الجزء 142 من واش طيبتي اليوم

[ام سراج وملاك]

ام عبودة يعطيك الصحة روائع واش حطيتي
ام جوجو زهرة الريف يعطيكم الصحة واش حطيتو
شاوية حرة على سلامتك اختي
ا تاجو كلامك عسل بصحتك المقروط ضحكت من قلبي ام ساجد هيا لي تخطط انا عاقلة ضك نحط قلاصاج نتاعك بصح منعرفش نعبر كيما نتي
لبنات لي طلبو لقلااصاج
شوفو اول مرة هبلت ام فاطيمة كي شفت تطبيقها لقاطو الترافل كي قاتلي نتاع ام تاجو بعثتلها رسالة هبلتها ومدتلي هذا لقلاصاج قاتلي كي عاد عرس ديري هذا خير هبلتها بالاسئلة خطراه اول مرة ندير قلاصاج في قاطو كنت نخافو بزاف بصح قررت اني نديرو في عرس خويا وطبعا كلي ثقة بام تاجو كثر خيرها عاونتني بزاف كثر خيرها وقاتلي ديري لقلاصاج بكمية قليلة باش ميبسش خاصة كي عاذ نتاع عرس ومدتلي لقلاصاج هذا جربوه على ضمانتي ومتخافوش فنجال زيت + فنجال حليب + فنجال ماء زهر واذا حبيتوه ذوق القارص تقدر ديرو فنجال عصير قارص القارص يكون مصفي في الصفاية والسر في هذا لقلاصاج مغرف صغيرة نتاع القاطو وطبعا تزيدو مغرف فاني ومغرف كبيرة منكه غذائي لوز لحلو طبعا تخلطوهم وتبداو تضيفو السكر الارطب لمغربل حتان تتحصلو على القوام المطلوب وفي الاخير طبعا تضيفو لملون لي تحبوه انا استعملت نتاع لقرع اما الملون نتاع الغبرة حلوه في شوي ماء زهروزيدوه صدقوني قلاصاج رائع يعطيها الصحة

[أم أماني وعبدو]

مساء الخير ام وابنة وش راه داير وليدك ان شاء الله غدوة مايزيدش يبكي راه مع الوقت يوالف
حبيت نقول لكم يعطيكم الصحة على طياباتكم روعة ماتتخيرش على بعضاها ماشاء الله
زهرة الريف كوزينتك كانت روعة ويعطيك الصحة اللي فتحتي لنا باب دارك واستضفتينا احسن استضافةمرت بسرعة خفيفة ظريفة
عشايا خفيييييييييف فريت اومليت وسلاطة وفاكهة كوكتيل
شكون رايحة تفتح الكوزينة الجديدة

[ام سراج وملاك]

رجاء الاماني اختي عندي وصفات هايلين نتاع قاطو بصح لللاسف لضك مدرتهمش مواضيع اذا تحبوهم بلاصور نمدلكم الوصفات كلما نقعد نكتبلكم منهم

[ام سراج وملاك]

زهرة الريف مشكورة اختي على الاستضافة ارائعة في انتظار وحدة شاطرة تحلها غدوة ان شاء الله ومتخليناش برة
نخليكم لبنات في امان الله تصبحون على خير

[أم أماني وعبدو]

وانت من اهل الخير ام سراج وملاك
تصبحن على الف خير ليلة سعيدة

[زينب 83]

ام اجود اهليييين و سهلين يا غالية توحشناك برشا برشا ههههههه، خليه حفوظي بعقلو ، الرسول عليه الصلاة و السلام قالنا علموا أولادكم الصلاة في سن السابعة و اكيد كاينة حكمة من هذا السن ، و الله ابني ما قرى لا تحضيري لا والو راهو متفوق ما شاء الله ، ربي يحفظهم يا رب ، و سلميلي على روزا و صلاة بزااااااااااااف

ام أنس الف مبروك البنوتة ربي يسلكك على خير انت و الغالية ام تاج و كاوكا و عقروبة و ام عبودة و كل الحوامل يا رب

ام و ابنة غاليتي ربي يخليلك وليداتك و تربيهم احسن تربية ، حتى انا المعلم تاعي في الابتدائي قالي لوكان عندي ثلاثة منك كون عاودت فتحت الأندلس ، يا ريت نرجعوا لهذاك الزمان و هاذوك المعلمين لي كانوا فعلا يشجعوا التلاميذ و يحبوهم في الدراسة ، طبعا مع احترامي لكل المعلمين

عزوفة حبيبتي ماتزعفيش مني راك تعرفي معزتك عندي الوقت سرقنا و اميد انا المقصرة يا غالية ، عذرا

حبيباتي كاااامل اطباقكم تحفة و عشواتكم اممممممم شهيتوني و شهاني مقروط ام تاج يهبببببل

اختي الريفية كوزينتك فاتت ما شاء الله شكرًا على سعة صدرك و الحمد لله انها راج تفرج على قريبتك يا رب ما يبقى احد مهموم في الدنيا

ام علاء شكرًا غاليتي على الترحيب ، ام سراج شكراااااااا على الإجابة

سماح عندها يومين مابانتش ، و ام اسلام ربي يرجعهم بخير و تذكرت ام ابراهيم و ام اماني