

روووووووووعة روووووووووعة ربي يبارك فيك ويرزقك على تعبك بدون حساب
من نهار حطيتيه وهو بين عينيا وجا في وقته كنت نحوس على وصفةبريوش خفيفة ومافيها والو
بارك الله فيك وجزاك الله خيرا