فشلت نفسيا وجسديا كاني ميتة

[مشكلتي]

سلام عليكم
انا فتاة عمري 17 لست جميلة اني بيضاء بشرة بصح مريض منعيني عين اصغر من عين
ودائما صديقاتي يقولولي علاه دايرة هكا مراكيش شابة مع اني ذات اخلاق رائعة حتى رجال ويشهدون على ذلك دائما جيرانا يقولو ابي ابنتك عاقلة عمرنا مشفنا عليها شي
دائما كنت نجاوب عليهم هذو شيرات وليت نقولهم كمال لله وليت نجاوبهم والان دائما يقلو خطابة جاوني من يجو يسقسوني قلهم مجاني حتى واحد يقولو شكون باه يتزوج بيك مع اني نصلي نلبس حجاب دائما نمشي مستورة عمرهم ماقالو عليا بلي خامجة او كلمات شارع عمري مخرجت برى وكل يشهد على ذلك فقط مع اني لست جميلة يجرحوني والله ولات عندي عقدة موليتش نروح عند لافامي لان عندي اختي كبرى جمية عليا ودائما يقولولها بلي انت ملكة يقولها انت تركية ومن يجو عندنا يجمعو مع اختي يزعقو معاها وانا كلي مرانيش موجودة ماذا افعل والله غير كرهت والله مرانيش قادرة نمشي برى مع اني نعرف نجمع وبزاف لي قالولي شاربة عقلي حمد الله بصح كرهت هذا تفريق ولماذا علاه حسو بيا شوية وعندي عقلية جميلة ومد الله
والله مرات تمنية اني نموت ومنعيش ومنسمعش هذي هدرة لي تضر قلبي كنت صابر كنت دائما لي يزعق عليا واو يهدر كلام عليا ميعجبنيش نرد عليه لكن من وصلت لافامي مليت صاي كلي راني مية

[مراد سابقا10]

المشكل ماشي فيهم هوما المشكل فيك انت معندكش ثقة في نفسك نقولك العباد انتاعنا كي يحكموا عليك نقطة ضعف ديما يستغلوك مالا حتى انت كوني قوية الشخصية

ولي تبغى تتسمخر بيك واجهيها بكل صرامة حتى انت اجبدي عيوبهم اذا كثروا عليك من ملاحظاتهم .

[نجاة^^]

وعليكم السلام ورحمة الله تعالى وبركاته
حسيت بيك عزيزتي واش راح ديري مع هاد الشعب المعيق المعاق فكريا ،شوفي نت شغلتي روحك بيهم حتى مرضتي انا نقولك لازم تبني شخصية قوية تواجه بيها مثل هؤلاء ركزي على الإيجابيات اللي عندك ولازم ديري الثقة في ربي لانو الرزق يجي معندو ماش معندهم هوما كيما كاين ناس معجبتيهمش كاين اللي راح تعجبيهم صلي وادعي ربي يرزقك بولد حلال اللي راح يديك على جال عقالتك وكثري الإستغفار صدقيني يتحلو بزاف مشاكل ،اشغلي وقتك ،اقراي،اتعلمي حرفة ،اتفرجي فيديوهات على اليوتوب تاع تحفيز تشوفي الناس واش ناقصها كامل وهي عايشة لباس عليها،اخرجي من عالم الزواج لانهم راح يهبلوك بيه حتا يفرج ربي .

[abdel02]

أختي...
الدنيا دار بلاء والناس في زماننا أصبحوا يميلون للمادة والمظاهر،طغت عليهم السطحية في معالجة الأمور لذا أوصيك أن تتقربي من الله أكثر لأن من أرضى الله رضي عنه وأرضى الناس عليه و من أرضى الناس بسخط الله (ولو أنهم لن يرضوا عنك في كل الحالات) سخط الله عليه و أسخط عليه الناس والله الموفق.

[عثمان الجزائري.]

واش بيك هذا، تفسدين حياتك من أجل تافهين، أولا الجمال أمر نسبي قادر لي نشوفها أنا جميلة يوشفها غيري العكس،و الله سبحانه و تعالى خلق الناس و فرق بين ميولاتهم و حاشا أن يكون الله ظالم، كل خلق الله حسن و الأيام أظهرت و ستظهر أن الجمال لم يبني بيوتا بل هي الأخلاق، قد تقولين هذا كلام فقط فالرجال يقصدون صاحبة الجمال أقول لك و الله مخطئة إمشي في الشارع سترين كثير من المتزوجين قد تبدو لك الزوجة غير جميلة بتاتا لكن زوجها قانع بيها و يحبها لماذا؟ لأن الله وضع ذلك الحب قي قلبه و لا احد غيره، وصيتي لك ان لا تقارني نفسك بأحد و أن لا تهتمي بكلام أحد...ربي يرزقك الزوج الصالح

[ع.عيسى]

لي خلق ما يضيع ، لا يهمك كلام النساء ، عيشي حياتك وخلي الباقي على ربي ..

[محارب الحمق]

أجل فشلت نفسيا ولكن ليس جسديا فالجسد لا يد لك في كيفية خلقه. عليك أن تقوي ثقة بالله ثم بنفسك. لا أكذب عليك أنت في ابتلاء عظيم. من أكبر البلاء الابتلاء في الجسد خاصة وأنت شابة تريدين أن تكوني مرغوبة للزواج ككل قريناتك. ادعوا الله لك بالخير وبالزوج الصالح الذي ينسيك شكلك. أما قرينات السوء والكلام السيء فلا تلقي له بالا. اخطيكي من هدرة الناس ماتزيد ما تنقص

[وردتي اميرتي]

اثبتي نفسك بالدراسة فالعلم و الشهادة الجامعية هي اكبر سلاح للمرأة كوني قوية بالعلم. او بحفظ القران. ديري القلب و كوني فعالة في المجتمع .مازلتي صغيرة اذا ماكيش متعلمة في المدرسة اتعلمي حرفة و اثبتي نفسك فيها. خلي الكل يندهش منك خلي الكل تحكمهم المغلة منك

[رانية ة]

اختي اهتمي بالاشياء التالية لافوقها ولاتحتها
رضا الله والمحافظة على الصلوات
طاعة الوالدين وارضاء الناس
الدراسة الدراسة اهم شئ

اما عن الخطوبة فانتي صغيرة لم يحن الوقت بعد وصراحة الزواج ليس بالامر المهم هناك الاهم *حفظ القرءان وكثير من الاشياء

والله ا\ا احب عبدا جعل جميع الناس تحبه وتراه الافضل خليهم يعيبوا فلهم جزاءهم
+انه شكلك ارضي به كوني انتي ولا ترضي غيرك