مصادقة الشهادات في وزارة الخارجية كل الخطوات - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات الجامعة و البحث العلمي > الحوار الأكاديمي والطلابي

الحوار الأكاديمي والطلابي ساحة حوار عامة لمناقشة القضايا الاكاديمية وكذا طرح الأسئلة والاستفسارات والمشاكل الطلابية والاجتماعية والبحث عن الحلول والارشادات المناسبة لها....

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مصادقة الشهادات في وزارة الخارجية كل الخطوات

إضافة رد
 
أدوات الموضوع انواع عرض الموضوع
قديم 2017-07-25, 13:17   رقم المشاركة : 1
معلومات العضو
issac noway
عضو مجتهـد
 
إحصائية العضو










B18 مصادقة الشهادات في وزارة الخارجية كل الخطوات

السلام عليكم و رحمة الله تعالى و بركاته
هدا الموضوع تمنيت لو أني وجدته قبل أن اقوم بمصادقة الوثائق في وزارة الخارجية
فعلا فيه أمور لم أكن أعرفها و لم أجد مصادر لها و تمنيت لو الإدارة الجزائرية تضع مواقع خاصة للناس من أجل تعرف واش تجيب او واش ما تجيبش او إن شاء الله نكون سبب باش ما يصرالكم واش صرا لناس نعرفهم رجعوهم حتى لعنابة و ناس حتى للصحراء من أجل ورقة او أمر هكدا راكو تعرفوا الإدارة الجزائرية
راح نوريلكم كيفية مصادقة شهادة البكالوريا و ثلاث أعوام في الجامعة في و شهادة الليسونس في وزارة
الخارجية

لي يسمع من الوهلة الأولى المصادقة في وزارة الخارجية يجيه في بالو ديراكت مباشرة يروح لوزارة الخارجية و يكاشوها و السلام عليكم و إنما لا الأمر ليس كدالك
نأتي لشهادة البكالوريا و الكشف كيف تصادق عليهم
أولا هده الشهادات تابعة لوزارة التربية و التعليم تأخد شهاداتك الأصلية و تروح لوزارة التربية و التعليم لي جايا في ال GOLF
في المرادية .. طبعا كي تصادقها لتمة و عادة ما تطولش أشري لي تامبر تاع 20 دج كل ورقة باش تصادق عليها في وزارة الخارجية لازملك طابع تامبر تاع 20 دج سقسيهم وين ديرو ما تحطوش ديراكت ... في الشهادة ديالك هوما يقولولك وين ديرو ...تنبيه هاااام جدااا المصادقة على الوثائق يكون صبااااحاا فقط يمكن الوحدة يغلقوا خلاص و يقولك عاود ولي ..لدالك لإجتناب أي مشاكل يجب أن تتوجه صباحا .. قبل ما تروح لوزارة الخارجية لازم تدي معاك الهوية تاعك ولا جواز السفر و لا البارمي إجباري باش يسجلوك في الدخلة و تفاديا للمشاكل ... دوكا بعدما صادقت شهادة و كشف البكالوريا تقدر تحطهم عند المترجم يترجمهوملك و بعدين تشري لي تامبر مرة أخرى لكل ورقة و تروح تانيت لوزارة الخارجية تاخد معاك شهادة و كشف البكالوريا الأصليين لي صادقتهم في وزارة الخارجية مع شهادة و الكشف لي ترجمتهم و يصادقولك على الورق المترجمين الخاصين بالكشف و الشهادة عادي .... تنبيه لازم يكون المترجم معتمد لدى الدولة

الأن نأتي لشهادات الجامعة و هنا يرجى التركيز جيدا .... مثلا نقولو راك جبت الليسونس ديالك و عندك الشهادة المؤقتة ديالك و كلش ... أولا واش لازم دير تحكم كشوف السنوات دياولك الثلاثة مع الشهادة و كل شيء المهم لي مدتهوملك الجامعة و تروح للجامعة ديالك لواحد المكتب تاع authentification
في دالك المكتب الجامعة تزيد تصادقلك على الأوراق و الشهادات ديالك بعدما صادقت على الشهادات و الكشوف دياولك تتوجه بعدها لوزارة التعليم العالي المكتب الخاص بالمصادقة على الشهادات جاي في المدرسة العليا للتجارة تهبط في لاري تاع ITFC هوما يخدموا يومين في الأسبوع الإثنين و الخميس من التاسعة صباحا إلى الثالثة مساءا ...و ضروري تدي معاك السنوات الثلاث السنة الأولى و السنة الثانية و السنة الثالثة بالكشوف و كل شيء ... واحد السيد مسكين من سوق أهراس رجعوه لأنو جاب الكشوفات الأصلية تاع السنة الثالثة برك ... لدالك يا إخوتي جيبوا الكشوفات تاع السنوات الثلاث مع الشهادة و كل شيء .. راح تستناو بزف و راح تشوفو المعريفة لتمة كيفاش و كيفاش لي عندوا لكتاف يجوز و كيفاش انت تستنا من الثمنيا قبل ما يبداو للتلاتة مساءا باش تدي ورقتك ... وزارة الخارجية ما شاء الله تدي التيكي تريح تستنا جي دالتك جوز عادي ... اما في هدا المكتب تاع وزارة التعليم العالي باش تصادق فكااارثة كااارثة حقيقية لدالك لازم تبكرو يا خاوتي و المشكل تستنا حتى التلاتة باش يقولولك خصاتك كدا و كدا عاود ولي بلخميس راكو ا علابالكم و تانيت كيما قلتلكم أدي السنوات الثلاث بويسك ما تديهمش ما يقبلولكش ....بعدما صادقت الكشوفات و الشهادات في الجامعة و في وزارة التعليم العالي تروح لوزارة الخارجية و طبعا ما تنساش لي تامبر تاع 20 دج تديهم معاك لكل ورقة ... بعدما تصادق أديهم ترجمهم و بعدها نفس الشيء تاخد المترجمين و الأصليين لي كنت صادقتهم و تزيد لي تامبر باش تصادق الوثائق لي ترجمتهم
و هكدا راك فريتها

الأن أفتح قوس للناس لي ما مزال ما جابتش الشهادة ديالها مثلا راهم سنة ثانية و حب يصادق في وزارة التعليم العالي .. تقدر تصادق على كشوفك بالتأكيد لكن لازم تسقسي قبل كي تديهم للجامعة ديالك باش تصادقهم أطلب منهم يصادقولك في وزارة التعليم العالي و راح يصادقولك و تعاود تديهم و تروح لوزارة الخارجية عادي ,,, انا كي رحت باش نصادق عليهم في وزارة التعليم العالي بعدما صادقت عليهم في الجامعة قالولي انتوما تقراو في الجزائر العاصمة حطوهم في المكتب تاع authentification هوما يجيبوهومنا نصادقو عليهم ما وليناش نشدو على التلاميد الجامعة تاعكم هي لي جيبهم .. لكن لي خارج الجزائر العاصمة قاتلي يقدرو ... المهم انتوما سقسيو مليح مليح قبل ما تشقاو في المكتب تاع الجامعة تاعكم


و في الأخير نتمنى نكون فدتكم و هيأتكم و علابالكم دوك كيفاش ما تنساوناش بالدعاء

ربي يوفقكم و ربي ينجحكم

السلام عليكم








 


رد مع اقتباس
قديم 2017-07-25, 13:40   رقم المشاركة : 2
معلومات العضو
zari18
عضو مميّز
 
إحصائية العضو










افتراضي

ربي يحفظك على كل هذا التوضيح










رد مع اقتباس
قديم 2017-07-25, 16:01   رقم المشاركة : 3
معلومات العضو
elho-k
عضو مشارك
 
إحصائية العضو










افتراضي

بارك الله فيك ربي يحفظك على كل هذا التوضيح
فيما يخص الشهادات المؤقتة لليسانس و الماستر هل يتم المصادقة عليها ام على الشهادة الاصلية لليسانس و الماستر










رد مع اقتباس
قديم 2017-07-25, 16:10   رقم المشاركة : 4
معلومات العضو
issac noway
عضو مجتهـد
 
إحصائية العضو










افتراضي

اقتباس:
ربي يحفظك على كل هذا التوضيح

اقتباس:

بارك الله فيك ربي يحفظك على كل هذا التوضيح
فيما يخص الشهادات المؤقتة لليسانس و الماستر هل يتم المصادقة عليها ام على الشهادة الاصلية لليسانس و الماستر

شكرا على مروركم الطيب أخوتي الكرام

نعم يتم المصادقة على شهادة الليصونص المؤقتة عادي .. انا عندي شهادة مؤقتة هاديك الزرقة و صادقت عليها في وزارة الخارجية ...
بالتوفيق









رد مع اقتباس
قديم 2017-07-25, 16:55   رقم المشاركة : 5
معلومات العضو
elho-k
عضو مشارك
 
إحصائية العضو










افتراضي

بارك الله فيك فيما يخص شهادة الباك الاصلية هل يتم اخذها من الجامعة ام ان صور طبق الاصل تكفي من اجل المصادقة عليها
وشكررررراا










رد مع اقتباس
قديم 2017-07-25, 18:07   رقم المشاركة : 6
معلومات العضو
issac noway
عضو مجتهـد
 
إحصائية العضو










افتراضي

اقتباس:
بارك الله فيك فيما يخص شهادة الباك الاصلية هل يتم اخذها من الجامعة ام ان صور طبق الاصل تكفي من اجل المصادقة عليها
نعم بالتأكيد لازم الأصلية تروح تدير طلب إعارة لشهادة البكالوريا من الجامعة ديالك و تخلي بطاقة التعريف ديالك في الجامعة حتى نهار ترجع كشف تاع البكالوريا يعطوك بطاقة التعريف









رد مع اقتباس
قديم 2018-05-19, 12:46   رقم المشاركة : 7
معلومات العضو
MinaGrey
عضو مجتهـد
 
إحصائية العضو










افتراضي

السلام عليكم ، عندي سؤال
المصادقة تكون على الشهادة الاصلية بعد ولا الترجمة ولا الصور طبق الاصل؟
و كيفاه تكون المصادقة في السفارة من فضلك
لازم نمر على هاذ المراحل بكل ولا نقدر نصادق عليهم في السفارة مباشرة










رد مع اقتباس
قديم 2018-05-21, 11:22   رقم المشاركة : 8
معلومات العضو
knovel
عضو محترف
 
الصورة الرمزية knovel
 

 

 
إحصائية العضو










افتراضي

جزاك الله خيرا










رد مع اقتباس
قديم 2018-06-23, 09:12   رقم المشاركة : 9
معلومات العضو
ohayou81
عضو مشارك
 
إحصائية العضو










افتراضي

بارك الله فيك على كل هذا التوضيح










رد مع اقتباس
قديم 2018-06-28, 17:09   رقم المشاركة : 10
معلومات العضو
karim31mco
عضو نشيط
 
إحصائية العضو










افتراضي

شكرا على التوضيح










رد مع اقتباس
قديم 2018-07-13, 19:36   رقم المشاركة : 11
معلومات العضو
manil.didi
عضو مجتهـد
 
إحصائية العضو










افتراضي

شكرا على المعلومة










رد مع اقتباس
قديم 2018-08-09, 18:44   رقم المشاركة : 12
معلومات العضو
خالد خضيري
عضو جديد
 
إحصائية العضو










افتراضي

ارجو اخبارنا عن شهادة البكالوريا اجنبية ... ماهي شهادات ثانوية عامة اجنية ... الي عندو شهادة يخبرنا كيف تصل عليها










رد مع اقتباس
قديم 2019-06-23, 07:01   رقم المشاركة : 13
معلومات العضو
samtadjine
عضو مشارك
 
إحصائية العضو










افتراضي

انا صادقت عاى الاصليين لكني احتاج أن اصادق على نسخة منهم لارسالهم عبر البريد السريع للجهات المعنية فما الذي علي فعله؟
شكرا










رد مع اقتباس
إضافة رد

الكلمات الدلالية (Tags)
المصادقة, وزارة الخارجية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 19:11

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc