اكلة شعبية جزائرية سوفية (سفة) من مطبخنا اكلة شعبية جزائرية سوفية (سفة بالحمص والدوارة)
المقادير: 1كلغ كسكس خشن اممكن تعوضه محمصة
500غ دوارة مقطعة قطع صغيرة او المقدار اللي تحبوه (ضان او بقري والافضل ضأن).2 قليل من الحلبة مشمخة او يابسة مغسولة جيدا ونظيفة
3 100غ حمص مشمخ/ فول اخضر ان وجد او يابس وشمخ /جزر وبطاطا مقطعة مربعات متوسطة او صغيرة حسب الذوق / لفت ايضا ممكن يضاف لمن ارادت
8 فاح (توابل ممزوجة)
1 فلفل احمر وفلفل اخضر حار(حسب الذوق)/ممكن نضيف حتى الفلفل الحلو
2 حبات متوسطين او حبة ونص كبار بصل مقطع متوسط/ راس ثوم مبشور (مهرس بمهراس الحطب افضل)/طماطم حب مقدار2حبات اكبار / قطع شحمة ضان او بقري
الطريقة....
الكسكس ..نضع ماء في قدر ثم نضعه على النار ليغلي باه نفور عليه الكسكس من بعد ما يسخن ......ثم نحط الكسكس في قصعة ونضيف له قليل من زيت الذرة ونرشه بقليل من الماء ونخلطه جيدا حتى يمسح الزيت والماء كل حبيباته ثم نتركه جانبا حتى يشرب ماؤه وينشف نفركه جيدا ثم نحطوه في الكسكاس ونضعه على القدر يفور مليح حتى يتغير لونه. ويظهر عليه ذلك بعد ربع ساعة تقريبا ثم ننزل الكسكس ونرجع نفرغه في القصعة ونقوم بفركه جيدا ورشه بمقدار كأسين او اكثر من ماء ساخن حسب الحاجة ونمزجه حيدا ونتركه يرتاح ويتشرب مليح ...ثم نأخذ الكسكاس الفارغ من الكسكس وننظفه من ما تبقى فيه ونضع فيه الدوارة المقطعة والحمص المشمخ والفول الاخضر المقطع لجزأين والحلبة والجزر المقطع ونضيف لهم قليل من الملح ثم ونحطهم على القدر يفورو الكل مع بعض مليح ونغطيهم ونتركه مدة حتى يبدا يهش الحمص وونحرك جيدا باه تتنفخ الحلبة وتطيب مليح...ولما يبدا يهش الجزر والحمص نزيد عليهم قطع البطاطا واللفت ولا ننسى نملحها شوي ونرجع الغطاء ونخليهم يطيبوا مع بعض....في هذا الوقت نرجع للكسكس اللي خليناه يشرب ماءه ونشوفوه اذا مزال يحتاج نزيدوه اذا اكتفى وتنفخت حبته مليح خلاص نزيدوه قليل من زين الذرة و 2ملاعق طماطم علب ونزيدله الافاح والثوم المهروس والطماطم الحب المقطعة والفلفل الحار احمر واخضر والحلو ان وجد وشحم الضان المقطع ونمزجهم حيدا مع الكسكس وتحكهم مليح حتى يتلون كله باللون بلون الطماطم بالتساوي وتخلط المكونات ونضيف الملح حسب الحاجة والطعم المرغوب ثم ناخذ قليلا من الخليط ونضعه في الكسكاس فوق الخضر الاخرى ونغطيه ولما يتبدل لونه ويضهر عليه انه طاب نهبطه كامل ونفرغه في القصعة (الجفن) او اي انا واسع اخر عندنا ونفركه حتى يبرد قليلا بملعقة كبيرة خشبية او حتى اينوكس لايهم...ثم نملاالكسكاس مرة اخرى بمزيج الكسكس الباقي ونحطه يفور على القدر وبعدما يكمل نحطه فوق الخليط المطهي الاول ونضيف قليل من زيت الزيتون عليه ونمزج الكل مع بعض جيدا سيعطينا رائحة جميلة جدا وطعم اجمل ومزيج اروع من رائع....نرجعوه للكسكاس حتى يحافظ على حرارته اللازمة ولا يبرد ونغطيه ونضعه جانبا ...وناخذ منه في صحن كبير ونزينه بالزيتون الاسود والفلفل المصبر معاها تحفة.....وبالهناء والشفاء
[