وصفات من حراير مطبخ وش طيبتي اليوم

[idron0]

الرفيس RIAD
جربي في صينية صغيرة برك
ثلاث كيلات دقيق متوسط
كيلة واحدة بسوس "انا درت زيت"
ملح بلي بالماء و ماء زهر
و ما تعجنيهش لمي بصوابعك برك
حطيه في الصينية و طيبيه في الفرن

لما يطيب ارحيه في الروبو و غربليه باه يجي قدقد
فوريه 3 مرات
المرة الاولى فوريه و حليه بالزهر
المرة الثانية فوريه و حليه بالحليب و الزهر
المرة الثالثة فوريه و حليه بالزبدة مذوبة مع العسل فوق النار ثم صبيهم على الرفيس
و حطيه في صحن التقديم و زينيه بالسكر قلاص و الجوز و اطراف زبدة يتكل مع اللبن

[idron0]

القطيفة yasmalak
200 مارغرين طرية مع كاس سكر قلاصي و زوج صفار بيض و نص كاس زيت و كاس مايزينة و زوج مغارف نوادكوكو و زوج مغارف كاكاو وباكي خميرة تاع الحلوى و لمي بالفرينة و العجينة تكون طرييية ديريها الاشكال اللي تحبي و طيبيها كي تطيب و تبرد غطسيها في المعجون و تكوني حمصتي شوية نوادكوكو و كاس سكر قلاصي و شوية كاكاو وغلفي الحبة بيهم و شبحيهم كيما تحبي .

إضغط هنا لرؤية الصورة بحجمها الطبيعي.

[idron0]

بيتزا yasmalak
تحطي 300 غ فرينة و300غ سمييد
و ملح و زوج مغارف كبار خميرة و 200 ملل حليب تخلطيه مع 200 ملل ماء و تدفيهم شوية
و تخليها تعجن وحد 5 دقاايق
تولي عندك عجينة طرييييييية زيديلها 2 مغارف زيت زيتون و اعجنييها شوية حتى تتلم
و تخليها تخمر
اومباعد خليها على شوية سميد و ما تخشنيهاش بزاااف
و الصوص تومات
انا نقطع حبة بصل شلخات و 4 فصوص توم و 5 حبات والا كتر طوماطيش نقسمهم على زوج و نزيد الملح و مغرف سكر و توابل و عود قرقة و رند و زعيترة وزوج مغارف زيت و كاس ماء و نخليهم يطيبو نص ساعة اومباعد نحي القشور تاع الطوماطيش يتنحى بلخف و الوورقات تاع الرند و نمسكيهاااا تجي بنيييييييييييييييينة
وندهن بيها العجينة و نطيبها في فور سخوووووووووووووووووون اومباعد نحط فوقها واش نحب و الفرماج و نرجعها دقايق برك يدوب الفرمااج



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

وصفة les beignets ام انس 69
500 فرينة
4 ملاعق أكل سكر عادي
2 ملاعق أكل حليب مجفف بودرة
1 ملعقة أكل خميرة خبز فورية
1 ملعقة قهوة خميرة حلويات
1 بيضة ..
فانيليا أنا درت ملعقة أكل فانيليا بودرة
50 غ زبدة أو مارغارين ذائبة
1/4 ل ماء دافئ
1 ملعقة قهوة و نصف ملح
للتزيين سكر قلاصي و للحشو مربى لي تحبيه أو نوتيلا أو أي شيئ آخر مثل كريمة باتسيير
طريقة التحضير
ضعي كل المكونات بالتدريج في العجانة و أخلطي جيدا حتى الحصول على عجينة طرية ماهي جارية بزاف ماهي يابسة
كوريها خليها تخمر مليح حتى يتضاعف حجمها ثم حليها على سطح مرشوش بالفرينة بالحلال على سمك 1 سم و قطعي دوائر متوسطة الحجم أنا إستعملت كأس ثم حطيهم فوق طرشونة مرشوشة بشوية فرينة غطيهم يزيدو يخمرو حتى يتضاعفو ثم سخني زيت على نار هادئة في وعاء غامق .. إستعملت كسرول ... و أقلي بثلاث حبات أو أربعة حتى ينتفخو و أقلبيهم و هكذا حتى تكملي ثم أحشيهم من الجنب ثم رشي عليهم سكر قلاصي

**هاذي المقادير تعملك 33 حبة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

كمونية عطر الذهب عطورة الزينة


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


الكمونية ندير كرشة ومصارن وشوي كبدة وقلب نبيتهم في ما وملح وخل وفرينة باش بخرجو بيض يبرقو
ومن بعد نغسلهم مليح ونقطعهم ونحطهم في الكوكوط بلا والو ونحطهم فوق النار هوما يطلقو في الماء وانا نبزعو وكي ينشفو نزيدلهم شوي زيت يتقلو شوي ونزيد حاشاك لبصل قيس نص بصلو رابي و5 او 6 سنات ثوم ونقلي ونزيد كميشة حمص ونص مغرفة طماطم مصبرة وشوي حشيش وملعقة افاح ونمرق بزيادة شوي ونغلق عليهم الكوكوط قيس 45 دقيقة وكي نحل اذا لقيتها مازالت المرق خفيف نخليها تخثار وقبل مانطفي نزيد مغرفة صغيرة كمون اخضر مرحي راهي تجي قاوية تدوخ وجدي معاها المطلوع وكاس تاي باش ينحي القوة نتاعهاوكوليها بالصحة ولهنا

[oum anas 69]

بارك الله فيك عزيزتي إدرينو على نقل الوصفات و نحبك دائما تدخلي تشاركيهم في الكوزينة حتى كتابيا فقط راكي عزيزة علينا

[أم ياسين الزهراء]

ادرينو بارك الله فيك

[idron0]

تتبيلة الدجاج ام ياسين الزهراء
قطعت الجاج ودرت عليه مغرف خل ومغرف معمرة موطارد وعندي توابل خاصة الجاج وفلفل اكحل وثوم شرائح وملح وزنجبيل وهريسة ودرت مغرف كرام فراش وادا ماعندكش ديري الرايب ولا ماديري والو وشوي زيت وخليهم يطولو في التتبيلو انا وجدتها الصباح وحطيتها في فريجيدار حتى امغرب وكيتجي طيبيهم ارمي كلش في المقلى راح يطيب الجاج على الاول في هديك التتبيلة حتى تنشف وتولي تتقلى اممممممممممممممم

إضغط هنا لرؤية الصورة بحجمها الطبيعي.

هنا في المقلة

[yasmalak]

البيتزاا ل malek nour han

صف كلية دقيق و نصف كيلة فرينة و فنجان زيت و ملح و خميرة الخبز و شوي سكر و عضمة و خميرة الحلويات وتلمي بماء دافي اعجنيها شوي وهي يابسة و من بعد ارخفيها شوي بالماء وادلكيها ديريها قرصات قيس البلاطو تاعك واطرحيها واثقبيها
صبي عليها لاصوص و الباقي باين... كي تخرجيها وهي سخونة رشيها بزيت زيتون أو زيت عادي

[أم ملك]

Les beignets لياسملاك حنان

500غ فرينة 2 مغارف كبار خميرة الخبز باكي خميرة كميائية كاس ماشي معمر سكر (فوق النصف) 2 بيضات كأس تاع شاى زبدة دايبة لفانى قرصة ملح و نلمها بلحليب دافي
نخليها تريح و تخمررررر ملييييييييح 3خطرات يعني كلما تخمر نعاود نهبطها و نخليهاتزيد تخمر اومباعد نحلها بشوية فرينة و تكون رقيقة شوية باش ما يجوش معجنين و نقطعهم دواير و نزيد نخليهم يخمرو مليييييييييييح
ونقليهم في زييييت سخوووون و على نار قليلة باش يطيبو من داخل و ما يتحرقوش
اومباعد نحشيهم بالمعجون و نرش عليهم سكر قلاصي والا نرمدهم في سكر كخيستاليزي

[بشرى2008]

yasmalk حنان زوجة امين هههههههههههههههههههههههههههه
الخبز

ملااك نورهااان بصحتتك الخفاااف وشراكي ريحتيي شويية ماتكتريييش لا تعشيي مباصية ههه
و الخبزساهل ماهل
5 كيسان فرينة و 2 مغارف كبار خميرة و 2 مغارف صغار ملج و2 سكر و 2 كيسان ماء دافي و تعجنيها 10 دقايق تولي طريية مي ما تلسسقش وخليها تخمر ربع ساعةاومباعد ديريهم كوايرات و غطيهم بطرشونة مندية وخليهم يخمروو
كي يخمرو شعلي الفور من فوق و تحت ديريه قاااااااااااااوي وحطي السنيوة و خليها تسحن معاهوابداي تحلي فيهم رقاق
و كل ما تحطي وحدة حطي فوقها بابيي ديري غير 3 فوق بعض ما تكتريش كي تكملي لوحي الخبزة الاولى اللي خليتها
و خليها تطلع وحدها و مالازمش تطيبيه بزاف باش ما ييبش قيسما ينشف دقيقة برك يوجد
ارفديهم بالبابيي اللي يكون تحتهم ماشي بيدك
بارسكو لي طراس تاع اليدين يخليهم ما يطلعوش

[بشرى2008]

ام عبودة وصفة البندراق



لبنات البندراق. مرقة كسكس مشهور في نواحي ورقلة وتقرت واظن بسكرة تاني
هو عشبة واسمها بندراق تمشي في الصيف برك نفرزوها عرف عرف ولازم نخيرو غير الصغار على خاطر الكبار. يكونوقاسيين ونقطعوهم رقيق في بلاد زوجي اللي متعرفش تقطعو يقولولها ماشي حرة. ههههههه
المهم بعد ما نقطعوش كي الدبشة او المعدنوس
نديروه في كسكاس ونغسلوه مرتين بالماء السخون باش تروح من التراب
ومن بعد نقطروه مليح نديروه في الكوكوت ونحطو عليه طراف لحم. ابل. او غنمي. ونحط الخضر بطاطا وسنينات ثوم. حبة طماطم مقطعة. وكابوية غير شوي برك حبة بصل وملح وكاس كبير زيت. وفلفل احمر وتغلقوا الكوكوت ونقصوا عليه النار حتى يطيب اللحم وتنشف المرقة على خاطر ما نديروش الماء وهو في الاساس يطلق وحدو الماء نفتحو الكوكوت ونحو اللحم. ونحكمو نمرسو الخضرا غير بالمغرف الكبيرة او اللوش
ونزيدو شوي ماء كوكوت كبيرة نديرو لتر الى لتر ونص ونرجعوه للنار يعقد وكي نطفو نرجعو اللحم طايب و ونزيدو الفلفل الحار
والكسكس تاعو. غير نفوروه ونملحوش ما نديرولو لا زبدة ولا سمن لازم ناشف لانها الصوص فيها بزاف الزيت واللحم يكون مشحم اي ميدم
ويقدم مع المنقووووووع روووعة مع كبسي سلاطة والبطيخ او الدلاع فقط

إضغط هنا لرؤية الصورة بحجمها الطبيعي.

[idron0]

محلبي chez biba
إضغط هنا لرؤية الصورة بحجمها الطبيعي.
المقادير
1ل حليب
5 ملاعق أكل مملوءة أرز غبرة
ملعقة أكل مايزينة
3 ملاعق أكل ماء الزهر
5 ملاعق أكل سكر (حسب الذوق)
قرفة للتزيين

طريقة التحضير:
أنزعي نصف كاس من الحليب واذيبي فيه المايزينة
في كسرولة اخلطي السكر والأرز والحليب وضعي على نار هادئة مع الخلط
عندما يبدأ الخليط بالغليان أضيفي المايزينة وماء الزهر واستمري في الخلط حتى يصبح الخليط ثقيل نوعا ما
أفرغيها مباشرة في أوعية صغيرة وزينيهابالقرفة او حسب الذوق وأتركيها تبرد جيدا
قدميها بالصحة والهنا
إضغط هنا لرؤية الصورة بحجمها الطبيعي.

[idron0]

المسمن والمحاجب ام رحاب
نبداو بالعجينة المسمن والمحاجب انا درت السميد تاع مولا مولاكس راه شباب وصفر وزدت معاه يعني اديري 3كيلات سميد واتحطي كيلة فرينة واتحطي الملح واتشمخي لعجينة واتخليها في الصاشي مبللة واتخليها نص ساعة وتعاودي تخرجي لعجينة وتعجنيها مليح وديريها قرصات صغار بالزيت واتخليهم يتحطو مليح امبعد اتوجدي لاصوص تاع المحاجب
لاصوص
توجدي رطل بصل وتنقيه وترحيه شوية برك اتحطيهم يذبلو وترحي شوية فلفل احلو ولتحطيهم مع البصل يدبلو وطماطم تقطعيها رقيق وتخليها معاهم اطيب ودزيدي مغرفة تاع ماكلة طماطم مصبرة وفي الاخير ادزيدي زيتون اخضر تقطعيهم رقيق واتزيدي تخليهم يطيبو كامل حتان يعقدو مليحوفي الاخير توجدي الحم مرحي واتطيبه وع الملح شوية فلفل اكحل وراص الحانوت وتقليهم مليح وتخليه بجيه
إضغط هنا لرؤية الصورة بحجمها الطبيعي.
امبعد تفتحي مليح العجينة وتعادي تغلقيها كيما راكي تشوفي اتحطي الحشو ومن الفوق اتحطي الحم المرحي وتغلقيها على شكل مربع
إضغط هنا لرؤية الصورة بحجمها الطبيعي.
وطيبيها في الطاجين
إضغط هنا لرؤية الصورة بحجمها الطبيعي.
وهادي كي طابت
إضغط هنا لرؤية الصورة بحجمها الطبيعي.
وهاد المسمن نفس الطرقة المحاجب بصح بلا حشوة
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

جلبانة بالبيض على الطريقة التقليدية chez biba
إضغط هنا لرؤية الصورة بحجمها الطبيعي.
في طنجرة حطي أطراف دجاج مع بصلة وثوم مرحيين وقليهم بشوي زيت، ملحي ولا ديري مكعب جومبو دجاج يجي أحسن
لوحي التوابل تاعك ( فلفل اسود، فلفل عكري، زنجبيل) أمرني غير بشوي ماء وأضيفي الجلبانة والقرنون ( اختياري) وخليهم حتى يطيبو ويترب المرق يبقى فيه غير شوي يكون خاثر
في وعاء خلطي 3 الى 4 بيضات ( حسب كمية الجلبانة) مع مغرف ماكلة عصير الليمون ودبشة ومعدنوس مقطعين رقيق
وفرغيهم فوق الجلبانة حركي وغطي عليهم حتى يتماسك البيض وقدميها بالصحة ولهنا