اولادي ض

[مشكلتي]

انا مرا مزوجة وكانخدم خادمة فلبلدية عندي 5 سنين زواج عندي وليد 4 سنين وسارة 5 اشهر مشكلتي هي ولادي مكنش ليشدهم عليا ولدي وليد مديته للحضانة بصح كي عاد ولا والولد مسكين ماشي كيما كان ولا يخاف ولا يتبول في ليل ماعلباليش شكا تديرله في الحضانة بصح بلاك كاتضربه ولا كتخوفه نحيته من ثما مديته لواحدة جارتنا زعما باش تربيهم بصح كي جبت عطلة الامومة زيدت بنتي سارة ونحيتلها الولد زعما ب حاجة طبيعية قعدت بدار شهر حيت انا نقعد 3 اشهر وزيد اختي كاينة معاياي تخدم عليا ومنو نريح منفعلهاش 4000 لتربية الولد قامت هي زعفت ومحبتش تديه بعد العطلة حصلت وين نديه الاخرين رفضو برسكو عندهم بزاف والاخرين موثقتش فيهم املا واش ندير حاصلة اهلي كيسكنوا بعيد ولاية اخرى واختي هادي لجات قامت بيا كتسكن في نفس ولاية لتزوجت بيها وهي مزوجة تانيت وبصح هي بدائرة وانا بدائرة بصح راجلي عنده طونبيل يعني يقدير يجيب ويرد بصح هي مقبلتش بالاول قاتلي بعيد وماتقدروش وتجيبهالي منا ومنا ومبعد قاتلي منقدرش برسكوا عندها زوج ولاد هي تاني صغار مع العلم ان ابنها الكبير يقرا واحد برك لتحت 6 سنين ومع دلك محبتش حتى اختي محبتش تعاوني قلتلها بدراهم رفضت ودركا راني لقيت واحدة بصح قاتلي عندك شهرين وخلاص برسكو لقات خدمة واش ندير مانعرف عاونوني

[ع.عيسى]

استقيلي وربي ذريتك احسن من ان يتمرمدو وما يترباوش كما يحب

[عثمان الجزائري.]

ما محل زوجك من الإعراب على حساب علمي الطفل هذا ما جاش بالبلوثوت !!!!!!

[نجاة^^]

ربي يعينك ...

[الملآذ]

السلآم عليكم
أين أهل الزوج؟ جدته‍ مثلآ ...
عمته...
أعتقد بأن الإستقآآلةة هي الحل الأمثل
أو ترك أولآدك عن أختك يتربو مع أبنآآء خالتهم

[نجوم الأمنيات*]

السلام عليكم
اختي زيدي شوفي حضانة اخرى لانو في الحضانة طفل صغير مستواه يتطور ومش هديك الحضانة مهيش مليحة يعني كل زيدي شوفي لانها راح تكون حلك الوحيد حسب الظروف التي قدمتها
ربي يسهلك

[نبض قلبي]

احكمي الدار ماعندك حتى حل
لانو يجي وقت تندمي كون يضيعو ولاذك
اذا كافيكم الحال احكمي دارك و ربي ولادك
ديري كبدئيا ايداع بالعام و شوفي حتى تستقر الامور
ربي ييعينك

[نبض قلبي]

احكمي الدار ماعندك حتى حل
لانو يجي وقت تندمي كون يضيعو ولاذك
اذا كافيكم الحال احكمي دارك و ربي ولادك
ديري كبدئيا ايداع بالعام و شوفي حتى تستقر الامور
ربي ييعينك

[nilly]

لانكم قبل ماتنخطبوا تكرهوا عجايزكم لو كان حبيتي عجوزتك ولا اخت راجلك من قلبك ول كان درتيهم صحاباتك دركا تلقيهام يربولك ولادك

انا اولادي عجوزتي لربتاهم وانا من بكري نسكن مع عجوزتي برغم البيت له طوابق الا انني اتواجد دائما معاها وهي صيدقتي المقربة والتي احبها كثيرا

[مرام 2001]

امي كانت تحطنا عند جدتي ام ابي وعمتي الكبيرة غير متزوجة اعتنت بنا

[المطمئنّة]

السّلام عليكم ورحمة الله وبركاته
أنصحكِ بأن تستقيلي من عملكِ وتتفرّغي لأطفالكِ، فتلك -والله- خير مهمّة للمرأة
الأم الحقيقية هي من تنجب وتربّي أطفالها

كوني قدر مسؤولية الإنجاب
أنتِ مسؤولة عنهم يوم القيامة
اتركي مهمّة توفير المأكل و الملبس على زوجكِ وابقي أنتِ في البيت لاحتضان هؤلاء الصّغار
أولادكِ أهمّ من كلّ وظائف الدّنيا وهم أحقّ بوقتكِ من أيّ شخص
لا أحد يستطيع احتواء الأطفال مثلك، من حقّهم أن يكبروا بجانبكِ
في غيابك قد يتعرّضون للضّرب أو الإهانة أو الإهمال...
فكّري جيّدا يا أختي ولا تقعي في خطأ قد تندمين عليه طيلة حياتكِ
أرجو من الله أن يسهّل أموركِ وأن يحفظ لكِ أولادكِ ويجعلهك من عباده الصّالحين...

[الرأي الاخر]

احذري الموت ولا الاستقالة . .الاستقالة انتحار

[أمة الرحمان رقيّة]

حبسي خدمتك
اولادك اغلى ما عندك
واحد مايقدر يحن عليهم كيما امهم
انت مسؤولة عنهم

لي حاتربيلك ولادك راح يحبوها اكثر منك ويتعلقو بيها اكثر منك
وانتي حا تنالي من امومتك الا كلمة ماما فقط

[om_hadil]

ابحثي عن سيدة تبقى مع اولادك في البيت،،،، المهم تكون ثقة و من معارفك ،،،،،كان الله في العون

[رندة.]

زيدي حوسّي على حضانة أخرى وان شاء الله ربي يفرج عليك و يوفقك