كيف اتعامل مع زوجي

[مشكلتي]

السلام عليكم
مشكلتي هي ان زوجي مخبي عليا كامل واش يصرا في دار اهلو وكي نسقسيه على حاجة تخص اهلو يقولي ماعلاباليش ومخليني كالاطرش في الزفة بيه باهلو مايحكولي والو نسمع غير من عند الناس حتى اتفه الامور وهو كل اسراري وكل صغيرة وكبيرة تخصني يخبر بيها امو .
والله غير كرهت هذا التصرف انصحوني كيف اتعامل مع المشكلة .
علاه يعتبروني برانية عليهم من المفروض راني من العايلة والله تغيضني كي نلقاهم يحكو على موضوع كي ندخل يسكتو وكي نسقسي مايجاوبوني.

[هـــدوء]

عزيزتي و نتي علاه مهتمة بأخبارهم !
عندك زوج أسر تهتمي بيهم أسرتك مع زوجك و أطفالك و أسرتك مع أهلك باباك و يماك.
أما أهل زوجك يخصوه هو بيهم بأخبارهم .
علاقتك بيهم تكون في حدود الإنسانية و الإحترام فقط .
أما أسرارك لي يخرجها راجلك لازم تحكي معاه في الموضوع و تفهميه بلي أسراركم بينك بينو فقط .
و أهل زوجك ما تسقسيهم على الجديد ما تكسري راسك . بغاو يهدرو مرحبا مابغاوش بناقص .

[عثمان الجزائري.]

أعجبني كثيرا تصرف زوجك، و يجب أن تعامليه بالمثل هكذا كي تعيشوا في هناء و ما تعمروش راسكم بالمشاكل تاع أهلكم

[توحيد الجزائرية]

شيء طبيعي
انا 13 سنة زواج وللان اعتبر برانية لكن لا اسعى ابدا لتقصي اخبارهم بالعكس
هناوك هكذا تبعدي على الاتهامات وقلت وقلنا

[ام رقية74]

هذا هو حال الكثير ...و هو الافضل حتى لا تكونى طرف في اي حوار قد يصبح خلاف
ركزي على اسرتك ..و لا تهتمي للغير هذا افضل ...

[سيرين راجي]

سقسي على واش راه يصرى في دارك برك خليك منهم وكي تعرفي واش من فايدة تجيبي لروحك المشاكل برك افضل حاجة الي لاهي بروحوا ومتهني في راسو

[nilly]

بلاك راكي عروسة جديدة ومايعرفوش طباعك يخافو تخرجي اسرارهم

اما ادا كنتي عروسة قيدمة بلاك شي مرة خرجتي سرهم ولاو محاطين ولا بلاش كاش ماتهدري بسوء لراجلك على اهله وهو قال لاهله ولاو يكرهوك الله عالم

[رندة.]

ركزي اهتمامك على زوجك وأولادك، وما تبقايش أتبعي في أخبار أهلو وتقلقي في روحك، لأنو راح تجيبي لروحك الهدرة والمشاكل.

[العهد الرائع]

انو يخبي عليك أسرارهم هذاك شي ليس بالغريب لكن انو يخرج أسراركم هذا مفروض خط احمر لازم تحاربي ياش يوقف هاذي العقلية

[نبض قلبي]

خلاص مام انت ديري كيفو
و الحكاية هذي صح كاينة بزااااف
ربي يكون في العون

[hodayena]

انتي واش دخلك في دارهم متسقسي كي هو يسقسيك على دراكم رديلو بالمثل