واش من قاطو نقدر نعملوا بعجينة البقلاوة

[ام مؤمن]

السلام عليكم

علابالي راكم لاتيين مع القاطو تاع العيد و سبق و حطيت استفسار و لقيت اجابة و مابخلتوش عليا ربي يحفظكم

خدمت عجينة الباقلاوة و كي كملت بقاتلي كمية كبيرة من العجينة واش من قاطو نقدر نديرو بعجينة الباقلاوة

باستثناء الدزيريات و القراوش و الغريبية المورقة او مايسمى باسكندريات الكاوكاو

من فضلكم اللي عندها اي وصفة تاع قاطو او رابط تتكرم عليا و تحطهولي

او تقترح عليا اقتراح فقط

و حبيت نسقسي اذا احتفظت بالعجينة حتى يوم الغد نحطها في الثلاجة اوى نخليها في المطبخ

و ماهي المدة التي استطيع الاحتفاظ بها دون وضعها في المجمد

و بارك الله فيكم اللي تجاوبني ندعيلها دعوة خير في هذه الايام المباركة و صحى فطوركم

[kakinova]

قاطو لي روشي اختي

و هاهي الوصفة نتاعي لكن للاسف الصور راحو

راهو ساهل خلاص و بنين يهبل و حتى ممكن تخدمي العدينة و تخبيها فالمجمد وقت ما جاك ضيف و نتي مش دايرة حساب ذوبي شطولا فقط و ممكن تضيفي مكسرات حسب الذوق

https://www.djelfa.info/vb/showpost.p...&postcount=209

[ام مؤمن]

المشاركة الأصلية كتبت بواسطة kakinova

قاطو لي روشي اختي

و هاهي الوصفة نتاعي لكن للاسف الصور راحو

راهو ساهل خلاص و بنين يهبل و حتى ممكن تخدمي العدينة و تخبيها فالمجمد وقت ما جاك ضيف و نتي مش دايرة حساب ذوبي شطولا فقط و ممكن تضيفي مكسرات حسب الذوق

https://www.djelfa.info/vb/showpost.p...&postcount=209

بارك اللع فيكي حبيبتي راكي فكيتيني

لي روشي انا متعودة نديرهم بعجينة الصابلي و نزيدلهم مكسرات و حلوة الترك و شوية عسل و شيكولة ذايبة و نلمهم

و الصراحة تفاجئت من عجينة البقلاوة راهي مبسسة بزاف و مادام جربتيها اكيد راهي تجي مقرمشة

راني رايحة نديرها على ضمانتك و ان شاء الله تكون النتيجة مرضية

راني نخليلك الدعوة لصلاة الفجر و ندعيلك دعوة خير حبيبتي باذن الله بارك الله فيكي

و مع ذلك تبقالي العجينة بزاف

نتمنى يزيدو يفيدوني الاخوات

و هكدا راني في الفايدة نزيد في قائمة القاطوات :d

[sabrina206]

أختي ديري بيها حلوة المناديل للشاف أم أماني أو الشامية تهبلللللل
كما تقدري تخبيها في المجمد و نهار تحتاجينها أجبديها بوقت و استعملها
موفقة

[ام مؤمن]

المشاركة الأصلية كتبت بواسطة sabrina206

أختي ديري بيها حلوة المناديل للشاف أم أماني أو الشامية تهبلللللل
كما تقدري تخبيها في المجمد و نهار تحتاجينها أجبديها بوقت و استعملها
موفقة

ربي يحفظك اختي حلوة المناديل راني فتحت موضوعها و نشوف فيها اما الشامية هل هي من وصفات ام اماني لم اجد الوصفة ممكن تدليني على العنوان بالظبط باش نبحث عليها

ربي يخليك اختي و دعوتك راهي محفوظة

[أم الحبايب 26]

مساء نور انا عجينة بقلاوا نديرها صا مصا جيك هال ا او مسمن الوار دا يجيوك هايلين
بصاحتك وصحا فطور ك

[anna glauben]

okheti diri chamiya

[إكليل]

تقدري تديري بيهم المشكلة

[مرام 92]

المشاركة الأصلية كتبت بواسطة أم الحبايب 26

مساء نور انا عجينة بقلاوا نديرها صا مصا جيك هال ا او مسمن الوار دا يجيوك هايلين
بصاحتك وصحا فطور ك

ممكن تقولينا واش هو مسمن الوار
اما بالنسبة للاخت اللي سالت ممكن تعملي بيها قاطو البجاوية لام رامي راهو هايل

[soussou1631]

4444444444444444

[sabrina206]

[CENTER]

أختي صح فطورك و الله يسلمك شوفي هذا الرابط تاع الشامية
https://https://www.djelfa.info/vb/showthread.php?t=1204465
و تقدري تديري بالعجينة حلوة السيقار في الفرن شوفي الفكرة تاع الأخت ryhem16 ألي دارتهم بالقطايف في هذا الرابط حلي الرابط تاع أخر وصفة

https://https://www.djelfa.info/vb/showthread.php?t=1593841

نتمنى نكون أفدتك أختي
تحياتي و ربي يوفقك

[ام مؤمن]

بارك الله فيكم جميعا و ربي يفتح عليكم في هذ الايام المباركة و يرزقكم من كل خير و يحفظكم من كل مكروه