لماذا لست مرتاحة مع خطيبي

[مشكلتي]

سلام عليكم
انا فتاه 24 سنه مازلت ادرس خطيبي بنفس عمري ، وكان زميل لي
بعد تخرجي خطبني ، وعندنا 6 شهر خطبة ، وافقت على مضض
ولم ابالي ان كنت مرتاحة او متقبلة لهذا الشخص
فقط همني واهلي انه متخلق متدين ومجد ويشهد له الجميع بذلك ،وظنيت بلي شعوري هذا غير دلع بنات ، وامي قاتلي بلي مع لوقت توالفيه وترتاحي وهذ الاومورات يجو بالشوي ومع الوقت ،وبما انه في بداية حياته العملية ، والدي ساعده وكان همه شخص مناسب لبنته وشاف فيه هذا
المشكلة راها فيا انا ، مخنوقة من جهته جدا ، ونضغط على روحي ضغط. ، وليت نتظاهر السعادة وانا بعد اي هدره لقاء ولا محادثة نكره نفسي و حياتي ، منعرف علاه نشوف ليه بعين النقص ، نحسه مجرد طفل ولو انه مثقف وما قاسنيش بحرف وحريص عليا جدا
وانا كل هذا يزيد يقفلني مليح ، لدرجه وليت نهرب ننسحب ، ماش متحمسة لاي حاجة ، حتى جهازي معلاباليش فيه ، وغي دارنا داهشين ، وحتى منقلقهمش قتلهم اشرو على ذوقكم.
ولاحظ هو هذ وقالي هل في مشكلة بينا ؟ هل الامور بينا بخير ؟ منيش نحسك مرتاحة واكتفيت بقول لا، وهو غي يبذل من اجلي وخلاص وغي يعوض في مساعدات ابي
انا نفسي معلاباليش وش بيا ، ظنيت بلي مع الوقت تتبدل الحالة تاعي لكن غير نزيد نمرض ونكره
علاه انسان شبه مثالي متخلق ، مليار وحده تتمناه وانا لا
وليت اجد راحتي في الهرب والانعزال عنه وعلى اي حاجه تربطني بيه
لما لمحت لامي غي شوي قاتلي خاطر انتي ماش وجه نعمة ، عندها حق
هل شعوري طبيعي ؟
انا والله اسفة لنفسي وله ولعايلاتنا لي فارحين بينا
لكني هك الله غالب والله من قالولي خطبك فلان تقبلي ؟ تقلبت حالتي وقلت نخمم بعقلي ويكفي دلع بنات
اشيروا عليا بارك الله فيكم

[هـــدوء]

الزواج مش بالسيف ..
ماعجبكش عادي قوليهالو صراحة ..
علاه راكي تماطلي و تضيعيلو في وقتو ودراهمو !

[ع.عيسى]

الخطأ ليس في انك تشعرين بهذا الشعور ...الخطأ ان تتعايشين مع هذا الشعور الذي سيدمرك في المستقبل ...انت لا تريدين الزواج من هذا الشخص فانت لا ترين فيه زوجا مناسبا لك وهذا الشعور ليس فيه خطأ ..فكل ما عليك هو قول .لا .......لاتظلمي نفسك وتظلميه

[المطمئنّة]

السلام عليكم ورحمة الله وبركاته
أختي لا حلّ لكِ سوى صلاة الإستخارة عدة مرات
وفقكِ الله

[نجاة^^]

السلام عليكم
ننصحك اولا بالرقية ،والاستخارة
واذا مزال نفس الشعور تجاهو الاحسن تلغي الخطبة احسن ما تتزوجي وتندمي
ربي يفرج عليك ويسهلك ان شاء الله

[الرأي الاخر]

المرأة في مجتمعنا تحب الرجل القبيح والسيء الكذاب وتكره الرجل الطيب الصادق

[*أم سجى*]

كاين نقطة مهمة ذكرتيها في قصتك وهي خطأ فادح ترتكبه العائلات الجزائرية
ألا وهو تقديم المساعدة لزوج البنت وهو لم يتزوجها بعد ؟؟ومن هنا تبدأ إهانات الرجل للمرءة واستخفافه بها
وعليه اختي انصحي والدك باش يجبد روحو على الزوج تاعك وميساعدو في حتى حاجة.
بالنسبة لمشكلتك هي عدم الرضى بما كتب الله
كاين ناس راها تتمنى ربع رجل مش حتى رجل
ف
احمدي ربي

[سيرين راجي]

انا تبانلي راكي متاثرة بالمسلسلات بزاف وتامني بالحب الخيالي الي هو غير موجود
الرجل طيب وما فيه حتى عيب والمودة تجي بعد الزواج المهم سترة والدنيا فانية
اذا قعدتي تستناي الحب العاصف ما تتزوجيش طول حياتك احمدي الله انه جاك رجل
طيب اما اظا وصلت حالتك الى حد النفور صارحيه وبطلي احسن لكن حذاري تندمي

[kacimo.samy]

السلام عليكم

روحي ارقي هذا واش نقولك

[نبض قلبي]

اذا شايفة روحك ماكيش حابيتيه غير ماكالاه تضيعي ولد الناس يتزوجك من بعد تطلقو
و هو احتمال آخر انو بلاك كشما راكي باغية واحد اخر عليه و ديري في السبايب لروحك باه تنساي هذا و تبعدي عليه
ربي يجيب الخير

[مرام 2001]

حتى انا ابي وامي سيفو عليا نقبل وانا منحبهوش وهو اكبر مني وفرؤية شرعية شفني نبكي وقبل عادي

[Nour hane]

اختي ننصحك بزوج الاولى تروحي ترقي والثانية تكثري من صلاة الاستخارة وربي يفرحك ويكملك ماراكي طالبة

[المُعادلة الصّعبة]

اختي ربما مشكل رقية
رقي ..

اذا رقيتي ولقيتي ما بيك والو

وبقيتي مش متقبلاتو
فافسخا الخطوبة احسن ليكم الاثنين
ربي يفرج

[رندة.]

أول حاجة تديريها هي أنك تروحي ترقي روحك، وأمبعد صلي صلاة الاستخارة وان شاء الله ربي يفرج عليك وينورلك بصيرتك.