السلام عليكم و رحمة الله و بركاته
انا فتاة عمري 16 غي كي دخلت فيها لدي منكم طلب نصيحتين
موضوع الاول: امي كل يوم تسوء حالتها نهار طول وهي في اكتءاب ديما تقول ناس تخدم لاخرتها وانا دنيتي مش عايشة فيها تقول والديها جابوها ف عمر كبير و خدعوها زوجوها لعاءلة متعرفش رحمة كانوا دايرين فيها غي لي ميصراش وهي تحملت على جال اولاد لكن كي كبرت انا طفلة وحيدة و خاوتي ذراري اعمارهم 21;23;24 معندهاش امل فيهم وهوما ميعرفوش كيفاش يغتنموا مواقف و يصلحوا رايهم خويا لكبير كان قراي هو انتقلنا الى ولايتنا حالية معادش مهتم بقراية دا في باك 7 وهو الان مقاجي في صاعقة ميعرفش كيفاش يصرف في مالوا غي لبستوا و كرشوا نتاجوا تزوجوا ويعاونوا ف بويانهم وهو يمدلنا غي قليل و يوعد و مينفذش خويا لي بعدوا يقرى تخرج راه يدير سطاج شرطة و بعدها يكمل ماستر كان قراي ثاني و دا ف باك 13 علما انه لم يضع اي كراس و يراجعه نهار طول وهو قاعد اقاربي قالولوا اخدم عدنا محبش يحوس يخدم مع صحابوا وبس وزيد ( مهم مصلحتهم واحنا خدامة عليهم ) خويا لي بعدوا يقرى مراسلة طلع هذا عام للثانية ثانوي غي بمساعدتي لانني كنت نقرى هذا عام اولى ثانوي علمي يخدم عند بن خالي حلويات هو لي شويه مخير فيهم يصرف ساعات على دار بابا منين يخدم خدمة يبطل بسبة الفضب هو دركي متقاعد وديما دايرنا تقشف لكن الحمد لله على نعمتوا لكن امي هي لي عقدتي حولتني مكتءبة طول كرهتني في حياة وزدت كي شفت مجتمعنا الان وطريقة تفكيروا لا حياة لمن تنادي همي نقرى و نولي نخدم و انا يما قنطة من رحمة ربي لكن متسمعليش نهاءيا ودايرتني صغيرة كي نقولها ونجبلها ايات وهكاك تقولي بركاكي من تفلسيف وهي كي مقراتش ماهيش تفهم عني هي حابتنا نقراو وتتهنى عنا الحمد لله عايلتنا اصيلة وكامل يهدروا عنا بخير طلبي هو كيفاه نحي هذا تفكير لي راه تفكر بيه امي بلي هي ماهيش عايشة و مكتءبة و حتى املها ف اخرة مكانش
موضوعي ثاني : الباك مزالوا عام ولازم نحظر روحي لكن مشكلة اخطاءي هي اخطاءي عدم تركيز انعدام ثقة و تشاؤم و حتى كرهت تنافس الناس معايا سواء يعرفوني ولالا كاين ما احسن مني لكن انا فقط علاه ديما يشكروك اساتذة ويحبوك وتعرفي تقراي وانا صراحة لقراية ومعدتش متمكنة فيها بسبب محيطي عاءلي وزيد عام لي فات كي كنت نعدي بيام نعدي ونبكي لانوا يما وبابا كانوا رح يطلقوا و من هذاك عام تبدلت وزايدة لاسوء كره تشاؤم ديما مقلقة في دار وكي نروح خالاتي نحس روحي اخر بشر ثقتي بنفسي 0
واتمنى تدعيولي بانوا تتحسن امور عاءلتي و يبعد عنا اولاد لحرام وبنات لحرام وفي امان الله