تجهيزاتنا للشهر الفضيل

[رندة.]

ام هزار بالنسبة لقراءة القرآن من الهاتف او التابلات او الكمبيوتر، كنت نقرأ في السابق منهم في أيام العذر، بصح مؤخرا سمعت أكثر من فتوى تحذّر من الأمر هذا، وقالو أنو القرآن هو نفسه القرآن سواء من المصحف أو غيره، المهم أنا خفت وبطلّت القراءة منهم في أيام العذر، نكتفي فقط بالسور إلي نكون حافظتهم في راسي و بالأذكار و التسبيح.

[رندة.]

صباح الخير فراشات
جمعة مباركة للجميع، اغتنموها بالاكثار بالصلاة على رسول الله وقراءة سورة الكهف، صلة الرحم ولو بالهاتف، واتقوا النار ولو بشق تمرة.
أما الآن فأذكركن بصلاة الضحى صلاة الأوابين واكتسبي بها 360 حسنة ان شاء الله. يومكن موفق

[رندة.]

المشاركة الأصلية كتبت بواسطة جهينة اليقين

احكوا لنا كي فاش راكم تديروا مع الفطور ؟ هل راه يكفيكم الوقت ؟
الاكل تاكلوه كامل ولا يبقا لكم وكيفاش تتصرفوا اذا بقا لكم ؟
هل راكم تحاولوا ما تبذروش لانه شهر العبادة وليس شهرا للاكل ؟

مرحبا جهينة بالنسبة للوقت الحمد لله كافي وزيادة لأن نهار رمضان راهو طويل ونقدرو نلحقو على كل شيء خاصة لما انقصو شوية تحضيرات في الصباح، كيما التحليات والسلطات.
انا تقريبا مايبقاليش ياسر من الفطور ندير قيس قيس لخاتش زوجي ماياكلش البايت بتاتا، واذا كانت ماكلة ماكليناهاش نديرلها اعادة تدوير ماتقدرش نسخنها كيما راهي لانو ماياكلهاش وهذا كامل تفاديا للتبذير ورمي الأكل، ربي يغفرلنا جميعا ان شاء الله.

[ام هزار]

صباح الخير رندة و جهينة و قريوجة راهو قل العدد ما عرف لاه المهم جمعة مباركة حبيباتي و ربي يتقبل منا و منكم
بالنسبة للاكل و تحضيرو في رمضان الحمد لله كاين الوقت
انا كي العادة ما نطيب غير واش ناكلو لا زيادة و لا نقصان
الشربة ندير تاع يومين لانها تبقى دايما عايلتي صغيرة اما الطبق الثاني دايما خفيف و صحي قد ما نقدر و اكيد مع السلطات اللي غالبا تكون ورقية للامانة نطيب الشربة دايما بلحم الغنمي بلا ما نزيد الزيت و في الاخير لاااازم رشة ليمون يقولو انه يطلع الكوليسترول بصح مؤخرا قريت دراسة تقول انه هدا من فعل اليهود يعني من باب ما حرموا على انفسهم و القصة طوييلة العصائر طبيعي و السكر راني نقص منو قد ما نقدر
الاكل ما يبقاليش الا نادرا و حتى و ان بقى تتغدى بيه هزورة

[ام هزار]

رندة بالنسبة لقراءة القران في ايام العدر انا سمعتو من وحدة مدرسة للقران ة و زادت قالت انو يجوز نحفظ من المصحف في ايام العدر باستعمال الحااااااااائل هدا و الله اعلم
المهم قاعدة دع ما يريبك الى ما لا يريبك و كل واحد يدير واش يريحو حقيقة كثرت علينا الفتاوى حتى دخنا و اجرنا على اللله

[ام هزار]

قرويجة وصلني ردك بارك الله فيك و شكرا

[fairouzfairouz]

شكرا لكم جزيلااااااااااااااااااااااااااااااااااااااااا

[جهينة اليقين]

اهلا فراشات تقبل الله صلاتكم

[ام هزار]

اهلا بيك اختي فيروز معانا و رمضانك مبارك

[جهينة اليقين]

فالحقيقة بالنسبة للحريرة او الشربة ندير تاع يومين وتجي قيس ما نرميهاش
الخبز بالنسبة للمطلوع ما يترماش خلاص لاني ندير المتبقي فالثلاجة ونسخن فالطاجين يرجع جديد اما الخبز تاع الخباز نحمصو كي يبقا ونديرو لا شابليغ
مشكلتي الوحيدة فالجواز قد ما ننقص يبقى لان اولادي ما ياكلوش بزاف يحبو فقط المقليات والعصاءر والمقبلات
واحنا الكبار نحبو المرقة المهم راني نحاول قد ما ننقدر ما نبذرش والله المستعان

[جهينة اليقين]

اللهم صل ةسلم على حبيبناا محمد

[رندة.]

اللهم صلي وسلم وبارك على سيدنا محمد
اللهم صلي وسلم وبارك على سيدنا محمد
اللهم صلي وسلم وبارك على سيدنا محمد

[رندة.]

اغتنمو هذه اللحظات في الدعاء
صحة فطوركم وربي يتقبل منا ومنكم الصيام والقيام ان شاء الله

[جهينة اليقين]

مساء الخير صح فطوركم ربي يتقبل منا ومنكم سائر الاعمال العشر الاوائل انتهت فالهمة الهمة اخواتي فانها اياما معدودات اغتنموها

[ام هزار]

صح فطوركم فراشات
اللهم صل و سلم و بارك على سيدنا محمد صلاة لا تنقطع ابدا