اقتباس:
المشاركة الأصلية كتبت بواسطة سارة ايروكا
انا كيفك في 2015 تعبت حفظت حليت تمارين لدرجة اني مرضت
فالاخير رحت نعقب بمعنويات عالية على اساس ندي معدل يسمحلي بدخول كلية الطب
انتهت الامتحانات وانا كلي تفاؤل قلت سايي راني قريب نوصل
وصل نهار الاعلان على النتائج على الساعة 10 صباحا كتبت رقم التسجيل نلقا روحي ديت 13.98 حصلتلي خيبة امل كبييييييرة بزاف والاكبر كي شفت والديا غاضهم الحال شويا بالرغم من انهم ماحبوش يبينولي مي انا شفت لعينيهم حسيت بلي كانو متوقعين اكثر
فات الوقت رضيت بقشاء ربي لكن الحسرة مازالت في قلبي رحت سجلت في تخصص البيولوجيا وقلبي مقطعني خاطر نقرا في تخصص مانيش حابتو وماعلاباليش وين رح نوصللو
الدخول المدرسي فات عادي والحسرة شويا ماحسيتش بيها على خاطر فرحت كي قريت مع صحبتي في نفس القسم
وصل وقت التسجيلات للبكالوريا تع الاحرار راح بابا سجلني قاللي جربي حظك هاذي المرة فالاول ماكنتش حابة منبعد في جانفي جاتني الحرارة تع هاذي فرصتي الاخيرة لازملي نركز مع الباك لازملي نديه كيما نحب مالازمش نتخلا على حلمي من الصغر بديت نقرا للباك في نفس الوقت كنت نقرا للجامعة صراحة تعبت وصعيب تقراي من جهتين لكن الارادة ماخلاتنيش نحس بهاذاك التعب
عقبت الباك ومعنوياتي شويا طايحة
قلت كون نديه ب11 راني مليحة
كمل الباك نهار لخميس نسيت حكايتو
كي جات الاعلان على النتائج صراحة متتتتتت بالفرحة وماصدقتش بلي ديتو 15.60
اختي نصيحتي ليك ااذا شايفة هذا المعدل لي ديتيه ما يمثلش مستواك واذا شايفة روحك قادرة توصلي ننصحك عاوديه واذا عندك حلم حققيه ما تتخلايش عليه
|
انا احد ضحايا بكالوريا 2016 كنت متفوقة في الداسة تحصلت في الفصل الاول على معدل 14و الثاني 15 و الثالث16 و لكن تحصلت على 11في شهادة البكالوريا و انا على يقين ان هذي ليس علامتي و اريد ان اعيد شهادة البكالورياو ادرس في الجامعة في نفس الوقت و لكن افكاري مشوشة و لا اعرف كيف ابدأ بالمراجعة
اريد مساعدتكم و زودوني بالمراجع لدراسة