استشارة عاجلة

[نبض قلبي]

شوفي اختي موش شرط الجامعة اللي تفزد
هذي العقلية الي تقلقني لاه الكل يحسب البنت كي تطلع للجامعة هي اللي تضيعها.علاه ماتقولوش بلي البنت هي اللي قابلة للضياع.
انا نقرا في الجامعة و الحمد لله و جامي تجرأ طفل و جا كلمني على الرغم اني دايرا فرع كاين فيه زملاء في المهنة حاجة باينة
الطفلة لازم تكون عندها شخصية واحد مايتنفس معاها موش اللي يجي يحكس معاها طيح فيه.المهم
بنتك لادم تلقايلها حل في القريب لانها راح تبخص بروحها و باهلها
ثانيا تشوه سمعتها خاصة اذا الشاب هذاك راه يتمسخر بيها.
ثالثا لازم خطيبها يبدل طريقة التعامل تاعو معاها
يعني ضرك انتم لادم تحكو معاها بالسياسة ثال ماديريش هكا و اجبدي على هذي و و و راها تعبش في مراهقة الله غالب.الراس الخشين
و العرس اتمهلو فيه باه ماديرلكمش كاش بخصة
حتى لازم تقنعوها باه ديرو العرس
وش نقولك و دوكا يزيدو يعاونوك اهل الخبرة
ربي يعينك

[قطر الندى]

..... السلام عليكم ورحمة الله وبركاته ,, الواجب على الامهات الا يدعن ابنائهن وبناتهن يشاهدن المسلسلات اين رقابة الامهات ؟(اعلم ان جل من اعرفهن يشاهدن المسلسلات لكن ان كثر الامر لا يعني ان الله يرضاه ) , أمي ربي يحفظها كانت تخيلوا تمنعنا حتى من ان نطلب من زميل لنا في الدراسة ورقة او قلما كانت تحرص كل الحرص على الا نكلم الذكور وعلى الا نشاهد مسلسلات , فكانت تحرص على استجوابنا وتتحرى الامور رغم انها كانت ماكثة في البيت تراقبنا في كل لحظة وتوعينا في كل دقيقة لماذا حرم الله تلك وتلك , ربي يحفظها كانت تزرع فينا القيم وتقول لاخي بلاك يكلخولك وبلاك من ذيك والحمد لله ربي رزقها الحكمة , والله امي منيش نشكر فيها لانها امي والله هي بشهادة الجميع ام كيسة فطنة مهي متشدة لي تضيق عليك مي تخليك تحس بنعم الله في مرضاته , جعلتني ورغم انني ادرس في مدينة غير مدينتي اشعر وكانني بالقرب من منزلنا ولطالما قالت لي ربما يغيب عنك اعز الناس لكن الله دوما معنا , جعلتنا نستشعر مراقبة الله لنا في كل حين وكل دقيقة , بل الكل يشهد لامي بحكمتها والله كي تحكي معايا كون نصيب ندون كلامها فكلامها دواء بشهادة ليس مني فقط بل العديد من النساء ان لم اقل جل من يعرفنها ,,,,,,, هته الكلمات كتبتها لا لامدح نفسي او امدح امي فقط لاقول لمن يمر من هنا انه عندما تكون التربية صادقة فان الله يعينك على تربية ابنائك ,,,,,,,,,,وفي الاخير اقول لهته الام انه يجب عليها الحزم مع ابنتها خاطر البنت ظاهر انها فرزت في والديها وبلاك كي كانت معاهم كانت تتظاهر الامتثال لاوامر والديهالانه احيانا يبتلى الوالدان ببنت او ولد غير مطيع مثل اابن نوح الذي اعرض ان يأتي مع والده , لذا وجب عليها الحزم ومصارحتها ياما تزوج ياما تحبسها من الجامعة اذا بقيت في علاقات محرمة وتراقبها في كل الامور صغيرة وكبيرة وتبينلها بان الله لا يقبل امورا محرمة وعواقب تلك الامور وتقوللها اذا مرقبتكش انا فاعلمي انو الله يراها أينما كانت واحكيلها عاقبة العلاقات المحرمة قوليلها متشوفيش صحاباتك يضحكو وزاهيين اعرفي بللي لي دار حاجة مترضيش ربي فله معيشة ضنكى وانو المؤمن كي يتقي ربي يعيش رغد العيش في الدنيا والاخرة ,,,,( اذكر ذات مرة في الاقامة قلت لوحدة لازم تحبسي الهدرة مع ذاك الشاب او غيره نتذكر قالتلي شفتيني غير انا هاراهي فلانة وفلانةو وبلاك بزاف مشي غير انا قلتلها مشفتيهمش معظم لوقت مدابزين ويبكو ودليل هذاوقوله تعالى (ومن اعرض عن ذكري فان له معيشة ضنكى ) وربما الوحدة شافتهم يضحكو وبانولها عايشين مليح لكن لمخلصوهاش فصغرهم يخلصوها في كبرهم بكش ما مرض الله يعافينا لانو ربي حكم عدل , سئل احد المشايخ عن صحته كيف بقيت فقال لهم "حفظناها في الصغر" يعني حفظناها من المعاصي ) لذلك احكيلها وفهميها ووعيها قوليلها متشوفش صحاب المسلسلات ولي عايشين كيفهم ربي يقذف فقلوبهم هم تع المعصية وذل وحزن وحصرة وكيما يقال (ودت الزانية لو كل النساء زانيات ) والله ختي ربي يكون في عونك لازم توعيها وتفهميها عواقب الامور وانوربي مكنش احن منو وكي حرم حاجة الا وله في ذلك حكم ,,,وربي يفرج عليك

[nilly]

يادرا واش صرا زوجتوها ولا مزال.

[Salima2017]

المشكل لا في الدراسة ولا في البنت المشكل الحقيقي في طريقة تعاملكم مع البنت وكترة الخوف عليها حتى لدرجة تزويجها وهي مازالت ليست ناضجة فكريا. خممتو تكمل دراستها في بيت زوجها لكي تتهناو من مسؤوليتها كبنت و ترتاحو وتضمنو عدم حدوت مفاجئات ولكن المفاجئة للاسف حدثت في وقت حساس. الوقت تبدل والجامعة فيها اختلاط وهدا الاختلاط هو سبب العلاقات العاطفية بين الجنسين. يمكن الموضوع بدأ بشئ بسيط ككلام في حدود الدراسة ثم تطور الى حد التعلق. لو كانت البنت كبيرة تتحمل مسؤولية خيانتها لخطيبها وتبعات هدا الفعل. لكن الواقع في نظري أنها صغيييييرة على الزواج بكثيييير لذلك ماتعرفش قيمة خطيبها ولا خطورة مافعلته عاى نفسها ولا عاى خطيبها و لا عاى العائلة ككل. اجتنبوا فرض الزواج عليها وهي في هذه الحالة. بالعكس أجلو الزواج و برري ذلك بأنها لا تستطيع أن توفق بين الدراسة والزواج. وشوفي معها كان تبدلت. بلاك تتحسن الأمور مع خطيبها. ولكان بقات متمسكة بعدم الزواج فلأحسن فسخ الخطوبة لتجنب الأسوأ. لستي مضطرة لاخبار الناس عن السبب الحقيقي. سوف يتكلمون في البداية بعدها تنسى الحكاية. ربي معاكم.