الرغبات في تعلم وصفة الحقيقية لكارنتيكا

yarasmin26 · 2014-01-16, 15:14

انظرا لكثرة الطلب على الوصفة اليوم نعطيلكم الطريقة لثاني مرة

وهي وصفة ناجحة 100/100 جربو ودعولي عن ظهر غيب
اليكن المقادير
كيس كارنتيكا من النوع الجديد {400غ} اذا لم تتوفر اشري عادي وفوتيها في السيار لمنع بعد ذالك الطبقة السفلية
2 لتر ماء+250 مل حليب+3 بيض+1 مص ملح+1/2 م ك لموطارد {هذا هو السر }+فنجان صغير تاع القهوة زيت
التزين"2 م ك زيت+ الكمون
نبدا على بركة الله "
سخي الفرن على درجة 200درجة
وديري سنوى النتاعك فارغة في الكوشة تسخن
وجدي الخليط انتاعك في ليان الحمص + الماء وخلطيهم مليح احسن بالميكسوغ والي معندهاش بالباتوغ ثم الملح وفي اناء اخر ديري البيض مع ربع لتر حليب وضربيهم مليح وزيدي فرغيهم+ لاموطارد +فنجان زيت ثم عاودي ميكسي الكل ثم اجبدي السنوى من الفرن لازم تكون سخونة وفرغي هذاك الخليط اعليهاوفرغي من الفوق 2 م ك زيت ومشيه بالفرشيطة اغطسيها في الخليط مثل الموجة وديريها اطيب 45 د من التحت وطفي ومن فوق حتى تحمار واذا الكوشة تشعل من فوق ومتحت احسن في 30 د تكون واجدة وغير تخرج من الفرن ذرذري اعليها الكمون {الكمون اذا درتيه في الخليط راه يعطي نكهة المرورة}
جربوها وردولي الخبر

ام مريم اسراء · 2014-01-16, 15:26

شكرا اختي يارا على الوصفة انا نزيدلها كيس خمارة الحلوى واش نقلك و كي ميكونش عندي لحليب نخلط معها 5 ملاعق كبيرة حليب لحظة غبرة

يعطيك الصحةةوصفاتك دائما ناجحة خاصة كيك المحلات رائع راح نجربها ب الخردل اكيد تطلع تحفة

acharifa · 2014-01-16, 16:14

مممممممم كالينتي هكدا نسميه بشمال المغرب ..ان شاء الله نجرب طريقتك

بشرى2008 · 2014-01-16, 16:25

44444444444444444444444

الصمت حكمة · 2014-01-16, 16:55

بصراحة وصفاتك نديرهم و انا مغمضة عينيا، رايحة نعتمد طريقتك ان شاء الله

yarasmin26 · 2014-01-16, 17:53

اقتباس:

المشاركة الأصلية كتبت بواسطة ام مريم اسراء

شكرا اختي يارا على الوصفة انا نزيدلها كيس خمارة الحلوى واش نقلك و كي ميكونش عندي لحليب نخلط معها 5 ملاعق كبيرة حليب لحظة غبرة

يعطيك الصحةةوصفاتك دائما ناجحة خاصة كيك المحلات رائع راح نجربها ب الخردل اكيد تطلع تحفة

لالا مديريش الخمارة هذه بكري عندها10 سنين كي كنت انديرهكذا باه اجي خفيفة حربي هذه الوصفة ورحمي اعليا اجيك روعة واحسن من غيرها

هند222 · 2014-01-16, 18:32

الله يعطيك الخير ياختي راح نجربها

بصح ياغالية قوليلي واش من ماركة مليحة باش نشريها ونطبق

وجزاك الله خير

ام مريم اسراء · 2014-01-16, 18:46

فعلا راني موالفة نجرب وصفاتم و كلها دقيقة جدا ربي يكرمك
لمرة الجاية نشري فرينة الحمص و نجربها ربي يبارك فيك حنونتي

fani09 · 2014-01-16, 18:57

الله يعطيك ما تتمناي

ام نينة 07 · 2014-01-16, 20:50

بارك الله فيك نجربها ان شاء الله شكرا على الوصفة

زنجبيل11 · 2014-01-16, 21:44

شكرا يارا ياسمين دونتها ان شاء الله نجربها

ريتاج تيارتية · 2014-01-16, 21:53

انا نديرها كيما انت بصح مانديرش الحليب وندير 2حبات بيض ونستعمل مركة تاع امين
بارك الله فيك حبيبتي كاش نهار نجرب الوصفة نتاعك وراني عارفة تجي هايلة

ام تقي وهبة · 2014-01-16, 23:14

رائع والله عندي مدة وانا ابحث عن وصفة حقيقية للكرنتيكا وجربت عدة وصفات وماصلحوليش
لن شاء الله نجربها في اقرب وقت

الجسم في غربة والروح في وطن · 2014-01-17, 01:57

shehal teweheshtha

serine31 · 2014-01-17, 02:09

شكراااااااااا حبوبة وصفة رائعة يعطيك الصحة