تمديد مدة عقود ما قبل التشغيل - الصفحة 9

شذا الربيع · 2011-03-21, 10:32

والله أختي الكريمة كلنا نبحث عن إجابة لسؤال مثل سؤالك ولم نجد له إجابة في وكالات التشغيل قالو أنه لم تصلهم أية معلومة بخصوصنا لحد الآن

بادر · 2011-03-21, 10:40

أنا سقسيت كاين لي يقول بلي عندكم الحق وكاين لي يقول ماعندكم الحق المهم أنا ريحا لي مديرية التشغيل لي في الولاية نهار الثلاثاء نسقسي ونجيب الخبر الصحيح نشاء الله .

عبد الهادي قادي · 2011-03-21, 20:17

تم تمديدها الى 05سنوات في المؤسسات العمومية و 03 في المؤسسات العمومية الاقتصادية لكن خاصة ب مزال ما كملشي العامين او الجدد اما الي خدمو عامين قبل يروحو يشوفو مكانش تبرويطة جديدة
والله غير بايته فينا يا خاوتي

شذا الربيع · 2011-03-22, 09:27

وهل يمكننا الحصول على عقد من لاداس؟؟؟؟

بادر · 2011-03-23, 11:49

السلام عليكم رحت للولاية وقالولي ماعندكش الحق في العام الثالث المهم ربي ينوب علينا بالمنصب أحسن من العقد وربي يفرج على كل البطالين ونتمنالهم كل التوفيق

simson · 2011-03-23, 18:07

moi en tt cas meme si on me donne le poste au niveau de la police je ne le prendrai jamais car c'est un milieu pourri dsl pour le terme

حياة اية · 2011-03-23, 19:02

السلام عليكم
ارجو ان تفيدوني
هل فعلا يشترط السن في عقود الادماج
هل استفيد و عمري 38 سنة
واخر عقد لي في ما قبل التشغيل
افريل 2010

simson · 2011-03-23, 21:47

pour badr tu ouvre droit pr la 3 eme année bien sur si tu es dans une administration nous on nous a envoyer un ecrit disant quils doivent nous garder tous

ديدا 19 · 2011-03-25, 16:45

كامل تهدرو على البلاد البلاد البلاد و انتوما واش درتو للبلاد؟؟؟؟؟!!!!!!
خليونا نكونو واقعيين شوية البطالة راهي مشكل عالمي ماشي غير في الجزائر بصح الجزائريين و المتخرجين كامل يحوسو على العمل الحكومي و لا يريدون العمل عند الخواص مع ان الخدمة في القطاع الخاص راهي كاينة خاصة للذكور و ثاني معندناش عمالة اجنبية بزاف بصح حنا نحوسو على خدمة قليلة و سلاك مليح و ليفاكونس كثرمن الخدمة!!!!!!!!!! و في المسابقات ما يحفظوا ما يراجعوا و اذا راجعوا يقراو درسين او ثلاثة و يحطو في بالهم بللي رايحين يكوبيو (هادي كاينة منها بزاف) و مباعد كي ميربحوش يقولو معرفة و رشوة!!! صح كاينة منقولوش مكانش مره بصح ربي سبحانو يقول اعبدي اسعى و انا نسعى معاك....لاه منكونوش كيما اليابانيين و الصينيين اللي هما اللي بناو بلادهم ماشي البلاد اللي بناتلهم بصح الله غالب العربي يقعد عربي من المحيط الى الخليج:الاتكالية و لا ابداع !!

بادر · 2011-03-25, 21:30

السلام عليكم أنا صح نحب نخدم بصح الخدمة بالمكتوب أنا نحب بلادي ومانحبش واحد يخربها كون تتنحى المعريفه ويديرونه مسابقات كثير قادرين ننجحوا والله الواحد يقول الحمد لله خير من التخريب والحرب المجاهدين خسروا أرواحهم ودمهم على جالت البلاد وحنا نجيو في دقيقه نخربوها على جالت الكونتره كاين سياسة التحاور ندعيوا ربي يفرج علينا أمين ويحفظ بلادنا .

mehdi851981 · 2011-03-27, 11:55

نداء الى العاملين في عقود الادماج التابعين لمديرية الشؤوون الاجتماعية das
قمت بالاتصال بالامانة العامة للحكومة واكدو لي انه لايوجد مرسوم تنفيدي مكمل للمرسوم 127-08 الخاص بالادماج المهني التابع لوزارة التضامن اي انه لا يوجد تمديد في لاداس و يوجد تمديد في لانام

لذا اطلب من الجميع التحرك و الاتصال بوزارة التضامن الاجتماعي على الرقمين التاليين

021 44 99 46

021 44 99 47

والمطالبة بمرسوم مشابه لمرسوم وزارة العمل و التهديد بحدوث فوضى في جميع المناطق

احمد طاجين · 2011-03-27, 18:52

راكم تطلبو نورمال وين راهو حق الزوالية كيما حنا ولا احنا معندناش الحق في هدي الدولة الخدمة الوطنية فوتناها وليسانس جبناه والخدمة نخدمو ليل و نهاريقولو برك حسبي الله ونعم الوكيل و النساء وكان جات بيدي ماكاش مرا تخدم المراة مخلوقة للدار

mami jella · 2011-03-28, 02:31

رايحين يهلكوا الإطارات نتاع لبلاد بالعقود لي ما فيها حتى فايدة تخدم عامين وتخرج برا ولا زادو 5 سنين يسمى يعطولنا لا روترات وخلاص ، ربي يصلح احوال بلادنا نشالله.

samira 82 · 2011-03-28, 11:13

انا ما نخدمش في هاذ العقود نقعد في الدار ونتهنا ماشي قريت باش يصبروني ب1200

الحزين المبتسم · 2011-03-28, 11:18

اقتباس:

المشاركة الأصلية كتبت بواسطة ديدا 19

كامل تهدرو على البلاد البلاد البلاد و انتوما واش درتو للبلاد؟؟؟؟؟!!!!!!
خليونا نكونو واقعيين شوية البطالة راهي مشكل عالمي ماشي غير في الجزائر بصح الجزائريين و المتخرجين كامل يحوسو على العمل الحكومي و لا يريدون العمل عند الخواص مع ان الخدمة في القطاع الخاص راهي كاينة خاصة للذكور و ثاني معندناش عمالة اجنبية بزاف بصح حنا نحوسو على خدمة قليلة و سلاك مليح و ليفاكونس كثرمن الخدمة!!!!!!!!!! و في المسابقات ما يحفظوا ما يراجعوا و اذا راجعوا يقراو درسين او ثلاثة و يحطو في بالهم بللي رايحين يكوبيو (هادي كاينة منها بزاف) و مباعد كي ميربحوش يقولو معرفة و رشوة!!! صح كاينة منقولوش مكانش مره بصح ربي سبحانو يقول اعبدي اسعى و انا نسعى معاك....لاه منكونوش كيما اليابانيين و الصينيين اللي هما اللي بناو بلادهم ماشي البلاد اللي بناتلهم بصح الله غالب العربي يقعد عربي من المحيط الى الخليج:الاتكالية و لا ابداع !!

لفت انتباهي ردك يا أخت ... ولا أدري من أي موقع تتكلمين ؟؟ فان كنت من الذين يسر الله لهم فمن حقك أن تتكلمي بهذه الطريقة وان لم تكوني كذلك فقولك حق لكن: البطالة مشكل عالمي صح لكنه يتفاوت بين البلدان فهناك من يصرح أن نسبة البطالة 10% وهي فعلا كذلك وهناك من يصرح أن نسبة البطالة 10% وهي أكثر بذلك بكثير كحالتنا .. وقلتي العمل في القطاع الخاص .. فهل نملك قطاع خاص في مختلف الصناعات والتجارة ؟؟ لا أعتقد ذلك .. وفيما يخص المسابقات أتفق معك في كون قليل من يستعد للمسابقات استعداد كاملا .. لكن الحقيقة الجلية أن المسابقة الموضوعة يكون معدل المشاركين فيها بالمئات ان لم يكن بالآلاف وعلى اعتبار الناجحين 4 أو 5 أو ؟ ما مصير الباقين .. وقد يكون البعض مقصر في سعيه للعمل لكنه وجب على الحكومة أن تسعى لوضع خطط اقتصادية لمحاربة البطالة ..