زوجتي الانانية

[النجمة القطبية]

شوف يا اخي انت مشكلتك الاساسية ليست والدتك لعدة اسباب
اولا انت رفضت رفضا باتا سكنها معك في بداية حياتك الزوجية وقد كان من باب اولى ان تنقلها من مقر عملها الى مقر سكناك مع الوالدة ولو انه من الواضح انه لم يكن احد شروطك وبالتالي لم يكن موضوع الوالدة ضمن اهتماماتك
ولا ارى ان مشكلتك الاساسية في عملها فمن الواضح جدااا انك كنت موافق ومشجع جداا لعملها ووضعها هل يوجد دليل اكبر من تركك لزوجتك في بيت ابويها ولقاءها في الاجازات فقط !!!!!!!! هل يوجد تنازل اكثر من هدا لو كنت مكانك لما وافقت متقوليش فقط هي ارادت بل انت من اراد بدليل نعتها بالانانية لانها رغبت في التواجد بجوارك وهو شعور كل زوجة محبة لزوجها !
وانت ايضا لست رجل محافظ بدليل ان الخروج مسموح في مقر سكناها وممنوع في مقر سكناك وهران !
وبالنسبة للوالدة ربي يحفظها ويشفيها انت تدكرتها فقط بعد ما حصلت على التقاعد يعني لما لم تفكر في الامر مسبقا بحكم انها مريضة بعدة امراض مزمنة كان من باب اولى الاشتراط على زوجتك هدا الامر مند البداية
اسفة على صراحتي قرات المشكلة مرارا ووجدت ان هناك حلقة مفقودة في المشكلة
احتمال انك حسبت حسابات لهدا الزواج مند البداية ومخرجش كما تصورت او انك لم تجد في زواجك منها ما كن تريده في الزواج !
ما هي نواياك الحقيقية ليتك تكون صريحا سيكون من الاسهل مساعدتك
هل تريد الطلاق ام تريد تسوية
ولنفرض انك فجاة بعد التقاعد تفطنت للامر واصبحت تريد التواجد بجوار الوالدة هنا يوجد عدة حلول اولها ان تكمل سكنك وتسكن في مدينتك وقريب من الوالدة وتشترط على الزوجة ان تدهب لخدمتها في اوقات متقاربة وتتناوب مع اخواتك اظن انه اسهل الحلول بحيث يعيش الجميع بسعادة
هدا لو كنت تريد حقا الاستمرار مع زوجتك ومتمسك بها ماشي تقول الحمد لله اننا لم ننجب اولاد
عموما الاخ فكر جيدا كلنا نبحث عن السعادة ومن حقك واتمنى لك ان تجدها ولكن احيانا تكون السعادة قريبة منا ولا ندرك دلك حتى نفقدها
فكر جيداا ولا تتعجل
بالتوفيق وربي يفتح عليك وعلى الزوجة بنعمة الاولاد

[تَـجــارِبْ ♪ ɷ]

بسم الله والصلاة والسلام على رسول الله

السلام عليكم ورحمة الله وبركاته
------------------------------------
عندي ملاحظات ممكن تفيد ان شاء الله تعالى

------------------------------------
1- أعتذر ولكن بعض الذين يطالبونك بطلاق زوجتك ربما هم غير متزوجين أصلا ويظنون الأمر سهل تطيش بنت الناس شري وبيع
2- بعض الذين يطالبونك بالطلاق وهم متزوجون لو اطلعت عليهم ممكن يديرو حرب عالمية ثالثة وما يفرطوش في نساهم
3- الزوجة يتيمة وإذا طلقتها واش يصرالها؟ اتق الله في اليتيمة اتق الله في اليتيمة
4- كما قال النبي صلى الله عليه وسلم، لا يفرك مؤمن مؤمنة إن كره منها خلقا رضي منها آخر
ممكن راك تشوف غير سلبياتها برك
قلب في بيتك تلقا بزاف أمور ملاح عماك عليهم الشيطان

ابليس حاب يتوج كاش واحد على ظهرك
5- ممكن أنت مقصر في حقها وهذا الاقتراح الأرجح عندي
أولا هي يتيمة وككل فتاة وبالأخص اليتيمة تسنا من الزوج بعض الإهتمام ينسيها فقد الأبوة
ثانيا هي دائما وحيدة

ثالثا ممكن راهي تطلع وتهبط مسكينة حابة الجنة تولي تحت أقدامها لما تولي أم
6- أنت ربما متناقض مع نفسك بشكل يربكها بزاف
في الاول قلت السكن وحدك ومنبعد حاب تديها لعند خواتاتك
قالتلك دين معاك (وباينة حست بالوحدة وجاوبنا وقتاش اخر مرة شريتلها هدية طيبت بيها خاطرها ) قلتلها ما نديكش ومنبعد حاب تديها
7- المرأة العاملة تحب يكون عندها بيت خاص بها باش واحد ما يحاسبها
مثلا اذا ما حبتش تغسل أواني العشا وتأجله حد ما يحاسبها

8- راك مقصر في حقها

دايما تهدر على أهلك وناسيها هي

وكتحصيل حاصل رايحة تتصرف بعدوانية تجاه أشخاص تحس انهم أهم منها
9- اعطيها فرصة
واطلب منها برفق أنكم تزورو الوالدة كل 3 أيام ضربو طلة خفيفة
(ومن الأحسن اذا كان مدخولك يكفي تدي العشا معاكم سواء هي اللي تطيب أو تشريو من المطعم باش ما يحسوش خواتاك انكم تقال وانها هي تجي وما تعاونهمش)


أعتذر على الإطالة لكنها قتراحات وملاحظات وانت خير واش يناسبك


10-الوالدة خلصلها الدواء واهدر معاها دوريا بالهاتف وسقسي عليها
ولما تروح برها وشريلها الفاكية والشي لي تحب تاكل او تلبس
11- نظن من الأحسن الأمر اللي في بيتك ما يعلم بيه حد حتى أهلك
أثني على زوجتك قدامهم خصوصا لما تكون هي معاهم
حاول وربي يسرلك

استر عليها قدام خواتاتك
واظن انك صليت صلاة الاستخارة قبل ما تتقدم ليها
اذا صليتها فالخير فيما اختاره الله تعالى
اذا ما صليتهاش صليها الآن بنية انك تكمل معاها او لا


12-راهي يتيمة وكانت تسنا منك الكير من الاهتمام وانت جاي تقولنا أنانية
أنت الأناني تخمم في واش يناسبك وخليتها مغبونة
13- العمل ممكن ما عندوش دخل كبير ولا المال

اذا أنت عمرك ما شريتلها علبة ياوورت طبعا رايحة تتمسك هي بالعمل تاعها على الأقل تقدر تشريها لنفسها بنفسها

(علبة الياوورت ذكرتها من باب الرمزية ونقصد اي شيء اخر بسيط يحسسها انها كاين اللي مهتم بيها)
14- المرأة العاملة تحب تخدم باش تحرق الوقت وتقهر الوحدة
خاصة إذا كانت ساكنة مع الأهل تحب تهرب لخدمتها تهرب من أمور يمكن انتم الرجال ما تقدروهاش لكن النساء حساسين من بعض + الشيطان..الخ
وانت وعدتها تخليها تخدم وان الوعد كان مسؤولا
15- كون تجبرها تحبس الخدمة
وتزيد تجبرها تروح لعند اهلك
بالمعنى هي عدوانية وتكون انت عدواني معاها تزيد تولي عدوانية كثر
راهي ربة بيتك ما تصدقش مين يقولك طلقها

زيد حاول واجرك على الله
16- احتسب اجرك عند الله
وان كان هذا هو المعروف بالنشوز فلك في القرآن حلول آآخرها الطلاق
17- صل صلاة الاستخارة
18- استعن بالله وأكثر من الإستغفار أكثر


19- أظن أنك مخطىء أكثر منها
استعن بالله لإصلاح بيتك وثق بالله وتوكل عليه لن يخيبك لن يخيبك

20- الزوجة أستاذة وتحت يدها تلاميذ بزااف والتلاميذ هوما عماد البلاد
واذا تبين انك انت السبب في تقهقر حالتها النفسية بسبب تقصيرك معاها
وهو الامر اللي يأثر على تدريسها نتوقع ان الإثم يقع عليك أكثر منها
رانا نسناو من كل الأسر الجزائرية يشجعو التعليم ويوفرو بيئة مناسبة للاساتذة باش يخرجولنا ولادنا كيما لازم
وانت واش من بيئة راك معيشها فيها


المهم: نهينا للخير

وربي يجيب الخير

[تَـجــارِبْ ♪ ɷ]

- شيء آخر وأخير نسيته
انت بديت الحكاية من 2012 وحنا رايحين ل2019
معناها انت راك تهز في خاطرك بزاف

وماتسامحش وتخبي في هاذ التفاصيل كلها وأكثر
وهذا راح يبان سواء اراديا ام لا اراديا في تصرفاتك

لذلك نصيحة لوجه الله :
اعف واصفح وتجاهل وتغافل وتغابى وتناسى

هاذي دارك انت حتى واحد ماراه لاتي بيك دارك انت
كن لين

وبالطبع الأمر بيد الله لكن اذا حاربت الأسباب المؤدية للطلاق ربي راح يعاونك سبحانه

قالت له: من يوم شفتك ما جانيش الخير
قال لها: وانا ما جاني الخير إلا يوم شفتك

[manil.didi]

اعانك الله ووفقك