حلوى القلوب الحمراء..جديد في جديد

[ام رويدة]

عندي مدة ما طرحتش موضوع وهدا لانشغالاتي الكثيرة

المهم عيدكم مبارك وكل عام وانتم بخير ولو متاخرة

اليوم جبت لكم وصفة جربتها من الفيس كانت لصاحبتها الاخت سارة جزاها الله كل خير

يعني تقريبا ديت الفكرة والمقادير غيرت فيها تقريبا كااامل

المهم الحلوى خرجت تحفة بشهادة الجميع

المقادير
250غ زبدة .
نص كاس زيت.
كاس سكر قلاص.
بيضة و3 صفار..
نص باكي لالفار.
3ملاعق كبار كاكاو اسود.
3ملاعق كبار نسكافيه مذوبة في قليل من الحليب
فرينة حسب الخليط
ملاحظة انا هنا استغنيت تماما عن النشاء ... جربتها بيه وبدونه عجبتني بلا نشاء خير...لكن ممكن ضيفي 2 ملاعق كبار
نخدم الزبدة والزيت والسكر جيدا بالخلاط الكهربائي ثم نضيف البيض
ونواصل الخفق نصيف النسكافيه الكاكاو الخميرة الكيميائية واخيرا الفرينة ونلم حتى نتحصل على عجين طري

نحل العجينة بسمك نصف سنتمتر تقريبا ونقطع قلوب
ونطيبها

نحضر كريمة الزبدة
حوالي 200غ زبدة زايد كاس سكر رطب 2ملاعق عسل ونضرب الكل بالخلاط الكهربائي

ونضيف اي نكهة تحبو انا اخترت نكهة الفراولة

نلسق الحبات مثنى مثنى بكريمة الزبدة

ونغلفها بشكولا الحلويات ونضع عليها قلب

القلوب عبارة عن حلقومة مشرية يعني جاهزة

والصور توضح اكثر

مركز تحميل الصور







شوفوها من داخلممممممممممم




هنا عملتها في قهوة نفاس اختي






وهدي هي الحلقومة جاهزة للاخوات اللي استفسروا عليها

مركز تحميل الصور

وفي الاخير...اذا اعجبتكم تذكروني بدعوة صادقة لامي الحبيبة بان يشفيها الله ويعافيها ويحفظها لنا

ويحفظ امهاتكم ويرحم الموتى منهم.....يااااارب